ദോഹ: ദേശീയദിന സമ്മാനമായി യാത്രക്കാർക്ക് വിമാനടിക്കറ്റ് നിരക്കിൽ പ്രത്യേക ഇളവുകൾ പ്രഖ്യാപിച്ച് ഖത്തർ എയർവേസ്. ഡിസംബർ 12 മുതല്‍ 18 വരെ ബുക്ക് ചെയ്യുന്ന ടിക്കറ്റുകള്‍ക്ക് 35 ശതമാനം വരെയാണ് ഇളുവകൾ പ്രഖ്യാപിച്ചത്. ലോകത്തിെൻറ വിവിധ ഭാഗങ്ങളിലായി 140 ലേറെ വിമാനത്താവളങ്ങളിലേക്കുള്ള യാത്രകൾക്ക് ഇളവുകൾ ബാധകമാവുമെന്ന് ഖത്തർ എയർവേസ് അധികൃതർ അറിയിച്ചു. ഡിസംബര്‍ 26 മുതല്‍ അടുത്ത വര്‍ഷം ജൂണ്‍ 15 വരെയുള്ള യാത്രക്ക് ദേശീയ ദിന സമ്മാന ദിന ഓഫറിൽ ടിക്കറ്റുകൾ ഉപയോഗിക്കാം. ഖത്തര്‍ എയര്‍വേസിെൻറ പ്രിവിലേജ് ക്ലബ് അംഗങ്ങള്‍ക്കും പ്രത്യേക ഓഫറുകള്‍ പ്രഖ്യാപിച്ചിട്ടുണ്ട‌്. ഇക്കാലയളവിലെ എക്കോണമി ക്ലാസ് യാത്രകള്‍ക്ക് ഇരട്ടി ക്യുമെയില്‍സ് ലഭിക്കും. പ്രീമിയം യാത്രകള്‍ക്ക് ഇരട്ടി ക്യു പോയിൻറും ലഭിക്കും. ഓണ്‍ ലൈന്‍ വഴിയോ ഖത്തര്‍ എയര്‍വേസ് സെയില്‍സ് ഓഫിസുകളില്‍ നിന്നോ ടിക്കറ്റ് എടുക്കാം, അംഗീകൃത ഏജൻറുകള്‍ വഴി എടുക്കുന്ന ടിക്കറ്റുകള്‍ക്കും ഓഫര്‍ ലഭിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.