ടിക്കറ്റുറപ്പിക്കാം, ചൂ​ടോടെ

ദോഹ: ലോകകപ്പ്​ ഫുട്​ബാളിലെ ട്രയൽ റണ്ണായ ഫിഫ അറബ്​ കപ്പ്​ പോരാട്ടത്തിനുള്ള ടിക്കറ്റ്​ വിൽപന ​ചൊവ്വാഴ്​ച മുതൽ തകൃതിയായി. ഫിഫ വെബ്​സൈറ്റ്​ വഴി (fifa.com/tickets) ആരാധകർക്ക്​ ടിക്കറ്റുകൾ സ്വന്തമാക്കാം. ആദ്യം ബുക്ക്​ ചെയ്യുന്നവർക്ക്​ ആദ്യം എന്ന നിലയിലാണ്​ ടിക്കറ്റുകൾ ലഭ്യമാവുന്നത്​. ചൊവ്വാഴ്​ച ഉച്ചയോടെ ബുക്കിങ്​ ​ലിങ്ക്​ ഓപണായതിന്​ പിന്നാലെ ടിക്കറ്റ്​ സ്വന്തമാക്കാൻ ആരാധകരുടെ ഇടിയും തുടങ്ങി. നവംബർ 30നാണ്​ 16 അറബ്​ രാജ്യങ്ങൾ മാറ്റുരക്കുന്ന ഫിഫ ചാമ്പ്യൻഷിപ്പിന്​ അൽബെയ്​ത്​ സ്​റ്റേഡിയത്തിൽ കിക്കോഫ്​ കുറിക്കുന്നത്​. ഡിസംബർ 18ന്​ ഫൈനലിനും അൽ ബെയ്​ത്​ തന്നെ വേദിയാവും.

ലോകകപ്പിനായി സജ്ജമായ ഏഴ്​ സ്​റ്റേഡിയങ്ങളുടെയും സാമ്പിൾ പൂരത്തിനാവും അറബ്​ കപ്പ്​ വേദിയൊരുക്കുന്നത്​.

അൽബെയ്​ത്​, റാസ്​ അബൂ അബൂദ്​ സ്​റ്റേഡിയങ്ങളുടെ ഉദ്​ഘാടനം കൂടിയാണ്​ ചാമ്പ്യൻഷിപ്​. മറ്റൊരു വേദിയായ അൽ തുമാമ സ്​റ്റേഡിയം ഒക്​ടോബർ 22ന്​ അമീർ കപ്പ്​ ഫൈനലോടെ ഉദ്​ഘാടനം ചെയ്യപ്പെടും. ലോകകപ്പി​െൻറ ഫൈനൽ വേദിയായ ലുസൈൽ ഒഴികെ മുഴുവൻ വേദികളും ഒരുവർഷം മു​െമ്പ വിശ്വമേളക്ക്​ സജ്ജമായി എന്ന്​ പ്രഖ്യാപിക്കാൻ കൂടിയുള്ള അവസരമാണ്​ ഖത്തറിന്​ ഇത്​.

എങ്ങനെ ടിക്കറ്റ്​ സ്വന്തമാക്കാം?

fifa.com/tickets ലിങ്ക്​ വഴിയാണ്​ ടിക്കറ്റ്​ വിൽപന ആരംഭിച്ചത്​. ഇ– മെയിൽ ഐഡി ഉപയോഗിച്ച്​ ഫിഫ ക്ലബ്​ അക്കൗണ്ട്​ ലോഗിൻ ചെയ്​ത ശേഷം വ്യക്​തിഗത വിവരങ്ങൾ, രാജ്യം, ഉൾപ്പെടെയുള്ള വിശദാംശങ്ങൾ നൽകണം. ഖത്തറിലുള്ളവർക്കും വിദേശത്തുള്ളവർക്കുമായി വ്യത്യസ്​ത വി​ൻഡോകൾ വഴിയാണ്​ ബുക്കിങ്​. ​രജിസ്​ട്രേഷൻ/ ലോഗിൻ പൂർത്തിയായാൽ ടിക്കറ്റ്​ ബുക്ക്​ ചെയ്യാനുള്ള വിൻഡോയിലെത്താം. ഇവിടെ ഏതൊക്കെ മത്സരങ്ങൾ, ഏതെല്ലാം ദിവസങ്ങൾ, ഏത്​ കാറ്റഗറി ടിക്കറ്റുകൾ എന്നിവ തെരഞ്ഞെടുപ്പ്​ ബുക്ക്​ ചെയ്യാൻ കഴിയും.

