പ്ര​വാ​സി​ക​ളു​ടെ ക​ണ്ണീ​ർ പാ​ർ​ല​മെൻറി​ൽ; വി​മാ​ന​ക്കൊ​ള്ള​ക്ക്​ അ​റു​തി​യാ​കു​മോ?

ദോ​ഹ: പ​തി​റ്റാ​ണ്ടാ​യി തു​ട​രു​ന്ന ത​ങ്ങ​ളു​ടെ ക​ണ്ണീ​രും ക​ര​ച്ചി​ലും ഒ​രു എം.​പി​യു​ടെ ശ​ബ്​​ദ​ത്തി​ലൂ​ടെ പാ​ർ​ല​മെൻറി​ൽ മു​ഴ​ങ്ങി​യ​തി​ന്റെ സ​ന്തോ​ഷ​ത്തി​ലാ​ണ്​ ഗ​ൾ​ഫ്​ നാ​ടു​ക​ളി​ലെ പ്ര​വാ​സി​ക​ൾ. ഗ​ൾ​ഫി​ൽ അ​വ​ധി​ക്കാ​ല​വും, ഉ​ത്സ​വ​-​പെ​രു​ന്നാ​ൾ സീ​സ​ണു​മാ​യാ​ൽ നാ​ട്ടി​ലേ​ക്കും തി​രി​ച്ചു​മു​ള്ള പ്ര​വാ​സി​ക​ളു​ടെ യാ​ത്ര വി​മാ​ന​ക്ക​മ്പ​നി​ക​ൾ​ക്ക്​ ആ​കാ​ശ​ക്കൊ​ള്ള​യു​ടെ സീ​സ​ണാ​ണ്.

പ്ര​വാ​സി സം​ഘ​ട​ന​ക​ളു​ടെ പ്ര​തി​ഷേ​ധ​ങ്ങ​ളി​ലും മാ​ധ്യ​മ​ങ്ങ​ളി​ലെ വാ​ർ​ത്ത​ക​ളി​ലും, വ്യ​ക്തി​ക​ൾ ന​ട​ത്തു​ന്ന കേ​സു​ക​ളി​ലും മാ​ത്ര​മാ​യി ഒ​തു​ങ്ങു​ന്ന വി​ഷ​യ​ത്തെ 20 മി​നി​റ്റോ​ളം നീ​ണ്ട സ്വ​കാ​ര്യ​പ്ര​മേ​യ​ത്തി​ലൂ​ടെ​യാ​ണ്​ വ​ട​ക​ര പാ​ർ​ല​മെൻറ്​ അം​ഗം ലോ​ക്സ​ഭ​യി​ൽ അ​വ​ത​രി​പ്പി​ച്ച​ത്.

ഭ​ര​ണ-​പ്ര​തി​പ​ക്ഷ അം​ഗ​ങ്ങ​ൾ ശ്ര​ദ്ധ​യോ​ടെ കേ​ൾ​ക്കു​ക​യും, സ്​​പീ​ക്ക​ർ ഇ​ട​പെ​ടു​ക​യും ചെ​യ്​​ത​തോ​ടെ പ്ര​വാ​സ ലോ​ക​ത്തും പ്ര​തീ​ക്ഷ​യാ​യി. ഷാ​ഫി പ​റ​മ്പി​​ലി​ന്റെ പ്ര​മേ​യ​ത്തി​ൽ ന​ട​പ​ടി​യെ​ടു​ത്ത് വി​മാ​ന​ക്ക​മ്പ​നി​ക​ളു​ടെ യോ​ഗം വി​ളി​ക്കാ​ൻ ലോ​ക്സ​ഭാ സ്പീ​ക്ക​ർ ഓം ​ബി​ർ​ള കേ​ന്ദ്ര വ്യോ​മ​യാ​ന മ​ന്ത്രി റാം ​മോ​ഹ​ൻ നാ​യി​ഡു​വി​നോ​ട് ആ​വ​ശ്യ​പ്പെ​ട്ടു.

