റാസ്​ അബൂ അബൂദിലെ കണ്ടെയ്നർ സ്​റ്റേഡിയം നിർമാണം ദ്രുതഗതിയിൽ

ദോഹ: 2022 ലോകകപ്പി​െൻറ പ്രധാന സ്​റ്റേഡിയങ്ങളിലൊന്നായ റാസ്​ അബൂ അബൂദിലെ 'കണ്ടെയ്നർ സ്​റ്റേഡിയം' നിർമാണം ദ്രുതഗതിയിൽ പുരോഗമിക്കുന്നു. ഷിപ്പിങ്​ കണ്ടെയ്നറുകൾ, ആവശ്യാനുസരണം നീക്കംചെയ്യാൻ കഴിയുന്ന ഇരിപ്പിടങ്ങൾ, മോഡ്യുലാർ ബിൽഡിങ്​ ബ്ലോക്കുകൾ തുടങ്ങിയവയാണ് പ്രധാനമായും സ്​റ്റേഡിയം നിർമിക്കാനുപയോഗിക്കുന്ന വസ്​തുക്കൾ.ദോഹയുടെ മനോഹരമായ വെസ്​റ്റ് ബേ സ്​കൈലൈന് അഭിമുഖമായി നിർമിക്കുന്ന റാസ്​ അബൂ അബൂദ് സ്​റ്റേഡിയം ലോകകപ്പി​െൻറ ഏറ്റവും സുന്ദരമായ വേദികളിലൊന്നായി മാറുമെന്ന കാര്യത്തിൽ തർക്കമില്ല.

ഷിപ്പിങ്​ കണ്ടെയ്നറുകൾ ഉപയോഗിച്ച് നിർമിക്കുന്ന സ്​റ്റേഡിയത്തിൽ 40,000 കാണികൾക്കാണ് ഇരിപ്പിടമൊരുക്കുന്നത്. ഹമദ് രാജ്യാന്തര വിമാനത്താവളത്തിൽനിന്ന്​ ഒന്നര കിലോമീറ്റർ മാത്രം ദൂരത്തായി 4,50,000 ചതുരശ്രമീറ്റർ സ്​ഥലത്താണ് സ്​റ്റേഡിയം നിർമിക്കുന്നത്.ഫെൻവിക് ഐറിബറൻ ആർക്കിടെക്സാണ് സ്​റ്റേഡിയത്തി​െൻറ രൂപരേഖ തയാറാക്കിയിരിക്കുന്നത്. ലോകകപ്പി​െൻറ ക്വാർട്ടർ ഫൈനൽ മത്സരങ്ങൾ വരെയുള്ള മത്സരങ്ങളായിരിക്കും ഇവിടെ നടക്കുക.

സ്​റ്റേഡിയത്തി​െൻറ നിർമാണം പൂർത്തിയാക്കുന്നതിന് 949 കണ്ടെയ്നറുകളാണ് ആവശ്യമായി വരുന്നതെന്നും സ്​റ്റേഡിയം രൂപരേഖക്ക് ആവശ്യമായ സ്​റ്റീൽ ഫാബ്രിക്കേഷൻ നിർമാണം 94 ശതമാനം പിന്നിട്ടതായും കണ്ടെയ്നറുകൾ ഘടിപ്പിക്കുന്നതിനുള്ള സ്​റ്റീൽ സ്​െട്രക്ചറുകൾ 33 ശതമാനം സ്​ഥാപിച്ചുവെന്നും സുപ്രീം കമ്മിറ്റി നേരത്തേ വ്യക്തമാക്കിയിരുന്നു.2021ൽ തന്നെ ലോകകപ്പിനുള്ള സ്​റ്റേഡിയങ്ങളുടെ നിർമാണം പൂർത്തിയാകുമെന്നാണ് പ്രതീക്ഷിക്കപ്പെടുന്നത്.മനോഹരമായ ചെറുനഗരത്തി​െൻറ മാതൃകയിൽ ഒരുങ്ങുന്ന റാസ്​ അബൂ അബൂദ് സ്​റ്റേഡിയം പൂർണമായും നീക്കം ചെയ്യാനും പുനഃസ്​ഥാപിക്കാനും സാധിക്കുംവിധത്തിലാണ് തയാറാക്കുന്നത്.