പ്രകൃതി വാതക കയറ്റുമതി രാജ്യങ്ങളുടെ ഉച്ചകോടി ഇന്ന്​

ദോഹ: പ്ര​കൃ​തി​വാ​ത​ക ക​യ​റ്റു​മ​തി രാ​ഷ്ട്ര​ത്ത​ല​വ​ന്മാ​രു​ടെ ആ​റാ​മ​ത് ഉ​ച്ച​കോ​ടി​ക്ക്​ ചൊ​വ്വാ​ഴ്ച ദോ​ഹ​യി​ല്‍ തു​ട​ക്കം കു​റി​ക്കും. ഖ​ത്ത​റും റ​ഷ്യ​യും അ​ട​ക്കം 11 രാ​ജ്യ​ങ്ങ​ളു​ടെ കൂ​ട്ടാ​യ്മ​യു​ടെ നി​ർ​ണാ​യ​ക യോ​ഗ​ത്തി​നാ​ണ്​ ദോ​ഹ വേ​ദി​യാ​വു​ന്ന​ത്. പ്ര​കൃ​തി​വാ​ത​ക പ​ര്യ​വേ​ഷ​ണ​ത്തി​ന് നി​ക്ഷേ​പം വ​ര്‍ധി​പ്പി​ക്കു​ക, ഉ​ൽ​പാ​ദ​നം കൂ​ട്ടു​ക, ആ​ഗോ​ള ഊ​ര്‍ജ സു​ര​ക്ഷ ഉ​റ​പ്പാ​ക്കു​ക, ഊ​ര്‍ജ സ​ഹ​ക​ര​ണം ശ​ക്തി​പ്പെ​ടു​ത്തു​ന്ന​തി​ന് അം​ഗ​ങ്ങ​ളെ പ്രോ​ത്സാ​ഹി​പ്പി​ക്കു​ക തു​ട​ങ്ങി​യ ല​ക്ഷ്യ​ങ്ങ​ളു​മാ​യാ​ണ് ഒ​ത്തു​ചേ​രു​ന്ന​ത്. ​അം​ഗ​രാ​ജ്യ​ങ്ങ​ളി​ലെ വ​കു​പ്പു മ​ന്ത്രി​മാ​ര്‍ പ​ങ്കെ​ടു​ത്ത ച​ര്‍ച്ച​ക​ള്‍ നേരത്തേ ന​ട​ന്നി​രു​ന്നു. ഖ​ത്ത​ര്‍ അ​മീ​ര്‍ ശൈ​ഖ് ത​മീം ബി​ന്‍ ഹ​മ​ദ് ആ​ൽ​ഥ​നി, ഇ​റാ​ന്‍ പ്ര​സി​ഡ​ന്‍റ്​ ഇ​ബ്രാ​ഹിം റ​ഈ​സി, അ​ള്‍ജീ​രി​യ​ന്‍ പ്ര​സി​ഡ​ന്‍റ്​ അ​ബ്ദു​ല്‍ മാ​ജി​ദ് തെ​ബൂ​ണ്‍ എ​ന്നി​വ​ര്‍ ഉ​ച്ച​കോ​ടി​യി​ല്‍ പ​ങ്കെ​ടു​ക്കു​ന്നു​ണ്ട്.

റ​ഷ്യ, ഈ​ജി​പ്ത്, ഗി​നി, ലി​ബി​യ, നൈ​ജീ​രി​യ, ട്രി​നി​ഡാ​ഡ് ആ​ൻ​ഡ് ടു​ബാ​ഗോ, വെ​നി​​​സ്വേ​ല എ​ന്നി​വ​യാ​ണ് മ​റ്റു സ്ഥി​രാം​ഗ​ങ്ങ​ള്‍. അം​ഗ​രാ​ജ്യ​ങ്ങ​ള്‍ക്ക് പു​റ​മെ അം​ഗോ​ള, അ​സ​ര്‍ബൈ​ജാ​ന്‍, ഇ​റാ​ഖ്, മ​ലേ​ഷ്യ, നോ​ർ​വേ, പെ​റു, യു.​എ.​ഇ എ​ന്നീ ഏ​ഴ്​ നി​രീ​ക്ഷ​ക രാ​ജ്യ​ങ്ങ​ളും ഇ​ന്തോ​നേ​ഷ്യ, മൊ​സാം​ബി​ക്, പാ​പ്വ ന്യൂ​ഗി​നി എ​ന്നീ അ​തി​ഥി രാ​ജ്യ​ങ്ങ​ളും പ​ങ്കെ​ടു​ക്കു​ന്നു​ണ്ട്. ലോ​ക​ത്ത് ഇ​തു​വ​രെ ക​ണ്ടെ​ത്തി​യി​ട്ടു​ള്ള പ്ര​കൃ​തി വാ​ത​ക നി​ക്ഷേ​പ​ത്തി​ന്‍റെ 70 ശ​ത​മാ​ന​വും ഉ​ള്ള​ത് കൂ​ട്ടാ​യ്മ​യി​ലു​ള്ള രാ​ഷ്ട്ര​ങ്ങ​ളി​ലാ​ണ്.