സൗദി ദേശീയ ഗെയിംസ് ബാഡ്മിൻറണില്‍ ഹാട്രിക് സ്വര്‍ണ മെഡല്‍ നേടിയ ഖദീജ നിസയെയും ഇന്ത്യന്‍ സ്‌കൂള്‍ മാനേജിങ് കമ്മിറ്റി ചെയര്‍പേഴ്‌സന്‍ ഷഹനാസ് അബ്ദുല്‍ ജലീലിനെയും
ഇന്ത്യൻ മീഡിയ ഫോറം ആദരിച്ചപ്പോൾ
റിയാദ്: സൗദി ദേശീയ ഗെയിംസ് ബാഡ്മിൻറണില്‍ ഹാട്രിക് സ്വര്‍ണ മെഡല്‍ നേടിയ ഖദീജ നിസ, റിയാദ് ഇൻറര്‍നാഷനല്‍ ഇന്ത്യന്‍ സ്‌കൂള്‍ മാനേജിങ് കമ്മിറ്റി ചെയര്‍പേഴ്‌സന്‍ ഷഹനാസ് അബ്ദുല്‍ ജലീല്‍ എന്നിവരെ ആദരിച്ചു. റിയാദ് ഇന്ത്യന്‍ മീഡിയ ഫോറം ഓണാഘോഷ പരിപാടി ‘മഹര്‍ജാന്‍ മലയാളം’ പരിപാടിയിലായിരുന്നു ആദരം.
പ്രസിഡൻറ് വി.ജെ. നസ്‌റുദ്ദീന്‍ അധ്യക്ഷത വഹിച്ചു. ഒന്നാമത് ദേശീയ ഗെയിംസ് മുതല്‍ പിന്തുണയും പ്രോത്സാഹനവും നല്‍കി ഒപ്പം നിന്നവരോട് അങ്ങേയറ്റം കടപ്പാടുണ്ടെന്ന് മറുപടി പ്രസംഗത്തില്‍ ഖദീജ നിസ പറഞ്ഞു. ഇന്ത്യന്‍ പ്രവാസി സമൂഹത്തിന്റെ പരിച്‌ഛേദമാണ് ഇൻറര്‍നാഷനല്‍ ഇന്ത്യന്‍ സ്‌കൂളെന്നും എല്ലാവരുടെയും പിന്തുണ ആവശ്യമാണെന്നും ഷഹനാസ് അബ്ദുല്‍ ജലീലും പറഞ്ഞു.
മീഡിയ ഫോറം മുന്‍ ഭാരവാഹികളായ ഷഫീഖ് കിനാലൂര്‍, നൗഫല്‍ പാലക്കാടന്‍, ജയന്‍ കൊടുങ്ങല്ലൂര്‍, നാദിര്‍ഷാ റഹ്മാന്‍ എന്നിവരെ പ്രശംസാപത്രം സമ്മാനിച്ച് ആദരിച്ചു.
മീഡിയ ഫോറം 20-ാം വാര്‍ഷികാഘോഷങ്ങളുടെ ഭാഗമായി സൗദിയിലെ വ്യവസായ, വാണിജ്യ രംഗത്തെ പ്രമുഖരുമായി സഹകരിച്ച് ഒരു വര്‍ഷം നീണ്ടുനില്‍ക്കുന്ന പരിപാടികളാണ് ഒരുക്കിയിട്ടുള്ളത്. ഷംനാദ് കരുനാഗപ്പള്ളി സ്വാഗതവും നൗഫല്‍ പാലക്കാടന്‍ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.