ഷാഫി പറമ്പിലിനെ ഒ.ഐ.സി.സി ഭാരവാഹികൾ ദമ്മാം വിമാനത്താവളത്തിൽ സ്വീകരിക്കുന്നു
ദമ്മാം: സ്വകാര്യ സന്ദർശനത്തിന് സൗദി അറേബ്യയിലെത്തിയ യൂത്ത് കോൺഗ്രസ് സംസ്ഥാന പ്രസിഡന്റ് ഷാഫി പറമ്പിൽ എം.എൽ.എക്ക് കെ.പി.സി.സി നിർവാഹക സമിതിയംഗം അഹമദ് പുളിക്കലിന്റെ നേതൃത്വത്തിൽ ദമ്മാം വിമാനത്താവളത്തിൽ ഒ.ഐ.സി.സി ഭാരവാഹികൾ വരവേൽപ് നൽകി. ഫുട്‍ബാൾ പ്രേമിയും അർജന്റീന ടീം ആരാധകനുമായ ഷാഫി പറമ്പിൽ ലോകകപ്പ് മത്സരങ്ങൾ കാണുന്നതിന് കുടുംബസമേതം ഖത്തറിലെത്തിയശേഷം അവിടെനിന്ന് സൗദിയിലേക്ക് വരുകയായിരുന്നു.
കുടുംബത്തോടൊപ്പം ഉംറ നിർവഹിക്കുന്നതിനാണ് സൗദിയിലെത്തിയത്.ഉംറ നിർവഹണത്തിനുശേഷം കഴിഞ്ഞ ദിവസത്തെ അർജന്റീന മത്സരം കാണുന്നതിനായി ഖത്തറിലേക്ക് മടങ്ങുംവഴിയാണ് ദമ്മാമിലെത്തിയത്. ഒ.ഐ.സി.സി പരിപാടിയിൽ പങ്കെടുക്കുമെന്ന് ഉറപ്പുനൽകിയാണ് ഖത്തറിലേക്ക് മടങ്ങിയത്.
സി. അബ്ദുൽ ഹമീദ്, രമേശ് പാലക്കാട്, ചന്ദ്രമോഹൻ, ഇ.കെ. സലിം, റഫീഖ് കൂട്ടിലങ്ങാടി, നിസാർ മാന്നാർ, എ.കെ. സജൂബ്, സക്കീർ പറമ്പിൽ, ഹമീദ് മരക്കാശ്ശേരി, ഡെന്നിസ് മണിമല, ജി.പി. രാജേഷ്, ബുർഹാൻ ലബ്ബ, ഷിജില ഹമീദ്, ഹുസ്‌ന ആസിഫ്, അർച്ചന അഭിഷേക്, ആസിഫ് താനൂർ, അഷ്റഫ് കാഞ്ഞിരക്കുന്നൻ, ഷൈൻ എന്നിവർ ഷാഫി പറമ്പിലിനെ സ്വീകരിക്കാൻ ദമ്മാം വിമാനത്താവളത്തിൽ എത്തിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.