ബുറൈദ കെ.എം.സി.സി, ദമീ ബ്ലഡ് ബാങ്ക്സ് ഫ്രൻഡ്സ് ചാരിറ്റിയുമായി സഹകരിച്ച് നടത്തിയ രക്തദാന ക്യാമ്പ്
ബുറൈദ: സൗദി ദേശീയ ദിനാഘോഷത്തോടനുബന്ധിച്ച് ബുറൈദ കെ.എം.സി.സി സെൻട്രൽ കമ്മിറ്റി ബുറൈദ ദമീ ബ്ലഡ് ബാങ്ക്സ് ഫ്രൻഡ്സ് ചാരിറ്റിയുമായി സഹകരിച്ച് രക്തദാന ക്യാമ്പ് സംഘടിപ്പിച്ചു. ‘അന്നം തരുന്ന നാടിന് ജീവരക്തം സമ്മാനം’ ശീർഷകത്തിൽ സൗദി ദേശീയ ദിനത്തോടനുബന്ധിച്ച് സൗദി നാഷനൽ കമ്മിറ്റി നിരവധി കേന്ദ്രങ്ങളിൽ 10 വർഷത്തിലധികമായി സംഘടിപ്പിക്കുന്ന രക്തദാന പരിപാടിയുടെ ഭാഗമായിരുന്നു ക്യാമ്പ്. വനിതകൾ ഉൾപ്പെടെ നിരവധി പേർ പങ്കെടുത്തു.
ദമീ ബ്ലഡ് ബാങ്ക്സ് ഫ്രൻഡ്സ് ചാരിറ്റി മേധാവി ഖാലിദ് മുഹമ്മദ് അൽ മുശൈഖിഹ്, കോഓഡിനേറ്റർ ഹമൂദ് അബ്ദുല്ല അൽ സ്വഹീ, ബുറൈദ കെ.എം.സി.സി ഭാരവാഹികളായ അനീസ് ചുഴലി, ബഷീർ വെള്ളില, ബാജി ബഷീർ, നവാസ് പള്ളിമുക്ക്, റഫീഖ് ചെങ്ങളായി, സക്കീർ മാടാല, ഫൈസൽ ആലത്തൂർ, ശബീറലി ചാലാട്, അഹ്മദ്കുട്ടി എടക്കര, എം.സി. മുസ്തഫ, അയൂബ് മുക്കം, മുസ്തഫ തൃശൂർ, സ്വാലിഹ് കൊടിഞ്ഞി, ഫസലുൽ ഹഖ് എടവണ്ണ എന്നിവർ നേതൃത്വം നൽകി. കെ.എം.സി.സി സുൽഫി ഏരിയ കമ്മിറ്റിയും സുൽഫി ജനറൽ ആശുപത്രി കേന്ദ്രീകരിച്ച് രക്തദാനം നടത്തി. നിരവധി പേർ പങ്കെടുത്തു. അസ്ലം മണ്ണാർക്കാട്, സലിം പൊന്നാനി, ജഹ്ഫർ അമ്മിനിക്കാട്, ജുനൈദ് ചേളാരി, സഫ്വാൻ അമ്മിനിക്കാട്, ഹിഫ്സുറഹ്മാൻ, ശിഹാബ് വെളിയംകോട്, സലിം പാറൽ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.