വ്യാ​ഴാ​ഴ്ച സ​ഭ​യി​ലെ ചോ​ദ്യോ​ത്ത​ര​വേ​ള​യി​ൽ വി​ഷ​യ​മു​ന്ന​യി​ച്ച ഷാ​ഫി പ​റ​മ്പി​ൽ വെ​ള്ളി​യാ​ഴ്ച സ്വ​കാ​ര്യ പ്ര​മേ​യ​മാ​യി പ്ര​വാ​സി യാ​ത്ര​പ്ര​ശ്​​നം വി​ശ​ദ​മാ​യി അ​വ​ത​രി​പ്പി​ച്ച​പ്പോ​ഴാ​ണ്​ സ്പീ​ക്ക​ർ യോ​ഗം വി​ളി​ക്കാ​നും വി​ഷ​യം ഗൗ​ര​വ​മാ​യി പ​രി​ഗ​ണി​ക്കാ​നും ആ​വ​ശ്യ​പ്പെ​ട്ട​ത്. സ്പീ​ക്ക​റു​ടെ നി​​ർ​ദേ​ശം മാ​നി​ക്കു​മെ​ന്ന് മ​ന്ത്രി​സ​ഭ​ക്ക് ഉ​റ​പ്പു ന​ൽ​കി​യ സാ​ഹ​ച​ര്യ​ത്തെ അ​സാ​ധാ​ര​ണ നീ​ക്ക​മെ​ന്ന്​ പ്ര​വാ​സി​ക​ൾ വി​ല​യി​രു​ത്തു​ന്നു.

നി​വേ​ദ​ന​ങ്ങ​ളി​ലൂ​ടെ​യും, സം​സ്​​ഥാ​ന സ​ർ​ക്കാ​റി​ന്റെ ഇ​ട​പെ​ട​ലി​ലൂ​ടെ​യും, നി​യ​മ ന​ട​പ​ടി​ക​ളി​ലൂ​ടെ​യും പ​ല​ത​വ​ണ ശ്ര​മി​ച്ചി​ട്ടും എ​യ​ർ​ലൈ​ൻ ക​മ്പ​നി​ക​ളു​ടെ കൊ​ള്ള​ക്കെ​തി​രെ ചെ​റു​വി​ര​ൽ പോ​ലും അ​ന​ങ്ങി​യി​ട്ടി​ല്ല. നാ​ട്ടി​ൽ നി​ന്നെ​ത്തു​ന്ന മ​ന്ത്രി​മാ​രി​ലൂ​ടെ രാ​ഷ്​​ട്രീ​യ സ​മ്മ​ർ​ദ​വും പ്ര​തി​ഷേ​ധ​ങ്ങ​ളു​മെ​ല്ലാം വെ​റു​തെ​യാ​യി നി​രാ​ശ​പ്പെ​ട്ട സാ​ഹ​ച​ര്യ​ത്തി​ൽ പാ​ർ​ല​മെൻറി​​ൽ ഷാ​ഫി പ​റ​മ്പി​ൽ എം.​പി​യു​ടെ വാ​ക്കു​ക​ൾ ത​ങ്ങ​ളു​ടെ ത​ന്നെ വി​കാ​ര​മാ​യി മാ​റി​യെ​ന്ന്​ പ്ര​വാ​സി​ക​ൾ പ്ര​തി​ക​രി​ക്കു​ന്നു.

സ​മൂ​ഹ മാ​ധ്യ​മ​ങ്ങ​ളി​ലും വാ​ട്​​സാ​പ്പ്​ ഗ്രൂ​പ്പു​ക​ളി​ലും ക​ഴി​ഞ്ഞ ദി​വ​സം ഏ​റ്റ​വും കൂ​ടു​ത​ൽ ച​ർ​ച്ച​യാ​യ​തും ഈ ​വി​ഷ​യം ത​ന്നെ. ടി​ക്ക​റ്റ്​ നി​ര​ക്ക്​ സം​ബ​ന്ധി​ച്ച്​ സ​മ്പൂ​ർ​ണ നി​യ​ന്ത്ര​ണം എ​യ​ർ​ലൈ​ൻ ക​മ്പ​നി​ക​ൾ​ക്ക് ന​ൽ​കു​ന്ന എ​യ​ർ​ക്രാ​ഫ്​​റ്റ്​ നി​യ​മം ഭേ​ദ​ഗ​തി​ചെ​യ്യ​ണ​മെ​ന്നാ​ണ്​ പ്ര​ധാ​ന ആ​വ​ശ്യം.​ പ്ര​മേ​യ​ത്തെ പി​ന്തു​ണ​ച്ചു​കൊ​ണ്ട്​ എ​ൻ.​കെ. പ്രേ​മ​ച​ന്ദ്ര​ൻ എം.​പി​യും ഇ​ക്കാ​ര്യ​മാ​ണ്​ പ​റ​ഞ്ഞ​ത്. വി​മാ​ന​നി​ര​ക്ക്​ നി​ശ്ച​യി​ക്കു​ന്ന​ത്​ നി​രീ​ക്ഷി​ക്കാ​ൻ ഉ​ന്ന​താ​ധി​കാ​ര സ​മി​തി​യെ നി​യ​മി​ക്ക​ണ​മെ​ന്നും ആ​വ​ശ്യ​പ്പെ​ടു​ന്നു.

