ജീസാൻ ഒ.ഐ.സി.സി ബലിപെരുന്നാൾ ആഘോഷം
ജീസാൻ: ബലിപെരുന്നാൾ ദിനത്തിൽ ജീസാൻ ഒ.ഐ.സി.സി മെഗാ ഷോ ഒരുക്കി. അൽ ജഹ്ഫലി ഗ്രൂപ് എം.ഡി അലി വടക്കയിലിന്‍റെ സഹകരണത്തോടെ ജീസാൻ ടൗൺ കമ്മിറ്റിയാണ് ‘സലാം ജീസാൻ’ എന്ന പേരിൽ മെഗാ ഷോ സംഘടിപ്പിച്ചത്. സെൻട്രൽ കമ്മിറ്റി മുൻ പ്രസിഡന്‍റ് താഹ അധ്യക്ഷത വഹിച്ചു. ദക്ഷിണ മേഖല പ്രസിഡന്‍റ് അഷ്‌റഫ് കുറ്റിച്ചൽ ഉദ്ഘാടനം ചെയ്തു. കോൺസുലേറ്റ് വെൽഫെയർ കമ്മിറ്റി അംഗം ഷംസു പൂക്കോട്ടൂർ മുഖ്യാതിഥിയായി. മുഹമ്മദ് വെളിക്കോട്, പ്രകാശ് നാദാപുരം എന്നിവർ സംസാരിച്ചു.
സെൻട്രൽ കമ്മിറ്റി സെക്രട്ടറി അബ്സൽ ഒള്ളൂർ, സെൻട്രൽ കമ്മിറ്റി സ്റ്റാൻഡിങ് പ്രസിഡന്‍റ് ഷഫീഖ് ഇടശ്ശേരി, പ്രവീൺ, മുഹമ്മദ് അലി, കെ.പി.കെ. റിയാസ്, സുബൈർ ജിലു ഷിൻസ്, യൂത്ത് വിങ് പ്രസിഡന്‍റ് ഉസ്മാൻ കൊറ്റുമ്പ, സെക്രട്ടറി നജീബ് കല്ലറ എന്നിവർ പങ്കെടുത്തു. വ്യത്യസ്ത കലാപരിപാടികൾ അരങ്ങേറിയ വേദിയിൽ ബാൻഡ് ഓഫ് ഡെസർട്ട് ആണ് മെഗാ ഷോ അവതരിപ്പിച്ചത്. ചാനൽ ഷോ താരങ്ങളായ ആശ ഷിജു, സജീർ അബൂബക്കർ എന്നിവർ മെഗാ ഷോക്ക് നേതൃത്വം നൽകി. ടൗൺ കമ്മിറ്റി സെക്രട്ടറി ഷൈജു ആലക്കോട് സ്വാഗതവും സെക്രട്ടറി റിയാസ് മട്ടന്നൂർ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.