രാ​ഷ്ട്ര​ത്ത​ല​വ​ന്മാ​രു​മാ​യി കൂ​ടി​ക്കാ​ഴ്ച ന​ട​ത്തി ഖ​ത്ത​ർ അ​മീ​ർ

ദോ​ഹ: ഷാ​ങ്ഹാ​യ് ഉ​ച്ച​കോ​ടി​​ക്കാ​യി ക​സാ​ഖ്സ്താ​ൻ ത​ല​സ്ഥാ​ന​മാ​യ അ​സ്താ​ന​യി​ലെ​ത്തി​യ ഖ​ത്ത​ർ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി വി​വി​ധ രാ​ഷ്ട്ര​ത്ത​ല​വ​ന്മാ​രു​മാ​യി ച​ർ​ച്ച ന​ട​ത്തി. റ​ഷ്യ​ൻ പ്ര​സി​ഡ​ന്റ് വ്ലാ​ദി​മി​ർ പു​ടി​ൻ, തു​ർ​ക്കി​യ പ്ര​സി​ഡ​ന്റ് റ​ജ​ബ് ത്വ​യ്യി​ബ് ഉ​ർ​ദു​ഗാ​ൻ, ക​സാ​ഖ്സ്താ​ൻ പ്ര​സി​ഡ​ന്റ് കാ​സിം ജൊ​മാ​ർ​ട്ട് ടൊ​കാ​യേ​വ് തു​ട​ങ്ങി​യ​വ​രു​മാ​യി പ്ര​ത്യേ​കം കൂ​ടി​ക്കാ​ഴ്ച ന​ട​ത്തി. ഫ​ല​സ്തീ​നി​ലെ പ്ര​ശ്ന​ത്തി​ന് രാ​ഷ്ട്രീ​യ പ​രി​ഹാ​രം കാ​ണാ​നാ​ണ് ശ്ര​മി​ക്കു​ന്ന​തെ​ന്ന് അ​മീ​ർ റ​ഷ്യ​ൻ പ്ര​സി​ഡ​ന്റു​മാ​യു​ള്ള കൂ​ടി​ക്കാ​ഴ്ച​യി​ൽ പ​റ​ഞ്ഞു. ഗ​സ്സ യു​ദ്ധം ച​ർ​ച്ച​യി​ലൂ​ടെ അ​വ​സാ​നി​പ്പി​ക്കാ​നും ബ​ന്ദി മോ​ച​നം എ​ത്ര​യും വേ​ഗം സാ​ധ്യ​മാ​ക്കാ​നു​മാ​ണ് ഖ​ത്ത​ർ ശ്ര​മി​ക്കു​ന്ന​ത്. യു​ദ്ധം അ​വ​സാ​നി​പ്പി​ച്ച് സ്വ​ത​ന്ത്ര രാ​ഷ്ട്ര​ത്തി​നാ​യു​ള്ള ഫ​ല​സ്തീ​ൻ ജ​ന​ത​യു​ടെ അ​ഭി​ലാ​ഷം സാ​ധ്യ​മാ​കു​മെ​ന്ന് പ്ര​തീ​ക്ഷി​ക്കു​ന്നു. 1967ലെ ​അ​തി​ർ​ത്തി അ​ടി​സ്ഥാ​ന​മാ​ക്കി​യു​ള്ള സ്വ​ത​ന്ത്ര ഫ​ല​സ്തീ​നാ​ണ് വേ​ണ്ട​തെ​ന്ന് അ​ദ്ദേ​ഹം കൂ​ട്ടി​ച്ചേ​ർ​ത്തു. ഖ​ത്ത​ർ ന​ട​ത്തു​ന്ന സ​മാ​ധാ​ന ശ്ര​മ​ങ്ങ​ളും ന​യ​ത​ന്ത്ര നീ​ക്ക​ങ്ങ​ളും അ​ഭി​ന​ന്ദ​നാ​ർ​ഹ​മാ​ണെ​ന്ന് പു​ടി​ൻ പ​റ​ഞ്ഞു. ഖ​ത്ത​ർ അ​മീ​റും തു​ർ​ക്കി​യ പ്ര​സി​ഡ​ന്റ് ഉ​ർ​ദു​ഗാ​നും ത​മ്മി​ലു​ള്ള ച​ർ​ച്ച​യി​ൽ മേ​ഖ​ല​യി​ലെ​യും അ​ന്താ​രാ​ഷ്ട്ര ത​ല​ത്തി​ലെ​യും വി​വി​ധ വി​ഷ​യ​ങ്ങ​ൾ, വി​ശേ​ഷി​ച്ച് ഫ​ല​സ്തീ​നി​ലെ പ്ര​ശ്നം ച​ർ​ച്ച​യാ​യി.

