ഇൻകാസ് ഖത്തർ എറണാകുളം ജില്ല കമ്മിറ്റി സംഘടിപ്പിച്ച പി.ടി തോമസ് അനുശോചന യോഗത്തിൽ പ്രവർത്തകർ മെഴുകുതിരി തെളിയിച്ച് ആദരാജ്ഞലി അർപ്പിക്കുന്നു
ദോഹ: ഇൻകാസ് ഖത്തർ എറണാകുളം ജില്ല കമ്മിറ്റി ആഭിമുഖ്യത്തിൽ അഡ്വ. പി.ടി. തോമസ് എം.എൽ.എയുടെ നിര്യാണത്തിൽ അനുശോചിച്ചു. ന്യൂ സലാത്തയിലെ മോഡേൺ ആർട്സ് സെന്റർ ഹാളിൽ നടന്ന യോഗത്തിൽ സ്ത്രീകളും കുട്ടികളും അടക്കം നിരവധി പേർ പങ്കെടുത്തു. ധീരമായ നിലപാടുകൾകൊണ്ട് ജനമനസ്സുകളിൽ ഇടംപിടിച്ച നേതാവായിരുന്നു പി.ടി. തോമസ്സെന്ന് യോഗം അഭിപ്രായപ്പെട്ടു. ജില്ല പ്രസിഡന്‍റ് വി.എസ്‌. അബ്ദുറഹ്‌മാൻ അധ്യക്ഷത വഹിച്ചു. കരുനാഗപ്പിള്ളി മുൻ മുനിസിപ്പൽ ചെയർമാനും കെ.പി.സി.സി എക്സിക്യൂട്ടിവ് അംഗവുമായിരുന്ന എം. അൻസാർ, ഒ.ഐ.സി.സി - ഇൻകാസ് നേതാക്കളായ കെ.കെ. ഉസ്മാൻ, എ.പി. മണികണ്ഠൻ, സുരേഷ് കരിയാട്, മുഹമ്മദ് ഷാനവാസ്, ഇന്ത്യൻ സ്പോർട്സ് സെന്റർ മാനേജിങ് കമ്മിറ്റി അംഗം കെ.വി. ബോബൻ, ഐ.സി.സി. മാനേജിംഗ് കമ്മിറ്റി അംഗം അനീഷ് ജോർജ്ജ് മാത്യു, ഇന്ത്യൻ മീഡിയാ ഫോറം ജനറൽ സെക്രട്ടറി ഐ.എം.എ. റഫീഖ്‌, കമാൽ കല്ലാത്തയിൽ, പ്രദീപ് പിള്ള, ജയപാൽ തിരുവനന്തപുരം, സി.എ. അബ്ദുൽ മജീദ്, ബി.എം. ഫാസിൽ, ജനിറ്റ് ജോബ്, സിദ്ധിഖ് മലപ്പുറം, വർഗീസ് വർഗീസ് തുടങ്ങിയവർ അനുസ്മരണ പ്രഭാഷണം നടത്തി. ജില്ല ജനറൽ സെക്രട്ടറി ഷെമീർ പുന്നൂരാൻ സ്വാഗതവും ട്രഷറർ ദിജേഷ് പി.ആർ. നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.