ദോഹ: ലോക വിനോദസഞ്ചാര ദിനത്തിന്‍റെ ഭാഗമായി ഖത്തറിലെത്തുന്ന സന്ദർശകർക്ക് കിടിലൻ ഓഫറുമായി ദോഹ മെട്രോയും ലുസൈൽ ട്രാമും. വ്യാഴം, വെള്ളി, ശനി ദിവസങ്ങളിൽ ഹമദ് അന്താരാഷ്ട്ര വിമാനത്താവളത്തിലെത്തുന്ന യാത്രക്കാർക്ക് ദോഹ മെട്രോയും ട്രാമും ഉപയോഗിച്ച് ഒരു ദിവസ സൗജന്യ യാത്ര വാഗ്ദാനം ചെയ്യുന്ന ഫ്രീ ഡേ പാസ് ആണ് സമ്മാനിക്കുന്നത്.
ലോക ടൂറിസം ദിനത്തിന്‍റെ ഭാഗമായി രാജ്യത്തെ വിനോദസഞ്ചാര കേന്ദ്രങ്ങൾ ആസ്വദിക്കാനുള്ള ഓഫറായാണ് ഇത് നൽകുന്നത്. ബോർഡിങ് പാസും പാസ്പോർട്ടും സഹിതം ഹമദ് വിമാനത്താവള മെട്രോ സ്റ്റേഷൻ കൗണ്ടറിനെ സമീപിച്ചാൽ ഫ്രീ ഡേ പാസ് ലഭിക്കും. ഇതുപയോഗിച്ച് ഒരു ദിവസം മെട്രോയുടെ ഏത് റൂട്ടിലും പരിധികളില്ലാതെ യാത്ര ചെയ്യാവുന്നതാണ്. കാർഡ് സ്വന്തമാക്കിയ ശേഷം പുലർച്ച 2.59 വരെയാകും ഡേ പാസിന്‍റെ പരമാവധി കാലാവധി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.