ദോഹ: ലോക ഹൃദയദിനത്തോടനുബന്ധിച്ച് യൂത്ത് ഫോറം ഖത്തർ പ്രഖ്യാപിച്ച ‘ ‘സ്ട്രോങ് ഹാർട്സ്, ബ്രൈറ്റ് ഫ്യൂച്ചർ, ഇൻസ്പയറിങ് യൂത്ത്’ ഫിറ്റ്നസ് ചലഞ്ചിന് ആവേശകരമായ തുടക്കം. പ്രവാസികളിൽ ആരോഗ്യകരമായ ജീവിതശൈലി കെട്ടിപ്പടുക്കാൻ ലക്ഷ്യമിട്ട് നടക്കുന്ന ഒരു മാസം നീളുന്ന ചലഞ്ചിൽ ഖത്തറിലെ യുവതികളും യുവാക്കളും സജീവമായി മാറ്റുരക്കുന്നു. ഒക്ടോബർ ഒന്നിന് ആരംഭിച്ച് ഒക്ടോബർ 31വരെ ഒരു മാസം നീളുന്ന ഒരുമാസ ചലഞ്ചിൽ അഞ്ചു ലക്ഷം സ്റ്റെപ്സ് ആണ് ചലഞ്ചായി നിശ്ചയിച്ചിട്ടുള്ളത്.
വിജയികളാവുന്ന നൂറുപേർക്ക് സമ്മാനം ലഭിക്കുന്ന ഫിറ്റ്നസ് ചലഞ്ചിൽ വളരെ ആവേശത്തോടെയാണ് മത്സരാർഥികൾ പങ്കെടുക്കുന്നത്. ‘പേസർ’ ആപ്ലിക്കേഷൻ വഴി നടക്കുന്ന ചലഞ്ചിൽ 600ലധികം ആളുകൾ രജിസ്റ്റർ ചെയ്ത് മത്സരത്തിൽ പങ്കാളിയാകുന്നുണ്ട്.
ദിനേന നടന്നും ഓടിയും വ്യായാമം ചെയ്തും ചലഞ്ചിന്റെ ഭാഗമാവുന്നതിനൊപ്പം ആരോഗ്യകരമായ ജീവിതം കൂടി വാഗ്ദാനം ചെയ്യുകയാണ് ചലഞ്ചിലൂടെ ലക്ഷ്യമിടുന്നത്. യുവജന സംഘടനയായ യൂത്ത് ഫോറം ഖത്തർ നസീം ഹെൽത്ത് കെയറുമായി സഹകരിച്ചാണ് ഫിറ്റ്നസ് ചലഞ്ച് നടത്തുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.