റൗദ അൽ മദ്റസത്തുൽ ഇസ്ലാമിയ്യയിൽ നടന്ന സൗദി ദേശീയ ദിനാഘോഷം
റിയാദ്: അൽ മദ്റസത്തുൽ ഇസ്ലാമിയ റൗദ സൗദി ദേശീയദിനം വർണാഭമായി ആഘോഷിച്ചു. സൗദി ദേശീയഗാനത്തോടെ ആരംഭിച്ച പരിപാടി, കുട്ടികളുടെ അസംബ്ലി, മാർച്ച് പാസ്റ്റ്, വ്യത്യസ്തമായ കലാപരിപാടികൾ, സൗദി തനിമ വിളിച്ചോതുന്ന വേഷവിധാനങ്ങൾ എന്നിവയാൽ മികവുറ്റതായി. പ്രധാനാധ്യാപകൻ സിദ്ദീഖ് ജമാൽ അധ്യക്ഷതവഹിച്ചു. മദ്റസ അധ്യാപികമാരായ ഷബീബ അബൂബക്കർ, റഷീഖ എന്നിവർ പരിപാടികൾക്ക് നേതൃത്വം നൽകി.
ദേശീയദിന ക്വിസ് സൗദി ചരിത്രത്തെ കുറിച്ച് കുട്ടികൾക്ക് കൂടുതൽ അറിവും അവബോധവും നേടാൻ സഹായകമായി. മത്സര വിജയികൾക്ക് പി.ടി.എ പ്രസിഡൻറ് റൈജു മുത്തലിബ് സമ്മാനങ്ങൾ നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.