സൗദി, ബഹ്റൈൻ ധാ​ര​ണ: ദോ​ഹ എ​ഫ്.​ഐ.​ആ​ർ യാ​ഥാ​ർ​ഥ്യ​മാ​വു​ന്നു

ദോ​ഹ:  വ​ർ​ഷ​ങ്ങ​ളാ​യു​ള്ള പ​രി​ശ്ര​മ​ത്തി​നൊ​ടു​വി​ൽ ദോ​ഹ വ്യോ​മ വിവര മേ​ഖ​ല (​ഫ്ലൈ​റ്റ്​ ഇ​ൻ​ഫ​ർ​മേ​ഷ​ൻ റീ​ജി​യ​ൻ) യാ​ഥാ​ർ​ഥ്യ​മാ​വു​ന്നു. ദോ​ഹ എ​ഫ്.​ഐ.​ആ​ർ രൂ​പ​വ​ത്ക​ര​ണ​വു​മാ​യി ബ​ന്ധ​പ്പെ​ട്ട്​ ഖ​ത്ത​ർ വ്യോ​മ​യാ​ന വി​ഭാ​ഗം അ​യ​ൽ രാ​ജ്യ​ങ്ങ​ളാ​യ സൗ​ദി അ​റേ​ബ്യ, ബ​ഹ്​​റൈ​ൻ, യു.​എ.​ഇ എ​ന്നി​വ​രു​മാ​യി ക​രാ​റി​ൽ ഒ​പ്പു​വെ​ച്ചു. ഇ​തോ​ടെ, സെ​പ്​​റ്റം​ബ​ർ എ​ട്ടോ​ടെ ദോ​ഹ വ്യോ​മ മേ​ഖ​ല നി​ല​വി​ൽ വ​രും. ക​ഴി​ഞ്ഞ ഏ​പ്രി​ൽ മാ​സ​ത്തി​ൽ ഇ​റാ​നു​മാ​യി ക​രാ​റി​ൽ ഒ​പ്പു​വെ​ച്ചി​രു​ന്നു.

ക​​ഴി​ഞ്ഞ മാ​ർ​ച്ചി​ൽ ചേ​ർ​ന്ന ഇ​ന്‍റ​ർ​നാ​ഷ​ന​ൽ സി​വി​ൽ ഏ​വി​യേ​ഷ​ൻ ഓ​ർ​ഗ​നൈ​സേ​ഷ​ൻ (ഐ.​സി.​എ.​ഒ) കൗ​ൺ​സി​ൽ യോ​ഗ​മാ​ണ്​ ദോ​ഹ ​ഫ്ലൈ​റ്റ്​ ഇ​ൻ​ഫ​ർ​മേ​ഷ​ൻ മേ​ഖ​ല രൂ​പ​വ​ത്ക​രി​ക്കാ​ൻ അ​നു​മ​തി ന​ൽ​കി​യ​ത്. ഇ​തി​നു പി​ന്നാ​ലെ മേ​ഖ​ല​യി​ലെ അ​യ​ൽ രാ​ജ്യ​ങ്ങ​ളു​മാ​യി ഇ​തു​സം​ബ​ന്ധി​ച്ച്​ തു​ട​ർ ച​ർ​ച്ച ആ​രം​ഭി​ച്ചു. അം​ഗ​രാ​ജ്യ​ങ്ങ​ളു​മാ​യും അ​യ​ൽ രാ​ജ്യ​ങ്ങ​ളു​മാ​യും ഖ​ത്ത​ർ നി​ര​വ​ധി ച​ർ​ച്ച​ക​ൾ ന​ട​ത്തി​യാ​ണ്​ ക​രാ​റി​ൽ ഒ​പ്പു​വെ​ച്ച്, സ്വ​ന്തം വ്യോ​മ മേ​ഖ​ല​യെ​ന്ന സ്വ​പ്ന​സാ​ക്ഷാ​ത്​​കാ​ര​ത്തി​ലെ​ത്തു​ന്ന​ത്.

ബ​ഹ്​​റൈ​ൻ, യു.​എ.​ഇ, സൗ​ദി എ​ന്നി​വ​രു​മാ​യി ക​രാ​റി​ൽ ഒ​പ്പു​വെ​ച്ച​തോ​ടെ ദോ​ഹ എ​ഫ്.​ഐ.​ആ​ർ ന​ട​പ്പാ​ക്കു​ന്ന​തു​മാ​യി ബ​ന്ധ​പ്പെ​ട്ട എ​ല്ലാ ന​ട​പ​ടി ക്ര​മ​ങ്ങ​ളും പൂ​ർ​ത്തി​യാ​ക്കി​യ​താ​യി ഖ​ത്ത​ർ ഗ​താ​ഗ​ത മ​ന്ത്രി ജാ​സിം സെ​യ്​​ഫ്​ അ​ൽ സു​ലൈ​ത്തി പ​റ​ഞ്ഞു. നി​ല​വി​ൽ യു.​എ.​ഇ, സൗ​ദി, ബ​ഹ്​​റൈ​ൻ, ഇ​റാ​ൻ എ​ന്നി​വ​രു​ടെ പേ​രി​ലാ​ണ്​ ​ഫ്ലൈ​റ്റ്​ ഇ​ൻ​ഫ​ർ​മേ​ഷ​ൻ റീ​ജി​യ​ൻ. കൗ​ൺ​സി​ൽ അ​നു​മ​തി ല​ഭി​ച്ച്, പു​തി​യ ക​രാ​റു​ക​ൾ പ്രാ​ബ​ല്യ​ത്തി​ലാ​യ​തോ​ടെ സെ​പ്​​റ്റം​ബ​ർ എ​ട്ട്​ മു​ത​ൽ ഖ​ത്ത​റി​ന്‍റെ ആ​കാ​ശം ദോ​ഹ എ​ഫ്.​ഐ.​ആ​ർ എ​ന്ന പേ​രി​ൽ അ​റി​യ​പ്പെ​ടും.