ജൂ​ലൈ​ 27ലെ​യും അ​വ​ധി​ക​ഴി​ഞ്ഞ്​ മ​ട​ങ്ങു​ന്ന തി​ര​ക്കേ​റി​യ സ​മ​യ​മാ​യ ആ​ഗ​സ്​​റ്റ്​ അ​വ​സാ​ന വാ​ര​ത്തി​ലെ​യും നി​ര​ക്കു​ക​ൾ താ​ര​ത​മ്യം ചെ​യ്​​ത്​ ന​ട​ത്തി​യ പ്ര​മേ​യം പ്ര​വാ​സി​ക​ൾ നേ​രി​ടു​ന്ന ദു​രി​ത​ത്തി​ലേ​ക്കു​ള്ള ക​ണ്ണു​തു​റ​ക്ക​ലാ​യെ​ന്ന്​ സ​മൂ​ഹ മാ​ധ്യ​മ​ങ്ങ​ളി​ൽ നി​ര​വ​ധി പേ​ർ പ​ങ്കു​വെ​ക്കു​ന്നു.

വി​മാ​ന​ക്ക​മ്പ​നി​ക​ളു​ടെ അ​പ്ര​ഖ്യാ​പി​ത സ​ർ​വി​സ്​ മു​ട​ക്കം പ്ര​വാ​സി​ക​ൾ​ക്കു​ണ്ടാ​ക്കു​ന്ന ദു​രി​തം രാ​ജ്​ മോ​ഹ​ൻ ഉ​ണ്ണി​ത്താ​ൻ എം.​പി​യും സ​ഭ​യു​ടെ ശ്ര​ദ്ധ​യി​ലെ​ത്തി​ച്ചി​രു​ന്നു. ക​ഴി​ഞ്ഞ മൂ​ന്നു മാ​സ​ത്തി​നി​ടെ കേ​ര​ള​ത്തി​ലെ നാ​ല്​ വി​മാ​ന​ത്താ​വ​ള​ങ്ങ​ളി​ൽ​നി​ന്നും തി​രി​ച്ചും 861 വി​മാ​ന​ങ്ങ​ൾ യാ​ത്ര റ​ദ്ദാ​ക്കി​യ​ത്​ പ്ര​വാ​സി​ക​ളെ തീ​രാ​ദു​രി​ത​ത്തി​ലാ​ക്കി​യെ​ന്ന്​ അ​ദ്ദേ​ഹം വ്യ​ക്ത​മാ​ക്കി.

‘നി​യ​മ​പോ​രാ​ട്ട​ത്തി​ന്​ തു​ണ​യാ​കും’ -സൈ​നു​ൽ ആ​ബി​ദീ​ൻ

ദോ​ഹ: വെ​ള്ളി​യാ​ഴ്​​ച പാ​ർ​ല​മെൻറി​ൽ സ്വ​കാ​ര്യ പ്ര​മേ​യം അ​വ​ത​രി​പ്പി​ച്ചു​കൊ​ണ്ട്​ ഷാ​ഫി പ​റ​മ്പി​ൽ എം.​പി ന​ട​ത്തി​യ പ്ര​സം​ഗ​ത്തി​ൽ പേ​രെ​ടു​ത്ത്​ പ​രാ​മ​ർ​ശി​ക്ക​പ്പെ​ട്ട വ്യ​ക്​​തി​യാ​ണ്​ സ​ഫാ​രി ഗ്രൂ​പ്​ മാ​നേ​ജി​ങ്​ ഡ​യ​റ​ക്​​ട​ർ സൈ​നു​ൽ ആ​ബി​ദീ​ൻ.

