പു​നഃ​സം​ഘ​ട​ന​യി​ൽ പ​രി​ഹാ​ര​മാ​വു​മോ?

ദോ​ഹ: വ​ർ​ഷ​ങ്ങ​ളാ​യി തു​ട​രു​ന്ന ഗ്രൂ​പ്പി​സ​വും ചേ​രി​തി​രി​വും രൂ​ക്ഷ​മാ​വു​ന്ന​തി​നി​ടെ എ​തി​ർ​ശ​ബ്​​ദ​ങ്ങ​ളെ പൂ​ർ​ണ​മാ​യും അ​വ​ഗ​ണി​ച്ച്​ ​ഖ​ത്ത​ർ ഇ​ൻ​കാ​സി​ൽ കെ.​പി.​സി.​സി​യു​ടെ പു​നഃ​സം​ഘ​ട​ന.

2018ൽ ​​പ്ര​സി​ഡ​ന്‍റാ​യി സ്ഥാ​ന​മേ​റ്റ സ​മീ​ർ ഏ​റാ​മ​ല​യെ മാ​റ്റി​നി​ർ​ത്ത​ണ​മെ​ന്നും തെ​ര​ഞ്ഞെ​ടു​പ്പി​ലൂ​ടെ പു​തി​യ ക​മ്മി​റ്റി നേ​തൃ​ത്വ​ത്തി​ൽ വ​ര​ണ​മെ​ന്നും ആ​വ​ശ്യ​പ്പെ​ട്ട മു​ൻ​കാ​ല ​ഭാ​ര​വാ​ഹി​ക​ൾ ഉ​ൾ​പ്പെ​ടെ​യു​ള്ള ശ​ക്ത​രാ​യ വി​മ​ത സം​ഘ​ത്തി​ന്‍റെ ആ​വ​ശ്യ​ങ്ങ​ളെ പൂ​ർ​ണ​മാ​യും ത​ള്ളി​യാ​ണ്​ കെ.​പി.​സി.​സി അ​ധ്യ​ക്ഷ​ൻ കെ. ​സു​ധാ​ക​ര​ൻ ക​ഴി​ഞ്ഞ ദി​വ​സം ക​മ്മി​റ്റി പു​നഃ​സം​ഘ​ടി​പ്പി​ച്ച​ത്. ഐ.​സി.​സി​യി​ൽ ര​ജി​സ്റ്റ​ർ ചെ​യ്ത സം​ഘ​ട​ന എ​ന്ന നി​ല​യി​ൽ ര​ണ്ടു​വ​ർ​ഷ​ത്തേ​ക്കാ​ണ്​ ഭ​ര​ണ​സ​മി​തി​യു​ടെ കാ​ലാ​വ​ധി. 2018ൽ ​സ്ഥാ​ന​മേ​റ്റ ക​മ്മി​റ്റി ഒ​ത്തു​തീ​ർ​പ്പ്​ ഫോ​ർ​മു​ല​ക​ളു​ടെ അ​ടി​സ്ഥാ​ന​ത്തി​ൽ ​​2020ൽ ​വോ​ട്ടെ​ടു​പ്പി​ലേ​ക്ക്​ നീ​ങ്ങാ​നി​രി​ക്കെ​യാ​യി​രു​ന്നു കോ​വി​ഡി​ന്‍റെ വ​ര​വ്. അം​ഗ​ത്വം ചേ​ർ​ക്ക​ൽ ഉ​ൾ​പ്പെ​ടെ​യു​ള്ള ന​ട​പ​ടി​ക്ര​മ​ങ്ങ​ൾ സ​ജീ​വ​മാ​വു​ന്ന​തി​നി​ടെ മ​ഹാ​മാ​രി വ്യാ​പി​ച്ച​തോ​ടെ, നി​ല​വി​ലെ ക​മ്മി​റ്റി അ​തേ​പ​ടി തു​ട​ർ​ന്നു.

അ​തേ​സ​മ​യം, വി​മ​ത​രു​ടെ നേ​തൃ​ത്വ​വും ഇ​ക്കാ​ല​ത്ത്​ ശ​ക്ത​മാ​യി. തെ​ര​ഞ്ഞെ​ടു​പ്പ്​ ന​ട​ത്ത​ണ​മെ​ന്ന ആ​വ​​ശ്യ​വു​മാ​യി ഇ​വ​ർ ഐ.​സി.​സി​യെ സ​മീ​പി​ക്കു​ക​കൂ​ടി ചെ​യ്ത​തി​നു​പി​ന്നാ​ലെ​യാ​ണ്​ കെ.​പി.​സി.​സി പ്ര​സി​ഡ​ന്‍റ്​ തെ​ര​ഞ്ഞെ​ടു​പ്പി​ല്ലാ​തെ പു​നഃ​സം​ഘ​ട​ന ന​ട​ത്തി പു​തി​യ ക​മ്മി​റ്റി പ്ര​ഖ്യാ​പി​ച്ച​ത്.

