ദമ്മാം: വിരുന്നെത്തുന്ന പുണ്യ റമളാനിന് ഉപഭോക്താക്കൾക്ക് ആകർഷകമായ ഇളവുകളുമായി സൗദി അറേബ്യയിലെ ലുലു ഹൈപ്പർമാർക്കറ്റുകളിൽ 'ലുലു റമദാൻ ബൊക്കെ'ക്ക് തുടക്കമായി. എളുപ്പത്തിൽ തെരഞ്ഞെടുക്കാൻ കഴിയുന്ന പ്രീപാക്കേജ് റമളാൻ കിറ്റുകളാണ് ഇതിൽ പ്രധാനം. യഥാക്രമം 99, 199 റിയാലുകളിലാണ് ഇത് ഒരുക്കിയിട്ടുള്ളത്. കിറ്റുകൾക്ക് പുറമെ, മീറ്റ് ഫെസ്റ്റ്, ഈന്തപ്പഴ ഫെസ്റ്റ്, റമദാൻ രാത്രികളിൽ വിവിധ ആഘോഷങ്ങൾ, മധുര പലഹാരങ്ങൾ, ഡെസേർട്ട് ഫെസ്റ്റിവൽ തുടങ്ങി ആകർഷകമായ പദ്ധതികളാണ് ലുലു ഒരുക്കുന്നത്.
ഉപഭോക്താക്കൾക്ക് മൊത്ത വിലയിൽ പുതിയ പഴങ്ങളും പച്ചക്കറികളും നൽകുന്നതിനായി 'ലുലു സൂഖ് അൽഫവാകീഹ്' ഉം ഒരുക്കിയിട്ടുണ്ട്. റമദാൻ മുഴുവനും 30 വിദേശ പഴങ്ങൾ ആകർഷകമായ വിലയിൽ ഇവിടെ ലഭ്യമാകും. ദുരിതബാധിതർക്ക് ഇഫ്താർ ബോക്സുകൾ വിതരണം ചെയ്യുന്ന സൗദി ഫുഡ് ബാങ്കുമായി സഹകരിച്ച് റമദാൻ ബോക്സ്, ഇഫ്താർ ഭക്ഷണം എന്നിവ ലുലു ഒരുക്കുന്നുണ്ട്. ഉപഭോക്താക്കൾക്ക് 15, 99 റിയാലുകൾക്ക് വാങ്ങാൻ സാധിക്കുന്ന സൗകര്യപ്രദമായ ഫുഡ് പായ്ക്കറ്റുകൾ ഉൾക്കൊള്ളുന്നതാണ് ഇഫ്താർ ബോക്സുകൾ. ക്യാഷ് കൗണ്ടറുകൾ വഴി 15, 99 റിയാലുകൾ ഇതിലേക്ക് സംഭാവന ചെയ്യാനുള്ള അവസരവുമുണ്ട്.
സൗദി ഫുഡ് ബാങ്ക്, ഇഫ്ത്താറിനും അത്താഴത്തിനുമുള്ള ഭക്ഷണങ്ങൾ ലഭിക്കുന്ന കാർഡുകളും ലുലു പുറത്തിറക്കി. 15 റിയാലിന് ഒരു ദിവസത്തേക്കും 150 റിയാലിന് 30 ദിവസത്തേക്കും ഈ കാർഡുകൾ ഉപയോഗപ്പെടുത്താം. കുടുംബത്തിനും സുഹൃത്തുക്കൾക്കും സമ്മാനങ്ങൾ നൽകാൻ ആഗ്രഹിക്കുന്നവർക്ക്, തീം റമദാൻ ബോക്സുകളുടെ മനോഹരമായ രൂപവും ലുലു പുറത്തിറക്കിയിട്ടുണ്ട്. ഉപഭോക്താക്കൾക്ക് അവരുടെ സാധനങ്ങൾ തിരഞ്ഞെടുക്കാനും അവരുടെ ബോക്സുകൾ സൗദി പോസ്റ്റിലൂടെ ലോകത്തെവിടെയും അയയ്‌ക്കാൻ കഴിയും. ഈ സേവനത്തിന് കൊറിയർ ചാർജുകളിൽ 10 ശതമാനം പ്രത്യേക കിഴിവും ലഭ്യമാകും.
കൂടാതെ റിയാദ്, ജിദ്ദ, അൽഖോബാർ എന്നിവിടങ്ങളിലെ ലുലു ഹൈപ്പർമാർക്കറ്റുകളിൽ സൗദി പോസ്റ്റ് ബൂത്ത് ഉണ്ടായിരിക്കും. ഇതിനോടൊപ്പം കീറ്റോ ഡയറ്റ് പോലെയുള്ള പ്രത്യേക ഭക്ഷണരീതികൾ പിന്തുടരുകയോ സസ്യാഹാരം മാത്രം കഴിക്കുന്നവരോ ആണങ്കിൽ അവർക്കായി പ്രത്യേക കീറ്റോ, വെഗൻ ഇഫ്താർ വിഭവങ്ങളും ലുലു ഒരുക്കുന്നുണ്ട്. റമദാനിൽ രുചികരമായ ഭക്ഷണങ്ങൾ തയ്യാറാക്കിക്കൊണ്ട് റമദാൻ രാത്രികൾ ലുലു സജീവമാക്കും. ഷോപ്പിംങ് എളുപ്പവും സൗകര്യപ്രദവുമാക്കുന്നതിനാണ് ഉൽപ്പന്ന ഓഫറുകളും റമദാൻ കിറ്റുകളും ആരംഭിച്ചതെന്ന് സൗദി അറേബ്യയിലെ ലുലു ഹൈപ്പർമാർക്കറ്റ് ഡയറക്ടർ ഷെഹിം മുഹമ്മദ് പറഞ്ഞു. സ്റ്റോറുകളിലെ പ്രമോഷൻ സെക്ഷനുകൾ പൂർണ്ണവും വിശാലവുമാണ്. കൂടാതെ നിരവധി ഉൽപ്പന്നങ്ങൾ വിലക്കിഴിവിൽ ലഭ്യമാകും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.