ജിദ്ദ: കോവിഡ് പ്രതിരോധത്തിനുള്ള ബ്രിട്ടെൻറ അസ്ട്രാസെനിക വാക്സിൻ സൗദി അറേബ്യയിൽ ഉപയോഗിക്കാൻ ഫുഡ് ആൻഡ് ഡ്രഗ് അതോറിറ്റി അനുമതി നൽകി. ഒ ാക്സ്ഫോർഡ് യൂനിവേഴ്സിറ്റിയുടെ സഹകരണത്തോടെയാണ് വാക്സിൻ വികസിപ്പിച്ചെടുത്തത്.
കൃത്യമായ ശാസ്ത്രീയ രീതിയനുസരിച്ച് എല്ലാ വശങ്ങളും വിശദാംശങ്ങളും അവലോകനം ചെയ്തതിനു ശേഷമാണ് അംഗീകാരം നൽകിയത്. വാക്സിൻ ഉപയോഗിക്കും മുമ്പ് രാജ്യത്തേക്ക് വരുന്ന ഒരോ ഷിപ്പിങ് സാമ്പിളുകളും അതോറിറ്റി പരിശോധിക്കും. വാക്സിനുകളുടെ ഉപയോഗം അംഗീകരിക്കുന്നതിന് ശാസ്ത്രീയ സംവിധാനമനുസരിച്ചാണ് പ്രവർത്തിക്കുന്നതെന്ന് അതോറിറ്റി വൃത്തങ്ങൾ അറിയിച്ചു.
ക്ലിനിക്കൽ പരീക്ഷണത്തിലൂടെയും പഠനങ്ങളിലൂടെയും വാക്സിനുകളുടെ സുരക്ഷ, ഫലപ്രാപ്തി, ഗുണനിലവാരം എന്നിവ പഠനവിധേയമാക്കുന്നുണ്ട്. ഉൽപാദനഘട്ടങ്ങൾ പരിശോധിക്കുന്നതോടൊപ്പം ഫാർമസ്യൂട്ടിക്കൽ വ്യവസായത്തിലെ അന്താരാഷ്ട്ര മാനദണ്ഡങ്ങൾക്കനുസരിച്ച് കമ്പനിയുടെ പ്രതിബന്ധതയും ഉറപ്പുവരുത്തുന്നുണ്ട്.
അതോറിറ്റിയും ക്ലിനിക്കൽ പഠന ശാസ്ത്ര ഉപദേശക സംഘവും സമർപ്പിച്ച അന്വേഷണങ്ങൾക്ക് ഉത്തരം നൽകാൻ നിർമാതാവും അതിെൻറ പ്രതിനിധികളുമായും കൂടിക്കാഴ്ച നടത്താറുണ്ടെന്നും അതോറിറ്റി പറഞ്ഞു. കോവിഡ് വാക്സിനുകൾ രജിസ്റ്റർ ചെയ്യുന്നതിന് അതോറിറ്റി പ്രത്യേക പാത വികസിപ്പിച്ചെടുത്തിട്ടുണ്ട്.
ചില വാക്സിനുകൾ ഇപ്പോഴും ക്ലിനിക്കൽ പഠനത്തിെൻറ ഘട്ടത്തിലാണ്. അവയുടെ ഡാറ്റ പൂർത്തിയായിട്ടില്ല. അതോറിറ്റിയുടെ സംവിധാനം വാക്സിനുകൾ രാജ്യത്ത് പ്രവേശിക്കുന്നതിനുള്ള പ്രക്രിയ വേഗത്തിലാക്കുന്നു. ഏതെങ്കിലും വാക്സിന് അംഗീകാരം നൽകിയാൽ അത് സമയബന്ധിതമായി പ്രഖ്യാപിക്കുമെന്നും അതോറിറ്റി അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.