ദോഹ: അന്താരാഷ്ട്ര പൂച്ച ദിന (ക്യാറ്റ് ഡേ) ആഘോഷങ്ങളുടെ ഭാഗമായി ഖത്തറിലെ ഏറ്റവും വലിയ ‘ക്യാറ്റ് ഷോ’ക്ക് രാജ്യത്തെ പ്രമുഖ ഹൈപ്പർ മാർക്കറ്റായ റവാബി ഗ്രൂപ് വേദിയൊരുക്കുന്നു. മനുഷ്യനുമായി ഏറ്റവും ഇണങ്ങി ജീവിക്കുന്ന ജീവിവർഗമായ പൂച്ചക്കുള്ള പരിഗണനയും സ്നേഹവുമായാണ് ലോകത്തെ വിവിധ രാജ്യങ്ങളിൽ ആഗസ്റ്റ് എട്ട് അന്താരാഷ്ട്ര പൂച്ച ദിനമായി ആഘോഷിക്കുന്നത്.
ഇതിന്റെ ഭാഗമായി സുന്ദരീ സുന്ദരന്മാരായ വളർത്തുപൂച്ചകളെ അണിനിരത്തുന്ന വമ്പൻ ക്യാറ്റ് ഷോ ആണ് ചൊവ്വാഴ്ച ഇസ്ഗാവ റവാബിയിൽ അരങ്ങേറുന്നത്. ഒന്നാം സമ്മാനം നേടുന്ന പൂച്ചക്കും ഉടമക്കും ആയിരം റിയാലാണ് സമ്മാനം. രണ്ടാം സമ്മാനത്തിന് 750 റിയാലും മൂന്നാം സമ്മാനത്തിന് 500 റിയാലും സമ്മാനമായി ലഭിക്കും.
ഫാമിലിസ് ഫണ്ണിയസ്റ്റ് കാറ്റ്സ്, ഫേയ്മസ് ഫാഷനിസ്റ്റ് കാറ്റ്സ് എന്നീ രണ്ടു വിഭാഗങ്ങളിലായാണ് മത്സരം. ചൊവ്വാഴ്ച രാത്രി ഏഴ് മുതൽ രാത്രി ഒമ്പത് വരെ സുന്ദരികളും വികൃതികളുമായ അരുമപ്പൂച്ചകൾ തങ്ങളുടെ ദിനത്തിൽ മാറ്റുരക്കാനെത്തും. https://rawabihypermarket.com/catshow/ ലിങ്ക് വഴി രജിസ്റ്റർ ചെയ്യാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.