നീറ്റലായി നീറ്റ്; ഉത്തരസൂചിക കിട്ടാ​തെ വിദ്യാർഥികൾ

ദോ​ഹ: ഖ​ത്ത​റി​ൽ ‘നീ​റ്റ്’ പ​രീ​ക്ഷ​യെ​ഴു​തി​യ വി​ദ്യാ​ർ​ഥി​ക​ളെ വീ​ണ്ടും വ​ല​ച്ച് ദേ​ശീ​യ ടെ​സ്റ്റി​ങ് ഏ​ജ​ൻ​സി. മേ​യ് അ​ഞ്ചി​ന് ന​ട​ന്ന ദേ​ശീ​യ മെ​ഡി​ക്ക​ൽ പ്ര​വേ​ശ​ന പ​രീ​ക്ഷ​യു​ടെ ഉ​ത്ത​ര സൂ​ചി​ക മേ​യ് 29 ബു​ധ​നാ​ഴ്ച പ്ര​സി​ദ്ധീ​ക​രി​ച്ചെ​ങ്കി​ലും ഖ​ത്ത​റി​ൽ​നി​ന്നു​ള്ള വി​ദ്യാ​ർ​ഥി​ക​ൾ​ക്ക് exams.nta.ac.in/NEET എ​ന്ന വെ​ബ്സൈ​റ്റി​ൽ പ്ര​വേ​ശി​ക്കാ​നോ, ഉ​ത്ത​ര സൂ​ചി​ക ഡൗ​ൺ​ലോ​ഡ് ചെ​യ്യാ​നോ സാ​ധി​ച്ചി​ല്ല. ഡൗ​ൺ​ലോ​ഡ് ചെ​യ്ത ഉ​ത്ത​ര സൂ​ചി​ക​യി​ൽ ആ​ക്ഷേ​പ​ങ്ങ​ളു​ണ്ടെ​ങ്കി​ൽ ഉ​ന്ന​യി​ക്കാ​നു​ള്ള സ​മ​യ​പ​രി​ധി ശ​നി​യാ​ഴ്ച ഉ​ച്ച​ക്ക് അ​വ​സാ​നി​ച്ച​തോ​ടെ വി​ദ്യാ​ർ​ഥി​ക​ളും ര​ക്ഷി​താ​ക്ക​ളും ആ​ശ​ങ്ക​യി​ലാ​യി.

അ​തേ​സ​മ​യം, വി​ഷ​യ​ത്തി​ൽ ഇ​ട​പെ​ട്ട ഖ​ത്ത​റി​ലെ ഇ​ന്ത്യ​ൻ എം​ബ​സി, ദേ​ശീ​യ ടെ​സ്റ്റി​ങ് ഏ​ജ​ൻ​സി​യു​മാ​യി ബ​ന്ധ​പ്പെ​ട്ട് പ​രാ​തി​ക്ക് പ​രി​ഹാ​രം നി​ർ​ദേ​ശി​ച്ചി​രു​ന്നു. ഉ​ത്ത​ര സൂ​ചി​ക ല​ഭി​ക്കാ​ത്ത വി​ദ്യാ​ർ​ഥി​ക​ൾ​ക്ക് neet@nta.ac.in എ​ന്ന ഇ-​മെ​യി​ൽ വി​ലാ​സ​ത്തി​ൽ എ​ൻ.​ടി.​എ​യെ ബ​ന്ധ​പ്പെ​ട്ട് ഉ​ത്ത​ര സൂ​ചി​ക ല​ഭി​ക്കാ​നും ആ​​ക്ഷേ​പം ഉ​ന്ന​യി​ക്കാ​നും ആ​വ​ശ്യ​പ്പെ​ടാ​മെ​ന്ന് ഇ​ന്ത്യ​ൻ എം​ബ​സി ‘എ​ക്സ്’​പ്ലാ​റ്റ് ഫോം ​വ​ഴി അ​റി​യി​ച്ചു. എ​ന്നാ​ൽ, ഈ ​നി​ർ​ദേ​ശ​പ്ര​കാ​രം ഇ-​മെ​യി​ലി​ൽ ബ​ന്ധ​പ്പെ​ട്ടി​ട്ടും എ​ൻ.​ടി.​എ​യി​ൽ​നി​ന്നും ശ​നി​യാ​ഴ്ച രാ​ത്രി വ​രെ ​മ​റു​പ​ടി​യൊ​ന്നും ല​ഭി​ച്ചി​ട്ടി​ല്ലെ​ന്ന് ര​ക്ഷി​താ​ക്ക​ൾ വ്യ​ക്ത​മാ​ക്കി.

