ദോഹ: ബലിപെരുന്നാളിനെ വരവേറ്റുകൊണ്ട് പെരുന്നാൾ പണം പിൻവലിക്കാൻ ‘ഈദിയ്യ എ.ടി.എമ്മുകൾ’ ഒരുക്കി ഖത്തർ സെൻട്രൽ ബാങ്ക്. വ്യാഴാഴ്ച മുതൽ തിരഞ്ഞെടുത്ത കേന്ദ്രങ്ങളിൽ ഈദിയ്യ എ.ടി.എമ്മുകൾ പ്രവർത്തിക്കുമെന്ന് അധികൃതർ അറിയിച്ചു. അഞ്ച്, പത്ത്, 50-100 റിയാലുകളുടെ കറൻസികൾ പിൻവലിക്കാവുന്ന എ.ടി.എമ്മാണ് വിവിധ ഭാഗങ്ങളിൽ സ്ഥാപിക്കുന്നത്. െപ്ലയ്സ് വെൻഡോം മാൾ, മാൾ ഓഫ് ഖത്തർ, അൽ വക്റ സൂഖ്, ദോഹ ഫെസ്റ്റിവൽ സിറ്റി, അൽ ഹസം മാൾ, അൽ മിർഖാബ് മാൾ, വെസ്റ്റ് വാക്, അൽഖോർ മാൾ, അൽമീറ മുഐതർ, അൽ മീറ അൽ തുമാമ എന്നിവിടങ്ങളിൽ ഈദിയ്യ എ.ടി.എമ്മുകൾ സ്ഥാപിച്ചിട്ടുണ്ട്. മുതിർന്നവർ കുട്ടികൾക്ക് പെരുന്നാൾ ആഘോഷങ്ങളുടെ ഭാഗമായി നൽകുന്ന പെരുന്നാൾ പണത്തിന് ആവശ്യമായ ചെറിയ സംഖ്യയുടെ കറൻസികൾ ലഭ്യമാക്കുന്നതിനാണ് ആഘോഷ വേളകളിൽ ക്യു.സി.ബി ഈദിയ്യ എ.ടി.എമ്മുകൾ സ്ഥാപിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.