സത്താർ
ത്വാഇഫ്: വാഹനത്തിൽനിന്ന് വീണ് തലക്ക് പരിക്കേറ്റ എറണാകുളം സ്വദേശി ത്വാഇഫിൽ മരിച്ചു. ആലുവ ഉളിയന്നൂർ കുഞ്ഞുണ്ണിക്കര സ്വദേശി കരിമ്പേപടിക്കൽ സത്താർ (42) ആണ് മരിച്ചത്. റിയാദിലെ ഉമർ അലി ബൻസാഫ് ഫുഡ് സ്റ്റഫ് കമ്പനിയിൽ ട്രെയ്ലർ ഡ്രൈവറായി ജോലി ചെയ്തു വരികയായിരുന്നു.
റിയാദിൽനിന്ന് നവംബർ ഒന്നിന് സൗദിയിലെ വിവിധ പ്രദേശങ്ങളിലേക്ക് ചരക്കുമായി പുറപ്പെട്ട ഇദ്ദേഹം വ്യാഴാഴ്ച ജിദ്ദയിൽനിന്നും ത്വാഇഫിൽ എത്തിയതായിരുന്നു. നിർത്തിയിട്ട വാഹനത്തിെൻറ സീറ്റിൽനിന്ന് തലകറങ്ങി താഴെ വീഴുകയായിരുന്നു. തലക്ക് ഗുരുതരമായി പരിക്കേറ്റ് ചികിത്സയിലിരിക്കെയാണ് മരണം.
17 വർഷത്തോളമായി പ്രവാസിയാണ്. പിതാവ്: അബു പല്ലേരിക്കണ്ടം, മാതാവ്: നഫീസ. ഭാര്യ: ഷിംന. മക്കൾ: ഇമ്രാൻ (8), ഇർഫാൻ (8), ഇഹ്സാൻ (6). കിങ് ഫൈസൽ ആശുപത്രി മോർച്ചറിയിൽ സൂക്ഷിച്ച മൃതദേഹം നടപടിക്രമങ്ങൾക്ക് ശേഷം ത്വാഇഫിൽ ഖബറടക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.