പ​തി​റ്റാ​ണ്ടു​ക​ളാ​യി പ്ര​വാ​സി​ക​ൾ നേ​രി​ടു​ന്ന വി​മാ​ന​ടി​ക്ക​റ്റ്​ നി​ര​ക്ക്​ കൊ​ള്ള​ക്കെ​തി​രെ നി​യ​മ​പോ​രാ​ട്ടം ന​യി​ക്കു​ന്ന സൈ​നു​ൽ ആ​ബി​ദീ​ന്റെ ശ്ര​മ​ങ്ങ​ളെ​യും കോ​ട​തി​യു​ടെ പ​രാ​മ​ർ​ശ​ങ്ങ​ളും സ​ർ​ക്കാ​ർ നി​ല​പാ​ടു​ക​ളും വി​ശ​ദീ​ക​രി​ച്ചു​കൊ​ണ്ടാ​ണ്​ ഷാ​ഫി പ​റ​മ്പി​ൽ ഏ​റെ പ്ര​ശം​സി​ക്ക​പ്പെ​ട്ട ​പ്ര​സം​ഗം പാ​ർ​ല​മെൻറി​ൽ ന​ട​ത്തി​യ​ത്.

40 വ​ർ​ഷ​​മാ​യി പ്ര​വാ​സി​യാ​യ ​സ​ഫാ​രി സൈ​നു​ൽ ആ​ബി​ദീ​ൻ ത​ന്റെ ജീ​വ​ന​ക്കാ​ർ ഉ​ൾ​പ്പെ​ടെ ല​ക്ഷ​ത്തോ​ളം പ്ര​വാ​സി​ക​ൾ നാ​ട്ടി​ലേ​ക്ക്​ മ​ട​ങ്ങാ​ൻ നേ​രി​ടു​ന്ന ദു​രി​തം മ​ന​സ്സി​ലാ​ക്കി​യാ​ണ്​ ക​ഴി​ഞ്ഞ വ​ർ​ഷം കേ​ര​ള ഹൈ​കോ​ട​തി​യെ സ​മീ​പി​ച്ച​ത്.

അ​​ഡ്വ. സ​​ജ​​ൽ മു​​ഖേ​​ന ന​​ൽ​​കി​​യ ഹ​​ര​​ജി​​യി​ൽ ക​ഴി​ഞ്ഞ ഒ​ക്​​ടോ​ബ​റി​ൽ ഹൈ​കോ​ട​തി കേ​ന്ദ്ര-​സം​സ്​​ഥാ​ന സ​ർ​ക്കാ​റി​നെ​തി​രെ രൂ​ക്ഷ വി​മ​ർ​ശ​നം ന​ട​ത്തി​യി​രു​ന്നു. കേ​സ്​ പ​രി​ഗ​ണി​ച്ച ജ​​സ്റ്റി​​സ് ദേ​​വ​​ൻ രാ​​മ​​ച​​ന്ദ്ര​ൻ പ്ര​​വാ​​സി​​ക​​ൾ നേ​​രി​​ടു​​ന്ന ഗു​​രു​​ത​​ര​ യാ​​ത്രാ​​പ്ര​​ശ്​​​നം സം​​ബ​​ന്ധി​​ച്ച ആ​​വ​​ശ്യം കേ​​ന്ദ്ര സ​​ർ​​ക്കാ​​റി​​ൽ ഉ​​ന്ന​​യി​​ക്കാ​​ൻ ത​​യാ​​റാ​​വാ​​ത്ത​​ത് ചൂ​​ണ്ടി​​ക്കാ​​ട്ടി സം​​സ്​​​ഥാ​​ന സ​​ർ​​ക്കാ​​റി​​നെ​​തി​​രെ വി​​മ​​ർ​​ശ​​ന​​മു​​ന്ന​​യി​​ച്ചു.

