ദോഹ: ഒന്നരവർഷത്തെ ജീവിത പരീക്ഷണകാലത്തിന് അറുതിയാവുകയാണോ?. ആശ്വാസത്തോടെയാണ് സ്വദേശികളും പ്രവാസികളും അടങ്ങുന്ന ഖത്തറിലെ ജനസമൂഹം കഴിഞ്ഞ ദിവസത്തെ മന്ത്രിസഭാ തീരുമാനങ്ങളും പിന്നാലെ വിവിധ മന്ത്രാലയങ്ങളുടെ ഉത്തരവുകൾക്കും ചെവികൊടുത്തത്. മുഖംമൂടിക്കെട്ടിയ മാസ്കിൽനിന്ന് താൽക്കാലിക ആശ്വാസം നൽകുന്നതാണ് നിയന്ത്രണങ്ങളോടെ പൊതു സ്ഥലത്ത് മാസ്ക് ഒഴിവാക്കാൻ നൽകിയ ഇളവ്. ഇതിനു പിന്നാലെയാണ് സ്കൂളുകൾ, പള്ളികൾ എന്നിവ സംബന്ധിച്ച് അതത് മന്ത്രാലയങ്ങളുടെ പ്രഖ്യാപനം.
•വേദിയുടെ ആകെ ശേഷിയുടെ 30 ശതമാനം വരെ ആളുകൾക്ക് പങ്കെടുക്കാം. എന്നാൽ, ഇത് 250ന് മുകളിൽ ആവാൻ പാടില്ല. വാക്സിൻ സ്വീകരിക്കാത്തവർ 20 പേർ മാത്രം.
•ഔട്ഡോറിലെ വിവാഹങ്ങൾക്ക് ആകെ ശേഷിയുശട 50 ശതമാനം പേർക്ക് പങ്കെടുക്കാൻ അനുമതിയുണ്ട്. എന്നാൽ, പരമാവധി 400 പേർ മാത്രം. വാക്സിൻ സ്വീകരിക്കാത്തവർ 50ൽ കൂടാൻ പാടില്ല.
പ്രാദേശിക, രാജ്യാന്തര കായികമത്സരങ്ങൾ പൊതുജനാരോഗ്യ മന്ത്രാലയത്തിെൻറ അനുമതിപ്രകാരം സംഘടിപ്പിക്കാം. ഒാപൺ എയർ വേദികളിൽ ആകെ ശേഷിയുടെ 75 ശതമാനം കാണികൾക്ക് പ്രവേശനം നൽകും. ഇൻഡോർ വേദികളിൽ 30 ശതമാനം പേർക്ക് പ്രവേശനം. ഇവരിൽ 90 ശതമാനം കാണികളും വാക്സിൻ സ്വീകരിച്ചവർ ആയിരിക്കണം.
18നും താഴെയുമുള്ളവരുടെ കായികപരിശീലനങ്ങൾ: ഓപൺ ഗ്രൗണ്ടിൽ പരമാവധി 40 പേർ. ഇൻഡോർ ഗ്രൗണ്ടിൽ 30 പേർ. സ്വകാര്യ ക്ലബിലെ കുട്ടികളുടെ പരിശീലനത്തിന് ഓപൺ ഗ്രീണ്ടിൽ 35ഉം ഇൻഡോർ ഗ്രൗണ്ടിൽ 25ഉം പേർ മാത്രം.
സമ്മേളനങ്ങള്‍, പ്രദര്‍ശനങ്ങള്‍, മറ്റു ചടങ്ങുകള്‍ എന്നിവ തുറസ്സായ സ്ഥലങ്ങളില്‍ 75 ശതമാനം ശേഷിയോടെയും അടച്ചിട്ട മേഖലകളില്‍ 50 ശതമാനം ശേഷിയോടെയും നടത്താം. എന്നാല്‍, 90 ശതമാനം പേര്‍ വാക്സിനേഷന്‍ പൂര്‍ത്തിയാക്കിയവരാകണം. അല്ലാത്തവര്‍ ആൻറിജന്‍ ടെസ്റ്റ് നടത്തി നെഗറ്റിവാണെന്ന് തെളിയിക്കണം. അതേസമയം, പങ്കെടുക്കുന്നവരുടെ എണ്ണം ഓപൺ ഗ്രൗണ്ടിൽ 1000ഉം ഇൻഡോറിൽ 500ഉം ആയി നടത്തണമെങ്കിൽ ആരോഗ്യമന്ത്രാലയത്തിെൻറ മുൻകൂർ അനുവാദം വേണം.
