ജിദ്ദ ഇന്ത്യൻ കോൺസൽ ജനറൽ മുഹമ്മദ് ഷാഹിദ് ആലത്തിന് ജിദ്ദ കേരള പൗരാവലി പ്രതിനിധിസംഘം ഉപഹാരം കൈമാറുന്നു
ജിദ്ദ: കേരള പൗരാവലിയുടെ പ്രവാസി സൗഹൃദ ക്ഷേമപ്രവർത്തനങ്ങൾ സജീവമായി തുടരണമെന്ന് ജിദ്ദ ഇന്ത്യൻ കോൺസൽ ജനറൽ മുഹമ്മദ് ഷാഹിദ് ആലം. കക്ഷി രാഷ്ട്രീയ പ്രാദേശിക അതിർവരമ്പുകൾക്കതീതമായി പ്രവർത്തിക്കുന്ന കേരള പൗരാവലിയുടെ പ്രവർത്തനങ്ങളിൽ അദ്ദേഹം സംതൃപ്തി പ്രകടിപ്പിച്ചു.
ബ്രിട്ടനിലെ ഇന്ത്യൻ ഹൈക്കമീഷനിലേക്ക് സ്ഥലംമാറി പോകുന്ന ജിദ്ദ ഇന്ത്യൻ കോൺസൽ ജനറലിന് ജിദ്ദ കേരള പൗരാവലി പുരസ്‌കാരം സമ്മാനിച്ച് യാത്രയയപ്പ് നൽകി. കോവിഡിന്റെ ഭീതിതമായ സന്ദർഭങ്ങൾ, ഹുറൂബ് വിഷയങ്ങൾ, ഇന്ത്യക്കാരായ ഹാജിമാർക്കുള്ള ക്ഷേമപ്രവർത്തനങ്ങൾ, ജിദ്ദ ഇന്ത്യൻ കോൺസുലേറ്റിന്റെ അധികാരപരിധിയിലും ജിദ്ദയിൽ നിന്നും ബഹുദൂരം അകലെയുള്ളവർക്കായി അവരുടെ അടുത്തേക്ക് എത്തുന്ന കോൺസുലേറ്റ് ഓൺ വീൽസ് തുടങ്ങിയവവയെല്ലാം സന്ദർശക സംഘം നന്ദിപൂർവം സ്മരിച്ചു.
കോൺസുലേറ്റിൽ നടന്ന ലളിതമായ യാത്രയയപ്പ് പരിപാടിയിൽ സലാഹ്‌ കാരാടൻ, ഷരീഫ് അറക്കൽ, വേണു അന്തിക്കാട്, മുഹമ്മദ് ബൈജു, മൻസൂർ വയനാട്, നാസർ ചാവക്കാട്, സുവിജ സത്യൻ എന്നിവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.