തബൂക്ക്‌ കെ.എം.സി.സി, ഒ.ഐ.സി.സി സെൻട്രൽ കമ്മിറ്റികൾ സംയുക്തമായി സംഘടിപ്പിച്ച രാഹുൽ ഗാന്ധി ഐക്യദാർഢ്യം പരിപാടി
തബൂക്ക്‌: ഇന്ത്യയിലെ വർഗീയ ഫാഷിസ്റ്റുകൾക്കെതിരെ ശക്തമായി പോരാടുന്ന രാഹുൽ ഗാന്ധിക്ക്‌ തബൂക്ക്‌ കെ.എം.സി.സി സെൻട്രൽ കമ്മിറ്റിയും ഒ.ഐ.സി.സി സെൻട്രൽ കമ്മിറ്റിയും സംയുക്തമായി ഐക്യദാർഢ്യം പ്രഖ്യാപിച്ചു.
മദീന റോഡിലുള്ള മലബാർ ഓഡിറ്റോറിയത്തിൽ നടന്ന ചടങ്ങിൽ ഇരു സംഘടനകളുടെയും നേതാക്കളും പ്രവർത്തകരും പങ്കെടുത്തു. രാഹുൽ ഗാന്ധിക്ക്‌ പിന്തുണ പ്രഖ്യാപിച്ചുകൊണ്ടുള്ള സത്യവാചകം ഫസൽ എടപ്പറ്റ ചൊല്ലിക്കൊടുത്തു. രാഹുൽ ഗാന്ധിയുടെ ചിത്രങ്ങളുള്ള പ്ലക്കാർഡുകൾ ഉയർത്തി പ്രവർത്തകർ സത്യപ്രതിജ്ഞ ഏറ്റുചൊല്ലി. സമദ്‌ ആഞ്ഞിലങ്ങാടി, ലാലു ശൂരനാട്‌, സിറാജ്‌ കാഞ്ഞിരമുക്ക്‌, നൗഷാദ്‌ കരുനാഗപ്പള്ളി, റിജേഷ്‌ നാരായണൻ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.