ഷോപ്പിങ് മാളുകൾ ഉൾപ്പെടെയുള്ള വാണിജ്യസ്ഥാപനങ്ങൾക്ക് 100 ശതമാനം ശേഷിയിൽ പ്രവർത്തിക്കാൻ അനുവാദം നൽകി. കുട്ടികൾക്കുള്ള പ്രവേശനവും അനുവദിക്കും. മാളിനകത്തെ ഫുഡ്കോർട്ടുകൾ 50 ശതമാനം ശേഷിയിൽ പ്രവർത്തിക്കാം. നമസ്കാര സ്ഥലങ്ങൾ, ഡ്രസിങ് റൂം എന്നിവ തുറന്നുനൽകും. 'ഖത്തർ ക്ലീൻ' സർട്ടിഫിക്കറ്റുള്ള റസ്റ്റാറൻറുകൾക്കും കഫേകൾക്കും ഓപൺ സ്പേസിലാണെങ്കിൽ പൂർണശേഷിയിൽ പ്രവർത്തിക്കാം. ഇൻഡോറിൽ ഇത് 75 ശതമാനം ശേഷിയിലേ ആളുകൾക്ക് പ്രവേശനം നൽകാവൂ. അതേസമയം, ക്ലീൻ സർട്ടിഫിക്കറ്റില്ലാത്ത സ്ഥാപനങ്ങൾക്ക് വാണിജ്യ വ്യവസായമന്ത്രാലയം നിശ്ചയിച്ച വ്യവസ്ഥകൾ പാലിച്ച് ഔട്ട് ഡോറിൽ 50 ശതമാനവും ഇൻഡോറിൽ 40 ശതമാനവുമാണ് അനുവാദം. 12 വയസ്സിന് താഴെയുള്ള കുട്ടികള്‍ക്ക് അവരുടെ കുടുംബത്തോടൊപ്പം മാത്രമേ പ്രവേശിക്കാന്‍ കഴിയൂ.
ബ്യൂട്ടി സലൂണിനും ബാർബർ ഷോപ്പുകൾക്കും 75 ശതമാനം ശേഷിയോടെ പ്രവർത്തിക്കാം. ജീവനക്കാരും ഉപഭോക്താക്കളും വാക്സിൻ സ്വീകരിച്ചവരായിരിക്കണം. ഒരേ സമയം 12 വയസ്സിന് താഴെ പ്രായമുള്ള രണ്ടു പേർക്ക് മാത്രമാണ് പ്രവേശനം. ഹെൽത്ത് ക്ലബ്, ജിംനേഷ്യങ്ങൾ, മസാജ് സെൻററുകൾ എന്നിവടങ്ങൾ 75 ശതമാനം ശേഷിയോടെ പ്രവർത്തിക്കാം. എല്ലാവരും രണ്ട് ഡോസ് വാക്സിൻ സ്വീകരിച്ചവരായിരിക്കണം.
ഒൗട്ട് ഡോർ സ്വിമ്മിങ് പൂളുകൾക്കും വാട്ടർ പാർക്കുകൾക്കും ശേഷിയുടെ 75 ശതമാനം പേർക്ക് പ്രവേശനം നൽകാം. ഇൻഡോറിൽ ഇത് 50 ശതമാനമാണ് അനുവാദം.
12 വയസ്സിന് താഴെയുള്ള കുട്ടികൾക്ക് പ്രവേശനം നൽകും. എന്നാൽ, ഇവരെ വാക്സിൻ സ്വീകരിക്കാത്തവരായി കണക്കാക്കും. വാക്സിൻ സ്വീകരിക്കാത്തവർ 25 ശതമാനത്തിൽ കൂടാൻ പാടില്ല. അമ്യൂസ്മെൻറ് പാർക്കുകളും വിനോദസഞ്ചാര കേന്ദ്രങ്ങളും ഔട്ഡോറിൽ 75 ശതമാനവും ഇൻഡോറിൽ 50 ശതമാനവുമാണ് അനുവാദം. ഇവരിൽ 75 ശതമാനവും വാക്സിനേറ്റഡ് ആയിരിക്കണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.