ഖ​ത്ത​ർ പ്ര​തി​നി​ധി സം​ഘ​ത്തി​ൽ അ​മീ​രി ദി​വാ​ൻ മേ​ധാ​വി ശൈ​ഖ് സ​ഊ​ദ് ബി​ൻ അ​ബ്ദു​റ​ഹ്മാ​ൻ ആ​ൽ​ഥാ​നി, വി​ദേ​ശ​കാ​ര്യ സ​ഹ​മ​​ന്ത്രി സു​ൽ​ത്താ​ൻ ബി​ൻ സ​അ​ദ് അ​ൽ മു​റൈ​ഖി, മു​തി​ർ​ന്ന ഉ​ദ്യോ​ഗ​സ്ഥ​ർ എ​ന്നി​വ​രു​മു​ണ്ടാ​യി​രു​ന്നു. ബു​ധ​നാ​ഴ്ച​യാ​ണ് അ​മീ​റി​ന്റെ നേ​തൃ​ത്വ​ത്തി​ൽ ഖ​ത്ത​ർ പ്ര​തി​നി​ധി സം​ഘം അ​സ്താ​ന​യി​ലെ​ത്തി​യ​ത്. ഇ​ന്ത്യ, ചൈ​ന, ക​സാ​ഖ്സ്താ​ൻ, കി​ർ​ഗി​സ്താ​ൻ, റ​ഷ്യ, ത​ജി​കി​സ്താ​ൻ, ഉ​സ്ബ​കി​സ്താ​ൻ, പാ​കി​സ്താ​ൻ, ഇ​റാ​ൻ എ​ന്നീ രാ​ജ്യ​ങ്ങ​ളാ​ണ് ഷാ​ങ്ഹാ​യ് കോ​ഓ​പ​റേ​ഷ​ന്‍ ഓ​ര്‍ഗ​നൈ​സേ​ഷ​ന്‍ കൂ​ട്ടാ​യ്മ​യി​ലു​ള്ള​ത്.

ഖ​ത്ത​ർ ഉ​ൾ​പ്പെ​ടെ 14 രാ​ജ്യ​ങ്ങ​ൾ ഡ​യ​ലോ​ഗ് പാ​ർ​ട്ണ​ർ​മാ​രാ​ണ്. സാ​മ്പ​ത്തി​ക, വാ​ണി​ജ്യ, ഗ​താ​ഗ​ത, ഊ​ർ​ജ മേ​ഖ​ല​യി​ലെ സ​ഹ​ക​ര​ണ​ത്തി​നാ​ണ് കൂ​ട്ടാ​യ്മ നി​ല​വി​ൽ ഊ​ന്ന​ൽ ന​ൽ​കു​ന്ന​ത്. ക​സാ​ഖ്സ്താ​നി​ൽ​നി​ന്ന് അ​മീ​ർ പോ​ള​ണ്ടി​ലേ​ക്ക് തി​രി​ച്ചു. പോ​ളി​ഷ് ആ​ൻ​ഡ്രെ​ജ് ദു​ഡ ഉ​ൾ​പ്പെ​ടെ നേ​താ​ക്ക​ളു​മാ​യും മു​തി​ർ​ന്ന ഉ​ദ്യോ​ഗ​സ്ഥ​രു​മാ​യും അ​മീ​ർ കൂ​ടി​ക്കാ​ഴ്ച ന​ട​ത്തും.