ഗ്രൂപ്​ റൗണ്ട്​ മുതൽ ഫൈനൽ വരെയുള്ള മത്സരങ്ങളിൽ ടിക്കറ്റ്​ നിരക്കിലും മാറ്റമുണ്ട്​. സ്​റ്റേഡിയത്തിലെ ഇരിപ്പിടസൗകര്യമനുസരിച്ച്​ നാല്​ കാറ്റഗറിയിലാണ്​ ടിക്കറ്റുകൾ ലഭ്യമാവുന്നത്​. 25 റിയാൽ മുതൽ 245 റിയാൽ വരെയാണ്​ ടിക്കറ്റ്​ നിരക്ക്​. ഗ്രൂപ്​ റൗണ്ടിൽ ഏറ്റവും മുൻനിര ടിക്കറ്റിന്​ 195 റിയാലാണ്​ നിരക്ക്​. ഒരാൾക്ക്​ 10 ടിക്കറ്റ്​ വരെ ബുക്ക്​ ​ചെയ്യാം. കാശ്​ ഓൺലൈൻ വഴി അടക്കുന്നതോടെ ടിക്കറ്റ്​ കൺഫർമേഷൻ നമ്പർ ലഭ്യമാവും.

ടിക്കറ്റ്​ വിൽപനയു​െട ആദ്യഘട്ടം ആഗസ്​റ്റ്​ മൂന്ന്​ മുതൽ 17 വരെയായിരുന്നു. റാൻഡം സെലക്​ഷൻ ഡ്രോ വഴിയായിരുന്നു വിസ പ്രീ സെയിൽ വഴി ടിക്കറ്റ്​ ബുക്കിങ്​.

ചൊവ്വാഴ്​ച ആരംഭിച്ച രണ്ടാം ഘട്ടത്തിൽ ആദ്യമെത്തുന്നയാൾക്ക്​ ആദ്യം എന്ന നിലയിലാണ്​ ടിക്കറ്റുകൾ നൽകുന്നത്​. ഒക്​ടോബർ 12വരെ രണ്ടാം ഘട്ടം തുടരും.

ടിക്കറ്റുകൾ നേടാനുള്ള മൂന്നാം ഘട്ടമായ ലാസ്​റ്റ്​ മിനിറ്റ്​ സെയിൽസ്​ നവംബർ രണ്ട്​ മുതൽ ഫൈനൽ ദിനമായ ഡിസംബർ 18വരെ നീണ്ടു നിൽക്കും. മത്സരദിനങ്ങളിലും ഒഴിവനുസരിച്ച്​ ഇതുവഴി ടിക്കറ്റുകൾ സ്വന്തമാക്കാൻ കഴിയും.

ഫാൻ ഐഡി

ലോകകപ്പിനായി ഖത്തർ തയാറാക്കുന്ന ഫാൻ ഐഡിയുടെ പരീക്ഷണം കൂടിയാണ്​ അറബ്​ കപ്പ്​. ടിക്കറ്റ്​ കൺഫർമേഷൻ നമ്പർ ലഭിക്കുന്നതോടെ ആരാധകർക്ക്​ ഫാൻ ഐഡിക്കായി അപേക്ഷിക്കാം. ചൊവ്വാഴ്​ച മുതൽ തന്നെ ഫാൻ ഐഡി അപേക്ഷയും സ്വീകരിച്ചുതുടങ്ങി. FAC21.qa എന്ന എന്ന വെബ്​സൈറ്റ്​ വഴിയാണ്​ അപേക്ഷ സ്വീകരിക്കുന്നത്​. ഒറ്റകാർഡിൽ ഒരുപിടി സൗകര്യങ്ങളാണ്​ ഇതുപ്രകാരം ആരാധകർക്ക്​ വാഗ്​ദാനം ചെയ്യുന്നത്​. ടിക്കറ്റ്​, കാലാവധിയുള്ള ഖത്തർ ഐഡി അല്ലെങ്കിൽ പാസ്​പോർട്ടുള്ളവർക്ക്​ അപേക്ഷിക്കാം. അപേക്ഷ അംഗീകരിച്ചാൽ ദോഹ എക്​സിബിഷൻ സെൻറർ, ഹമദ്​ ഇൻറർനാഷനൽ വിമാനത്താവളം എന്നിവിടങ്ങളിൽനിന്ന്​ സ്​മാർട്ട്​ ഫാൻ ഐഡി കാർഡ്​ കൈപ്പറ്റണം.

ടൂർണമെൻറ്​ വേളയിൽ ഖത്തറിലേക്കുള്ള എൻട്രി ​പെർമിറ്റ്​, സ്​റ്റേഡിയത്തിലേക്കുള്ള പ്രവേശനം, മെട്രോ- ട്രാമുകളിൽ സൗജന്യയാത്ര, ബസ്​-ടാക്​സി യാത്ര തുടങ്ങിയവയെല്ലാം ഫാൻ ഐഡി സ്വന്തമാക്കുന്നവർക്ക്​ ലഭിക്കും. ​പ്രത്യേക ഫിഫ മൊബൈൽ ആപ്ലിക്കേഷനും അറബ്​ കപ്പിന്​ മുന്നോടിയായി പുറത്തിറക്കുന്നുണ്ട്​.