ദോഹ: അമീർ ശൈഖ് തമീം ബിൻ ഹമദ് ആൽഥാനിയുടെ അധ്യക്ഷതയിൽ സാമ്പത്തിക, നിക്ഷേപകാര്യ സുപ്രീം കൗൺസിൽ യോഗം അമിരി ദിവാനിൽ ചേർന്നു. പുതുവർഷത്തിൽ സുപ്രീം കൗൺസിലിന്റെ ആദ്യ യോഗമാണ് ചേർന്നത്. ഡെപ്യൂട്ടി അമീർ ശൈഖ് അബ്ദുല്ല ബിൻ ഹമദ് ആൽഥാനി, പ്രധാനമന്ത്രി ശൈഖ് മുഹമ്മദ് ബിൻ അബ്ദുൽറഹ്മാൻ ആൽഥാനി, കൗൺസിൽ അംഗങ്ങൾ എന്നിവർ പങ്കെടുത്തു.
കഴിഞ്ഞ വർഷം ചേർന്ന നാലാമത് സുപ്രീം കൗൺസിൽ യോഗ തീരുമാനങ്ങളും നിർദേശങ്ങളും വിലയിരുത്തി. നിലവിലെ രാജ്യത്തിന്റെ സാമ്പത്തികനിലയും മുൻഗണനാ വിഷയങ്ങളും ചർച്ച ചെയ്തു. മാനവവിഭവശേഷി പദ്ധതികൾ, സ്വകാര്യ മേഖലയിലെ സ്വദേശിവത്കരണം, പൊതു-സ്വകാര്യ പങ്കാളിത്തത്തിന് കീഴിലെ നിക്ഷേപ അവസര പദ്ധതി എന്നിവ സംബന്ധിച്ച് വിശകലനം നടന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.