ജിദ്ദ: ‘ഗൾഫ് മാധ്യമ’വും മീ ഫ്രണ്ട് ആപ്പും ചേർന്ന് ജിദ്ദയിൽ ഈമാസം 24ന് സംഘടിപ്പിക്കുന്ന ‘ഹാർമോണിയസ് കേരള’ മെഗാ ഷോയിലേക്ക് ജിദ്ദയിൽനിന്ന് ഏർപ്പെടുത്തുന്ന ബസ് സർവിസുകളുടെ പിക്കപ് ലൊക്കേഷനുകൾ പ്രഖ്യാപിച്ചു. പരിപാടി അരങ്ങേറുന്ന ഇക്വസ്ട്രിയൻ മൈതാനത്തേക്കുള്ള സൗജന്യ ബസ് സർവിസുകളിൽ യാത്രക്കാരെ കയറ്റുന്ന ഇടങ്ങൾ എവിടെയെല്ലാമെന്ന വിവരമാണ് പുറത്തുവിട്ടത്.
അൽഖുംറ-ക്വാളിറ്റി റസ്റ്റാറൻറ്, സനാഇയ-ടോപ് കോഫി, മഹ്ജർ-പോസ്റ്റ് ഓഫിസ്, ജാമിഅ-അൽജാമിഅ പ്ലാസ, ശറഫിയ ആൻഡ് ബലദ്-തലാൽ സ്‌കൂൾ, റുവൈസ്-ഹൈഫ മാൾ, ഫൈസലിയ-മിനിസ്ട്രി ഓഫ് എജുക്കേഷൻ സ്റ്റേഡിയം, അസീസിയ-മനാറ മാർക്കറ്റ്, ഹിറ സ്ട്രീറ്റ്-ഹിറ ഇൻറർനാഷനൽ മാൾ, ഹംദാനിയ-പാണ്ട ആൻഡ് മഹത്ത ശർഖിയ പെട്രോൾ പമ്പ് എന്നിവിടങ്ങളിൽനിന്നായിരിക്കും ബസ് സർവിസുകൾ ഉണ്ടായിരിക്കുക.
സൗജന്യ സർവിസ് ആവശ്യമുള്ളവർ 0563663766 (ഷാഹിദുൽ ഹഖ്) എന്ന വാട്സ്ആപ് / മൊബൈൽ നമ്പറിൽ ഈ മാസം 22ന് രാത്രി ഒമ്പതിന് മുമ്പ് വിവരം അറിയിച്ച് തങ്ങളുടെ സീറ്റുകൾ ഉറപ്പുവരുത്തണം. ജിദ്ദയിൽ മറ്റേതെങ്കിലും പ്രദേശത്തുനിന്ന് ബസ് സർവിസ് ആവശ്യമുള്ള സംഘങ്ങളോ കൂട്ടായ്മകളോ ഉണ്ടെങ്കിൽ മേൽ കൊടുത്ത നമ്പറിൽ വിളിച്ച് വിവരം അറിയിക്കാവുന്നതാണെന്നും സംഘാടകർ അറിയിച്ചു.
മെഗാഷോയുടെ പ്രവേശന ടിക്കറ്റുകൾ ജിദ്ദയിലെ വിവിധ ഷോപ്പുകളിലും തിരഞ്ഞെടുക്കപ്പെട്ട വ്യക്തികൾ മുഖേനയും ലഭ്യമാണ്. ടിക്കറ്റുകൾ https://ticketzone.me/en/product/46509/ എന്ന വെബ്സൈറ്റ് വഴി ഓൺലൈനിലും ലഭിക്കും. ടിക്കറ്റ് സംബന്ധമായ പൊതു അന്വേഷണങ്ങൾക്ക് 0504507422 എന്ന നമ്പറിലും മറ്റ് അന്വേഷണങ്ങൾക്ക് 0559280320, 0553825662 എന്നീ നമ്പറുകളിലും ബന്ധപ്പെടാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.