പ്രവാസം അവസാനിപ്പിച്ച് മടങ്ങുന്ന ഗംഗൻ വള്ളിയോട്ടിന് ഒ.ഐ.സി.സി സൈഹാത് കമ്മിറ്റിയുടെ ഉപഹാരം ബിജു കല്ലുമല കൈമാറുന്നു
ദമ്മാം: 40 വർഷത്തെ പ്രവാസം അവസാനിപ്പിച്ച് മടങ്ങുന്ന ദമ്മാം ഒ.ഐ.സി.സി സൈഹാത്ത് ഏരിയ കമ്മിറ്റി വൈസ് പ്രസിഡൻറ് ഗംഗൻ വള്ളിയോട്ടിന് സഹപ്രവർത്തകർ യാത്രയയപ്പ് നൽകി. ഒ.ഐ.സി.സി സൗദി നാഷനൽ കമ്മിറ്റി പ്രസിഡൻറ് ബിജു കല്ലുമല യോഗം ഉദ്ഘാടനം ചെയ്തു.
റീജനൽ കമ്മിറ്റി വൈസ് പ്രസിഡൻറ് ചന്ദ്രമോഹൻ സെക്രട്ടറി ഷംസ് കൊല്ലം, വനിതാവേദി ജനറൽ സെക്രട്ടറി ഷിജില ഹമീദ്, അബാസ് തറയിൽ, കൊല്ലം ജില്ല പ്രസിഡൻറ് നൗഷാദ് തഴവ, മലപ്പുറം ജില്ല ജനറൽ സെക്രട്ടറി ഹമീദ് മരക്കശ്ശേരി, കോഴിക്കോട് ജില്ല വൈസ് പ്രസിഡൻറ് ഗഫൂർ, തിരുവനന്തപുരം ജില്ല ആക്ടിങ് പ്രസിഡൻറ് ലാൽ അമീൻ, അൽ ഖോബാർ ഏരിയ കമ്മിറ്റി ജനറൽ സെക്രട്ടറി സക്കീർ പറമ്പിൽ, പ്രമോദ് പൂപ്പാല, രാജേഷ് ആറ്റുവ, ഷിജില ഫമീദ് തുടങ്ങിയവർ സംസാരിച്ചു.
ഏരിയ കമ്മിറ്റിയുടെ ഉപഹാരം നാഷനൽ കമ്മിറ്റി പ്രസിഡൻറ് ബിജു കല്ലുമലയും ഏരിയ കമ്മിറ്റി പ്രസിഡൻറ് രമേശ്‌ പാലക്കലും ചേർന്ന് ഗംഗൻ വള്ളിയോട്ടിന് കൈമാറി. തുടർന്ന് ഗംഗൻ വള്ളിയോട്ട് മറുപടിപ്രസംഗം നടത്തി. നിറഞ്ഞ സന്തോഷത്തോടെയാണ് ഇവിടെനിന്ന് മടങ്ങുന്നതെന്ന് അദ്ദേഹം പറഞ്ഞു. ഏരിയ കമ്മിറ്റി ജനറൽ സെക്രട്ടറി സി.ടി. ശശി സ്വാഗതവും യൂത്ത് വിങ് ജനറൽ സെക്രട്ടറി ഡിജോ പഴയമഠം നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.