കേ​സി​ൽ ഹാ​ജ​രാ​യ കേ​ന്ദ്ര സ​ർ​ക്കാ​റും വി​മാ​ന​ടി​ക്ക​റ്റ്​ നി​ര​ക്ക്​ നി​യ​​ന്ത്ര​ണ​ത്തി​ൽ​നി​ന്നും ത​ല​യൂ​രു​ക​യാ​യി​രു​ന്നു. വി​മാ​ന​ക്കൂ​ലി നി​യ​ന്ത്ര​ണാ​ധി​കാ​രം സ​ർ​ക്കാ​റി​ന​ല്ലെ​ന്നും, എ​യ​ർ കോ​ർ​പ​റേ​ഷ​ൻ നി​യ​മം പി​ൻ​വ​ലി​ച്ച​തോ​ടെ സ​ർ​ക്കാ​റി​ന് വി​ല നി​ശ്ച​യി​ക്കാ​നു​ള്ള അ​ധി​കാ​രം ന​ഷ്ട​മാ​യി എ​ന്നു​മാ​ണ്​ കേ​ന്ദ്രം കോ​ട​തി​യെ അ​റി​യി​ച്ച​ത്.

നീ​തി​പീ​ഠം വ​ഴി ശ്ര​മി​ച്ചി​ട്ടും പ​രി​ഹാ​ര​മി​ല്ലാ​ത്ത വി​ഷ​യ​ത്തി​ൽ കേ​ര​ള​ത്തി​ൽ​നി​ന്നു​ള്ള ഒ​രു പു​തു​മു​ഖ എം.​പി​യു​ടെ ഇ​ട​പെ​ട​ൽ ശ്ര​ദ്ധേ​യ​മാ​ണെ​ന്നും, പ്ര​വാ​സി​ക​ൾ ഏ​റെ പ്ര​തീ​ക്ഷ​യോ​ടെ​യാ​ണ്​ പാ​ർ​ല​മെൻറി​ലെ സ്വ​കാ​ര്യ പ്ര​മേ​യ​ത്തെ കാ​ണു​ന്ന​തെ​ന്നും സൈ​നു​ൽ ആ​ബി​ദീ​ൻ ‘ഗ​ൾ​ഫ്​ മാ​ധ്യ​മ’​ത്തോ​ട്​ പ​റ​ഞ്ഞു.

ചെ​ല​വ്​ മാ​ന​ദ​ണ്ഡ​മാ​ക്കാ​തെ, സീ​സ​ണി​ലെ തി​ര​ക്ക​നു​സ​രി​ച്ച്​ ഗ​ൾ​ഫ്​ സെ​ക്​​ട​റി​ലെ യാ​ത്ര​ക്കാ​രെ കൊ​ള്ള​യ​ടി​ക്കു​ന്ന വി​മാ​ന​ക്ക​മ്പ​നി​ക​ളു​ടെ ന​ട​പ​ടി​യെ​യാ​ണ്​ ഹ​ര​ജി​യി​ൽ ചോ​ദ്യം ചെ​യ്യു​ന്ന​ത്. വി​​മാ​​ന ടി​​ക്ക​​റ്റ് നി​​ര​​ക്ക് വ​​ർ​​ധ​​ന​​യു​​മാ​​യി ബ​​ന്ധ​​പ്പെ​​ട്ട് മാ​​ർ​​ഗ​​രേ​​ഖ പു​​റ​​പ്പെ​​ടു​​വി​​ക്ക​​ണ​​മെ​ന്ന് ഹ​​ര​​ജി​​യി​ൽ ആ​​വ​​ശ്യ​പ്പെ​ടു​ന്നു. ഈ ​ശ്ര​മ​ങ്ങ​ൾ​ക്ക്​ ക​രു​ത്തു പ​ക​രു​ന്ന​താ​ണ്​ എം.​പി​യു​ടെ ഇ​ട​പെ​ട​ലെ​ന്നും സൈ​നു​ൽ ആ​ബി​ദീ​ൻ പ്ര​തി​ക​രി​ച്ചു.

‘യാ​ത്ര​പ്ര​ശ്ന​ത്തി​ന് ശാ​ശ്വ​ത പ​രി​ഹാ​രം വേ​ണം’

ദോ​ഹ: 1953ലെ ​എ​യ​ർ കോ​ർ​പ​റേ​ഷ​ൻ ആ​ക്ട് റ​ദ്ദാ​ക്കി​യ​ത് മു​ത​ൽ, ടി​ക്ക​റ്റ് നി​ര​ക്ക് നി​ർ​ണ​യി​ക്കാ​നു​ള്ള അ​വ​കാ​ശം ഉ​പ​യോ​ഗ​പ്പെ​ടു​ത്തി ക​മ്പ​നി​ക​ൾ യാ​ത്ര​ക്കാ​രെ ചൂ​ഷ​ണം ചെ​യ്യു​ക​യാ​ണ്. ന്യാ​യ​മാ​യ നി​ര​ക്കി​നേ​ക്കാ​ൾ കൂ​ടു​ത​ൽ ഈ​ടാ​ക്കു​ന്ന ക​മ്പ​നി​ക​ളെ നി​യ​ന്ത്രി​ക്കാ​ൻ പു​തി​യ ച​ട്ട​ങ്ങ​ൾ രൂ​പ​വ​ത്ക​രി​ക്ക​ണം.