സ്ഥാ​ന​മൊ​ഴി​യാ​ൻ നി​ല​വി​ലെ പ്ര​സി​ഡ​ന്‍റ്​ സ​മീ​ർ ഏ​റാ​മ​ല സ​ന്ന​ദ്ധ​ത അ​റി​യി​ച്ചെ​ങ്കി​ലും കോ​ൺ​ഗ്ര​സ്​ സം​സ്ഥാ​ന അ​ധ്യ​ക്ഷ​ന്‍റെ​യും മ​റ്റ്​ മു​തി​ർ​ന്ന നേ​താ​ക്ക​ളു​ടെ​യും താ​ൽ​പ​ര്യ​ത്തോ​ടെ വീ​ണ്ടും സ്ഥാ​ന​ത്തു​ത​ന്നെ നി​ല​നി​ർ​ത്താ​ൻ തീ​രു​മാ​നി​ക്കു​ക​യാ​യി​രു​ന്നു. ക​മ്മി​റ്റി പ്ര​ഖ്യാ​പ​ന​ത്തി​നു പി​ന്നാ​ലെ പു​റ​ത്തി​റ​ക്കി​യ വി​ഡി​യോ സ​ന്ദേ​ശ​ത്തി​ൽ എ​തി​ർ​സം​ഘ​ത്തി​ന്‍റേ​ത്​ വി​മ​ത പ്ര​വ​ർ​ത്ത​ന​മാ​ണെ​ന്നും വ്യ​ക്ത​മാ​ക്കി​യ കെ.​പി.​സി.​സി പ്ര​സി​ഡ​ന്‍റ്, അ​ത്ത​രം പ്ര​വ​ർ​ത്ത​ന​ങ്ങ​ൾ ഒ​രു കാ​ര​ണ​വ​ശാ​ലും വെ​ച്ചു​പൊ​റു​പ്പി​ക്കി​ല്ലെ​ന്നും മു​ന്ന​റി​യി​പ്പ്​ ന​ൽ​കി.

ക​ഴി​ഞ്ഞ ന​വം​ബ​റി​ൽ ഒ.​ഐ.​സി.​സി വൈ​സ്​ പ്ര​സി​ഡ​ന്റ്​ സ്ഥാ​ന​ത്തു​നി​ന്ന് ജോ​പ്പ​ച്ച​ൻ തെ​ക്കേ​ക്കൂ​റ്റി​നെ പു​റ​ത്താ​ക്കി​യ​തി​ൽ പ്ര​തി​ഷേ​ധി​ച്ച്​ ജ​ന​റ​ൽ സെ​ക്ര​ട്ട​റി​സ്ഥാ​നം രാ​ജി​വെ​ച്ച മു​തി​ർ​ന്ന നേ​താ​വ്​ സി​ദ്ദീ​ഖ്​ പു​റാ​യി​ലി​നെ ഇ​ൻ​കാ​സ്​ അ​ഡ്വൈ​സ​റി ബോ​ർ​ഡ്​ ചെ​യ​ർ​മാ​നാ​യി നി​യ​മി​ച്ചി​ട്ടു​ണ്ട്. സ​മീ​ർ ഏ​റാ​മ​ല വി​രു​ദ്ധ പ​ക്ഷ​ത്താ​യി​രു​ന്ന ബ​ഷീ​ർ തു​വാ​രി​ക്ക​ൽ ഉ​ൾ​പ്പെ​ടെ ഏ​താ​നും പേ​രെ എ​ക്സി​ക്യൂ​ട്ടി​വി​ലും മ​റ്റ്​ ഭാ​ര​വാ​ഹി​ക​ളു​മാ​യി ക​മ്മി​റ്റി​യി​ൽ ഉ​ൾ​പ്പെ​ടു​ത്തി​യി​ട്ടു​ണ്ട്.

എ​ന്നാ​ൽ, പു​നഃ​സം​ഘ​ട​ന​യി​ൽ ഖ​ത്ത​റി​ലെ കോ​ൺ​ഗ്ര​സ്​ പ്ര​വ​ർ​ത്ത​ക​ർ അ​സം​തൃ​പ്ത​രാ​ണെ​ന്ന്​ എ​തി​രാ​ളി​ക​ൾ ആ​രോ​പ​ണ​വു​മാ​യി രം​ഗ​ത്തെ​ത്തി. ​വി​വി​ധ ജി​ല്ല ക​മ്മി​റ്റി​ക​ളു​ടെ ഗ്രൂ​പ്പു​ക​ളി​ൽ​നി​ന്ന് പ്ര​വ​ർ​ത്ത​ക​ർ വി​ട്ടു​പോ​വു​ന്ന​താ​യും ഏ​ക​പ​ക്ഷീ​യ​മാ​യ തെ​ര​ഞ്ഞെ​ടു​പ്പാ​ണി​തെ​ന്നും ഇ​വ​ർ ആ​രോ​പ​ണ​മു​ന്ന​യി​ക്കു​ക​യും ചെ​യ്തു. പ്ര​ശ്ന​ങ്ങ​ൾ പ​രി​ഹ​രി​ക്കാ​ൻ സം​സ്ഥാ​ന നേ​തൃ​ത്വം മു​​ന്നോ​ട്ടു​വെ​ച്ച പു​നഃ​സം​ഘ​ട​ന ഫോ​ർ​മു​ല ഫ​ല​ത്തി​ൽ ​ത​ർ​ക്ക​ങ്ങ​ൾ രൂ​ക്ഷ​മാ​ക്കി​യെ​ന്നാ​ണ്​ അ​ണി​ക​ൾ​ക്കി​ട​യി​ൽ​നി​ന്നു​ള്ള സൂ​ച​ന​ക​ൾ.