ഈ ​ക​രാ​ര്‍ യാ​ഥാ​ര്‍ഥ്യ​മാ​ക്കാ​ന്‍ പ​രി​ശ്ര​മി​ക്കു​ക​യും കൂ​ട്ടു​നി​ല്‍ക്കു​ക​യും ചെ​യ്ത മു​ഴു​വ​ന്‍ ആ​ളു​ക​ള്‍ക്കും ന​ന്ദി പ​റ​യു​ന്ന​താ​യി​ ഗ​താ​ഗ​ത മ​ന്ത്രി അ​റി​യി​ച്ചു. പു​തി​യ മാ​റ്റം അ​നു​സ​രി​ച്ച് വ്യോ​മ​യാ​ന മേ​ഖ​ല​യി​ല്‍ വ​രു​ന്ന മാ​റ്റം ന​ട​പ്പി​ല്‍ വ​രു​ത്തു​ന്ന​തി​നു​ള്ള നി​രീ​ക്ഷ​ണ സം​വി​ധാ​നം ഉ​ള്‍പ്പെ​ടെ​യു​ള്ള എ​ല്ലാ സ​ന്നാ​ഹ​ങ്ങ​ളും ഖ​ത്ത​ര്‍ ഒ​രു​ക്കി​ക്ക​ഴി​ഞ്ഞ​താ​യും അ​ദ്ദേ​ഹം അ​റി​യി​ച്ചു. ഖ​ത്ത​ര്‍ വ്യോ​മ​യാ​ന മേ​ഖ​ല ഉ​പ​യോ​ഗി​ക്കു​ന്ന വി​മാ​ന​ക്ക​മ്പ​നി​ക​ള്‍ക്ക് മി​ക​ച്ച സേ​വ​നം ന​ല്‍കാ​നാ​വും​വി​ധം വ്യോ​മ​യാ​ന മേ​ഖ​ല​യെ നി​യ​ന്ത്രി​ക്കു​ന്ന​തി​നു​ള്ള എ​യ​ര്‍ നാ​വി​ഗേ​ഷ​ന്‍ സി​സ്റ്റ​ത്തി​ന്റെ മി​ക​വ് ഖ​ത്ത​ര്‍ വ​ര്‍ധി​പ്പി​ച്ചി​ട്ടു​ണ്ടെ​ന്നും അ​ദ്ദേ​ഹം കൂ​ട്ടി​ച്ചേ​ര്‍ത്തു.

വ​ർ​ഷ​ങ്ങ​ളു​ടെ പ​രി​ശ്ര​മ​ത്തി​നൊ​ടു​വി​ൽ ദോ​ഹ എ​ഫ്.​ഐ.​ആ​ർ യാ​ഥാ​ർ​ഥ്യ​മാ​വു​മ്പോ​ൾ മേ​ഖ​ല​യി​ലെ ഏ​റ്റ​വും തി​ര​ക്കേ​റി​യ വ്യോ​മ​പാ​ത​കൂ​ടി​യാ​ണ്​ ഖ​ത്ത​റി​ന്‍റെ അ​ധീ​ന​ത​യി​ലാ​വു​ന്ന​ത്. വ്യോ​മ​പ​രി​ധി കൂ​ട്ടി​ക്കൊ​ണ്ടാ​ണ്​ ആ​കാ​ശ അ​തി​രു​ക​ൾ പു​ന​ർ​നി​ർ​ണ​യി​ക്കു​ന്ന​ത്. നാ​ലു​വ​ർ​ഷം മു​മ്പാ​ണ്​ ഇ​തു സം​ബ​ന്ധി​ച്ച ആ​വ​ശ്യ​വു​മാ​യി ഖ​ത്ത​ർ യു.​എ​ന്നി​നു കീ​ഴി​ലെ ഇ​ന്‍റ​ർ​നാ​ഷ​ന​ൽ സി​വി​ൽ ഏ​വി​യേ​ഷ​ൻ ഓ​ർ​ഗ​നൈ​സേ​ഷ​നെ സ​മീ​പി​ക്കു​ന്ന​ത്.