ദോഹ: മെട്രോയുടെ ഫീഡർ ബസ് സർവിസായ മെട്രോ ലിങ്ക് മൂന്ന് പുതിയ റൂട്ടുകളിലേക്ക് കൂടി യാത്ര പുനരാരംഭിക്കുന്നു. ഞായറാഴ്ച മുതൽ സർവിസ് ആരംഭിക്കുമെന്ന് അധികൃതർ അറിയിച്ചു.
രണ്ട് സർവിസുകൾ വെസ്റ്റ് ബേ ക്യൂ.പി സ്റ്റേഷനിൽ നിന്നും, ഒന്ന് ജുആൻ സ്റ്റേഷനിൽനിന്നുമാണ് ആരംഭിക്കുന്നത്. വെസ്റ്റ് ബേ ക്യു.പി സ്േറ്റഷനില്‍നിന്ന് എം 106- ഒനൈസ 65 ഏരിയയിലേക്കും എം 107 - ലെജ്‌ ബൈലത് ഏരിയയിലേക്കുമാണ് മെട്രോലിങ്ക് സര്‍വിസ്. ജുആന്‍ സ്റ്റേഷനില്‍നിന്ന് എം 314 - അല്‍ നാസര്‍, അല്‍ മിര്‍കാബ് അല്‍ ജദീദ് പ്രദേശങ്ങളിലേക്കുമാണ് സര്‍വിസ് ആരംഭിക്കുന്നത്.
ഉംഗുവൈലിനയിൽനിന്ന് അൽ മൻസൂറ, നജ്മ റൂട്ടിലേക്കുള്ള എം 117 മെട്രോ ലിങ്കിെൻറ സർവിസ് പുനരാരംഭിക്കും.
കോവിഡ് സാഹചര്യത്തിൽ നിർത്തിവെച്ച സർവിസാണ് പുനരാരംഭിക്കുന്നത്. ദോഹ മെട്രോ സ്റ്റേഷനുകളില്‍നിന്ന് രണ്ടുമുതല്‍ അഞ്ചു കി.മീ പരിധിക്കുള്ളില്‍ സഞ്ചരിക്കുന്നതിനുള്ള ഫീഡര്‍ ബസ് സര്‍വിസാണ് മെട്രോലിങ്ക്. ഓരോ സ്റ്റേഷനിൽനിന്നുള്ള ബസുകളുടെ വിവരങ്ങൾ ലഭ്യമാക്കാനായി ദോഹ മെട്രോ മൊബൈൽ ആപ് ഡൗൺലോഡ് ചെയ്യാമെന്ന് അധികൃതർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.