കേരള ക്രിക്കറ്റ് ക്ലബ് അംഗങ്ങൾ ജഴ്സിയിൽ
ജുബൈൽ: ജുബൈൽ കേരള ക്രിക്കറ്റ് ക്ലബിന്റെ (ജെ.കെ.സി.സി) പുതിയ ക്രിക്കറ്റ് സീസണിലേക്കുള്ള ജഴ്‌സി പ്രകാശനം ജുബൈലിൽ നടന്നു. ക്യാപ്റ്റൻ അനീഷ്, വൈസ് ക്യാപ്റ്റൻ ഷംനാസ് എന്നിവർക്ക് നൽകി ശിഹാബ് അൽഅഹ്സൻ ജഴ്‌സി പ്രകാശനം ചെയ്തു. നൈസ് ഓട്ടോസ് പെരുമ്പാവൂരാണ് ജഴ്‌സി സ്പോൺസർ ചെയ്തിരിക്കുന്നത്.
പുതിയ ജഴ്‌സികൾ ടീം അംഗങ്ങൾ ഭാരവാഹികളിൽനിന്നും ഏറ്റുവാങ്ങി. ശിഹാബ് അൽഅഹ്സൻ മുഖ്യാതിഥിയായിരുന്നു. അനസ് കൂട്ടായി, ഷംനാസ് പെരുമ്പാവൂർ, ശിഹാബ് മങ്ങാടൻ എന്നിവർ സംസാരിച്ചു. കോർ കമ്മിറ്റി അംഗങ്ങളായ ബിജു തൃശൂർ, ശാഹുൽ, മനു തിരുവനന്തപുരം, മനു കോഴിക്കോട്, അനൂപ് തൃശൂർ എന്നിവർ പരിപാടിക്ക് നേതൃത്വം നൽകി. ക്ലബ് കോഓഡിനേറ്റർ അനീഷ് കൊല്ലം സ്വാഗതവും ഷജർ കണ്ണൂർ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.