പ്ര​വാ​സി​ക​ളു​ടെ എ​ണ്ണം കൂ​ടി​വ​രു​ന്ന സാ​ഹ​ച​ര്യ​ത്തി​ൽ വി​മാ​ന സ​ർ​വി​സു​ക​ളു​ടെ എ​ണ്ണം കാ​ലാ​നു​സൃ​ത​മാ​യി വ​ർ​ധി​പ്പി​ക്ക​ണം. ആ​ഘോ​ഷ അ​വ​ധി സ​ന്ദ​ർ​ഭ​ങ്ങ​ളി​ൽ കൂ​ടു​ത​ൽ സ​ർ​വി​സു​ക​ൾ ഉ​ണ്ടാ​ക്കു​ന്ന​തി​ന് സ​ർ​ക്കാ​ർ​ത​ല​ത്തി​ൽ ന​ട​പ​ടി​ക​ൾ ഉ​ണ്ടാ​ക​ണം. ആ​ഭ്യ​ന്ത​ര സ​ർ​വി​സു​ക​ളി​ൽ നി​യ​ന്ത്ര​ണ​മു​ള്ള​തു​പോ​ലെ അ​ന്താ​രാ​ഷ്ട്ര സ​ർ​വി​സു​ക​ളി​ൽ വി​ശി​ഷ്യാ ഗ​ൾ​ഫ് മേ​ഖ​ല​യി​ലെ സ​ർ​വി​സു​ക​ളി​ൽ ഇ​ട​പെ​ടാ​ൻ ക​ഴി​യു​ന്ന വി​ധം നി​യ​മ​സം​വി​ധാ​ന​ങ്ങ​ൾ ഉ​ണ്ടാ​ക​ണം.

ട്രാ​വ​ൽ ഏ​ജ​ൻ​സി​ക​ൾ, അ​മി​ത​വി​ല​യ്ക്ക് സീ​സ​ണു​ക​ളി​ൽ വി​ൽ​ക്കാ​ൻ വേ​ണ്ടി ഗ്രൂ​പ് ടി​ക്ക​റ്റു​ക​ൾ എ​ടു​ക്കു​ന്ന​ത് നി​യ​ന്ത്രി​ക്കാ​നും സ​ർ​ക്കാ​ർ സം​വി​ധാ​നം ഉ​ണ്ടാ​ക​ണം.

ടി​ക്ക​റ്റ് നി​ര​ക്കി​ൽ ക​മ്പ​നി​ക​ൾ തു​ട​രു​ന്ന ചൂ​ഷ​ണം കൃ​ത്യ​മാ​യി പാ​ർ​ല​മെ​ന്റി​ൽ അ​വ​ത​രി​പ്പി​ച്ച ഷാ​ഫി പ​റ​മ്പി​ൽ എം.​പി.​യു​ടെ ന​ട​പ​ടി അ​ഭി​ന​ന്ദ​നാ​ർ​ഹ​മാ​ണ്. പ്ര​വാ​സി​ക​ൾ നേ​രി​ടു​ന്ന വോ​ട്ട​വ​കാ​ശം ഉ​ൾ​പ്പെ​ടെ​യു​ള്ള മ​റ്റു വി​ഷ​യ​ങ്ങ​ളി​ലും ജ​ന​പ്ര​തി​നി​ധി​ക​ൾ ഇ​ത്ത​ര​ത്തി​ലു​ള്ള സ​ക്രി​യ​മാ​യ ഇ​ട​പെ​ട​ൽ ന​ട​ത്തി ശാ​ശ്വ​ത പ​രി​ഹാ​രം കാ​ണാ​ൻ ശ്ര​മി​ക്ക​ണം.