മേ​യ് അ​ഞ്ചി​ന് ന​ട​ന്ന നീ​റ്റ് പ​രീ​ക്ഷ​യു​ടെ ​ഫ​ലം പ്ര​സി​ദ്ധീ​ക​രി​ക്കു​ന്ന​തി​ന് മു​ന്നോ​ടി​യാ​യാ​ണ് ഉ​ത്ത​ര സൂ​ചി​ക വെ​ബ്സൈ​റ്റ് വ​ഴി വി​ദ്യാ​ർ​ഥി​ക​ൾ​ക്ക് ഡൗ​ൺ​ലോ​ഡ് ചെ​യ്യാ​ൻ അ​വ​സ​രം ന​ൽ​കു​ന്ന​ത്. പ്ര​സി​ദ്ധീ​ക​രി​ക്കു​ന്ന ഉ​ത്ത​ര സൂ​ചി​ക​യി​ൽ വി​ദ്യാ​ർ​ഥി​ക​ൾ​ക്ക് ത​ർ​ക്ക​മു​ണ്ടെ​ങ്കി​ൽ ഒ​രു ചോ​ദ്യ​ത്തി​ന് 200 രൂ​പ എ​ന്ന​തോ​തി​ൽ അ​ട​ച്ചാ​ണ് ‘ആ​ൻ​സ​ർ കീ ​ച​ല​ഞ്ച്’ സൗ​ക​ര്യം ഉ​പ​യോ​ഗ​പ്പെ​ടു​ത്തേ​ണ്ട​ത്. ഇ​ന്ത്യ​ൻ സ​മ​യം വെ​ള്ളി​യാ​ഴ്ച രാ​ത്രി 11.50 വ​രെ​യാ​യി​രു​ന്നു ഇ​തി​നു​ള്ള സ​മ​യ​പ​രി​ധി നി​ശ്ച​യി​ച്ച​ത്. എ​ന്നാ​ൽ, വെ​ബ്സൈ​റ്റ് തു​റ​ക്കാ​ൻ ക​ഴി​യു​ന്നി​ല്ലെ​ന്ന് വി​വി​ധ കോ​ണു​ക​ളി​ൽ​നി​ന്ന് ആ​ക്ഷേ​പ​മു​യ​ർ​ന്ന​തോ​ടെ 12 മ​ണി​ക്കൂ​ർ കൂ​ടി അ​ധി​കം അ​നു​വ​ദി​ച്ചെ​ങ്കി​ലും ഖ​ത്ത​റി​​ൽ പ​രീ​ക്ഷ​യെ​ഴു​തി​യ വി​ദ്യാ​ർ​ഥി​ക​ളി​ൽ ബ​ഹു​ഭൂ​രി​പ​ക്ഷം പേ​ർ​ക്കും സൗ​ക​ര്യം ഉ​പ​യോ​ഗ​പ്പെ​ടു​ത്താ​ൻ ക​ഴി​ഞ്ഞി​ട്ടി​ല്ല.

590 പേ​രാ​ണ് ഇ​ത്ത​വ​ണ ഖ​ത്ത​റി​ൽ പ​രീ​ക്ഷ​​യെ​ഴു​തി​യ​ത്. ഇ​തി​ൽ 25 വ​രെ വി​ദ്യാ​ർ​ഥി​ക​ൾ​ക്കു മാ​ത്ര​മാ​ണ് വെ​ബ്സൈ​റ്റി​ൽ​നി​ന്നും ഡൗ​ൺ​ലോ​ഡ് ചെ​യ്യാ​ൻ ക​ഴി​ഞ്ഞ​തെ​ന്ന് ഖ​ത്ത​റി​ൽ​നി​ന്നു​ള്ള ര​ക്ഷി​താ​വാ​യ കോ​ഴി​ക്കോ​ട് സ്വ​ദേ​ശി ഡോ. ​കൃ​ഷ്ണ​കു​മാ​ർ ‘ഗ​ൾ​ഫ് മാ​ധ്യ​മ’​ത്തോ​ട് പ​റ​ഞ്ഞു. മ​ക​ളു​ടെ ഉ​ത്ത​ര സൂ​ചി​ക സം​ബ​ന്ധി​ച്ച് ഇ- ​മെ​യി​ൽ അ​പേ​ക്ഷ അ​യ​ച്ചെ​ങ്കി​ലും മ​റു​പ​ടി​യൊ​ന്നും ല​ഭി​ച്ചി​ട്ടി​ല്ലെ​ന്നും അ​ദ്ദേ​ഹം പ​റ​ഞ്ഞു.ഇ​ന്ത്യ​യി​ലും ​വി​ദേ​ശ​ത്തു​മാ​യി 24 ല​ക്ഷം വി​ദ്യാ​ർ​ഥി​ക​ൾ എ​ഴു​തി​യ പ​രീ​ക്ഷ​യി​ൽ ഒ​രോ മാ​ർ​ക്കും സ്കോ​റും റാ​ങ്കും നി​ർ​ണ​യി​ക്കു​ന്ന​തി​ൽ ഏ​റെ വി​ല​പ്പെ​ട്ട​താ​ണ് എ​ന്ന​തി​നാ​ൽ ഉ​ത്ത​ര സൂ​ചി​ക കാ​ണാ​നോ അ​റി​യാ​നോ ക​ഴി​യു​ന്നി​ല്ലെ​ന്ന​ത് കു​ട്ടി​ക​ളു​ടെ ഭാ​വി​യെ ത​ന്നെ​ ദോ​ഷ​ക​ര​മാ​യി ബാ​ധി​ക്കു​ന്ന പ്ര​തി​സ​ന്ധി​യാ​ണ്.