ജിദ്ദയിൽനിന്നും അൽഖോബാറിലേക്ക് സ്ഥലം മാറിപ്പോവുന്ന ഗോപൻ നെച്ചുള്ളിക്ക് ജിദ്ദ നവോദയ യുവജനവേദി യാത്രയയപ്പ് നൽകിയപ്പോൾ
ജിദ്ദ: ജിദ്ദയിൽനിന്ന് ജോലിയുടെ ഭാഗമായി അൽഖോബാറിലേക്ക് സ്ഥലം മാറിപ്പോവുന്ന ഗോപൻ നെച്ചുളിക്ക് ജിദ്ദ നവോദയ യുവജനവേദി സ്നേഹാദരങ്ങളോടെ യാത്രയയപ്പ് നൽകി. ജിദ്ദ നവോദയ ജോ. സെക്രട്ടറിയും യുവജനവേദി കൺവീനറുമായ ആസിഫ് അലി കരുവാറ്റ ചടങ്ങിൽ അധ്യക്ഷത വഹിച്ചു.
നവോദയ മുഖ്യ രക്ഷാധികാരി ഷിബു തിരുവനന്തപുരം, പ്രസിഡന്റ് കിസ്മത് മമ്പാട്, ട്രഷറർ സി.എം. അബ്ദുറഹിമാൻ എന്നിവർ സംസാരിച്ചു. ജിദ്ദ നവോദയ ഖാലിദ് ബിൻ വലീദ് ഏരിയ കമ്മറ്റി അംഗം, ശാറാ തോബ യൂനിറ്റ് ട്രഷറർ, നവോദയ കേന്ദ്ര മീഡിയ കമ്മിറ്റി അംഗം, ജിദ്ദ നവോദയ യുവജനവേദി കേന്ദ്ര കമ്മിറ്റി അംഗം എന്നിങ്ങനെ വിവിധ ചുമതലകളിൽ ഗോപൻ നെച്ചുള്ളി നിർവഹിച്ച സേവനങ്ങൾ മാതൃകാപരമായിരുന്നുവെന്നും തുടർന്നും സംഘടനാതലത്തിലും ഭാവി ജീവിതത്തിലും ഏറെ മുന്നേറാൻ സാധിക്കട്ടെ എന്നും സഹപ്രവർത്തകർ ആശംസകൾ നേർന്നു. യുവജനവേദി കേന്ദ്ര കമ്മിറ്റി അംഗം ഫഹജാസ് സ്വാഗതവും ശഫീക്ക് നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.