അൽഖോബാർ: ഈദ് ആഘോഷങ്ങളുടെ ഭാഗമായി മീ-ഫ്രണ്ട് സംഘടിപ്പിക്കുന്ന 'ഫൗരി ഈദ് മെഹ്ഫിൽ 2024 ' ൽ പ്രശസ്ത യുവ ഗായകരായ ദാന റാസിഖ്, സജിലി സലീം, ജാസിം ജമാൽ, ബാദുഷ തുടങ്ങിയവർ മാപ്പിളപ്പാട്ട് ഇശലുകളുമായി മൊഞ്ചു പകരുന്ന സംഗീത രാവുകൾ സമ്മാനിക്കാൻ സൗദിയിലെത്തുന്നു. ദമ്മാം, ജിദ്ദ, റിയാദ് എന്നീ നഗരങ്ങളിലെ ലുലു ഹൈപ്പർ മാർക്കറ്റുകളിലാണ് പരിപാടി അരങ്ങേറുക.
ഏപ്രിൽ 18ന് ലുലുമാൾ ദമ്മാമിലും ഏപ്രിൽ 19ന് ലുലു ജിദ്ദ അൽറവാബിയിലും (കിലോ ഏഴ്) ഏപ്രിൽ 20 ന് ലുലു റിയാദ് മുറബ്ബയിലും വൈകിട്ട് ഏഴ് മണി മുതലായിരിക്കും ഷോ ആരംഭിക്കുക. ഇതിനോടനുബന്ധിച്ച് മെഹന്തി ഫെസ്റ്റിവലും നടക്കുന്നുണ്ട്. ഈദ് മെഹ്ഫിലിനോട് അനുബന്ധിച്ച് ഫാമിലി സെൽഫി മത്സരവും ഉണ്ട്. നിങ്ങളുടെ പ്രിയപ്പെട്ടവരോടൊപ്പമുള്ള പെരുന്നാൾ സെൽഫി ഫേസ്ബുക്ക്, ഇൻസ്റ്റഗ്രാം തുടങ്ങിയ സോഷ്യൽ മീഡിയ പ്ലാറ്റ് ഫോമുകളിൽ #eidmehfil #mefriendapp എന്നീ ഹാഷ്‌ടാഗോടെ @MeFriendApp ൽ ടാഗ് ചെയ്ത് ഫാമിലി സെൽഫി കോണ്ടെസ്റ്റിൽ പങ്കെടുക്കാം.
പങ്കെടുക്കാൻ ആഗ്രഹിക്കുന്ന റീജിയൻ (ദമ്മാം, ജിദ്ദ, റിയാദ്) കമന്റിൽ രേഖപ്പെടുത്താം. ഇന്ന് (ചൊവ്വ) ആണ് സെൽഫി കോണ്ടെസ്റ്റിൽ പങ്കെടുക്കാൻ രജിസ്റ്റർ ചെയ്യേണ്ട അവസാന ദിവസം. ഓരോ റീജിയനിൽ നിന്നും തെരഞ്ഞെടുക്കപ്പെടുന്ന 15 പേർ വീതം ഈദ് മെഹ്ഫിൽ വേദിയിൽ ഫൈനലിൽ മത്സരിക്കും. രജിസ്റ്റർ ചെയ്യുന്നതിനായി നിങ്ങളുടെ മികച്ച മെഹന്ദി ഫോട്ടോ, പേര്, പങ്കെടുക്കുവാൻ ആഗ്രഹിക്കുന്ന സ്ഥലം (ദമ്മാം /ജിദ്ദ / റിയാദ്) എന്നിവ 056 623 7698 എന്ന നമ്പറിലേക്ക് വാട്സാപ്പ് ചെയ്യുക. ഓരോ റീജിയനിൽ നിന്നും തിരഞ്ഞെടുക്കപ്പെട്ട 15 പേർ ഫൈനൽ റൗണ്ടിൽ മത്സരിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.