ബെ​യ്​​റൂ​ത്തി​ൽ ഖ​ത്ത​റി​ന്റെ പി​ന്തു​ണ​യി​ൽ ആ​ശു​പ​ത്രി ഉ​യ​രു​ന്നു

ദോ​ഹ: ല​ബ​നാ​നി​ലെ ആ​രോ​ഗ്യ സം​വി​ധാ​ന​ങ്ങ​ൾ കു​റ്റ​മ​റ്റ​താ​ക്കാ​ൻ ഖ​ത്ത​റി​ന്റെ ഇ​ട​പെ​ട​ൽ. ബെ​യ്​​റൂ​ത്തി​നെ പി​ടി​ച്ചു​ല​ച്ച 2020ലെ ​തു​റ​മു​ഖ സ്ഫോ​ട​ന​ത്തി​ൽ ത​ക​ർ​ന്ന കാ​ര​ന്റി​ന ആ​ശു​പ​ത്രി​യു​ടെ പു​ന​ർ​നി​ർ​മാ​ണ​ത്തി​നാ​ണ്​ ഖ​ത്ത​ർ ഫ​ണ്ട്​ ഫോ​ർ ഡെ​വ​ല​പ്​​മെ​ന്റ്​ തു​ട​ക്കം കു​റി​ച്ച​ത്.

ല​ബ​നീ​സ്​ പൊ​തു​ജ​നാ​രോ​ഗ്യ മ​ന്ത്രാ​ല​യ​വു​മാ​യി ചേ​ർ​ന്നു​ള്ള ആ​ശു​പ​ത്രി പു​ന​ർ​നി​ർ​മാ​ണ പ്ര​വ​ർ​ത്ത​ന​ങ്ങ​ളു​ടെ ത​റ​ക്ക​ല്ലി​ട​ൽ ക​​ഴി​ഞ്ഞ ദി​വ​സം ന​ട​ന്നു. സ്ഫോ​ട​ന​ത്തി​ൽ പൂ​ർ​ണ​മാ​യി ത​ക​ർ​ന്ന​ ആ​ശു​പ​ത്രി​യു​ടെ ‘ബി’ ​കെ​ട്ടി​ടം പു​ന​ർ​നി​ർ​മി​ച്ച്​ പ്ര​വ​ർ​ത്ത​ന സ​ജ്ജ​മാ​ക്കു​ക​യാ​ണ്​ ഖ​ത്ത​റി​ന്റെ ല​ക്ഷ്യം.

ല​ബ​നാ​നി​ലെ ഖ​ത്ത​ർ അം​ബാ​സ​ഡ​ർ ശൈ​ഖ്​ സൗ​ദ്​ ബി​ൻ അ​ബ്​​ദു​ൽ​റ​ഹ്​​മാ​ൻ ആ​ൽ​ഥാ​നി കെ​ട്ടി​ട നി​ർ​മാ​ണ​ത്തി​ന്​ ത​റ​ക്ക​ല്ലി​ട്ടു. ക്യു.​എ​ഫ്.​എ​ഫ്.​ഡി ആ​ക്​​ടി​ങ്​ ഡ​യ​റ​ക്​​ട​ർ ജ​ന​റ​ൽ സു​ൽ​താ​ൻ ബി​ൻ അ​ഹ്മ​ദ്​ അ​ൽ അ​സി​രി, ല​ബ​നാ​ൻ ആ​രോ​ഗ്യ​മ​ന്ത്രി ഫി​റാ​സ്​ അ​ബി​യാ​ദ്, കാ​ര​ന്റി​ന ആ​ശു​പ​ത്രി ചെ​യ​ർ​മാ​ൻ മൈ​ക​ൽ മ​താ​ർ എ​ന്നി​വ​ർ പ​​ങ്കെ​ടു​ത്തു.

2020 ആ​ഗ​സ്റ്റ്​ നാ​ലി​നു​ണ്ടാ​യ ബെ​യ്​​റൂ​ത്ത്​ ​തു​റ​മു​ഖ സ്ഫോ​ട​ന​ത്തി​ൽ 200ലേ​റെ പേ​രാ​ണ്​ കൊ​ല്ല​പ്പെ​ട്ട​ത്. ആ​റാ​യി​ര​ത്തി​ലേ​റെ പേ​ർ​ക്ക്​ പ​രി​ക്കേ​ൽ​ക്കു​ക​യും മേ​ഖ​ല​യി​ലെ നൂ​റോ​ളം കെ​ട്ടി​ട​ങ്ങ​ൾ പൂ​ർ​ണ​മാ​യോ ഭാ​ഗി​ക​മാ​യോ ത​ക​രു​ക​യും ചെ​യ്​​തി​രു​ന്നു.

പാ​രി​സി​ൽ ന​ട​ന്ന അ​ന്താ​രാ​ഷ്ട്ര സ​മ്മേ​ള​ന​ത്തി​ൽ ല​ബ​നാ​ൻ പു​ന​ർ​നി​ർ​മാ​ണ​ത്തി​ൽ പ​ങ്കു​ചേ​രു​മെ​ന്ന അ​മീ​ർ ശൈ​ഖ്​ ത​മീം ബി​ൻ ഹ​മ​ദ്​ ആ​ൽ​ഥാ​നി​യു​ടെ പ്ര​ഖ്യാ​പ​ന​ത്തി​ന്റെ തു​ട​ർ​ച്ച​യാ​ണ്​ ആ​ശു​പ​ത്രി നി​ർ​മാ​ണ​ത്തി​ലെ ഖ​ത്ത​റി​ന്റെ പ​ങ്കാ​ളി​ത്തം. ല​ബ​നാ​ൻ ത​ല​സ്ഥാ​ന ന​ഗ​ര​മാ​യ ബെ​യ്​​റൂ​ത്തി​ലെ സു​പ്ര​ധാ​ന ആ​ശു​പ​ത്രി കൂ​ടി​യാ​യി​രു​ന്നു കാ​ര​ന്റി​ന.

സ്​​ഫോ​ട​ന​ത്തി​നു പി​ന്നാ​ലെ മ​രു​ന്ന്, ഭ​ക്ഷ​ണം, മാ​നു​ഷി​ക സ​ഹാ​യ​ങ്ങ​ൾ എ​ന്നി​വ​യു​മാ​യി ഖ​ത്ത​ർ സ​ജീ​വ​മാ​യി ഇ​ട​പെ​ട്ടി​രു​ന്നു. ല​ബ​നാ​ൻ താ​ൽ​കാ​ലി​ക സ​ർ​ക്കാ​ർ ഖ​ത്ത​റി​നു​ള്ള ന​ന്ദി അ​റി​യി​ച്ചു.