റിയാദ്: പൊടുന്നനെ ഉണ്ടാകുന്ന ദുരന്തങ്ങളുടെ സമയത്ത് തളർന്നു പകച്ചുനിൽക്കാതെ സഹജീവികളെ ചേർത്തുപിടിക്കാനും മറ്റുള്ളവർക്ക് സാധ്യമാകുന്ന വിധത്തിൽ അത്താണിയാവാനുമാണ് നമ്മൾ ശ്രദ്ധിക്കേണ്ടതെന്ന്
ഇന്ത്യൻ കൾചറൽ ഫൗണ്ടേഷൻ (ഐ.സി.എഫ്) പ്രസിഡൻറ് മുഹമ്മദ് കുട്ടി സഖാഫി ഒളമതിൽ പറഞ്ഞു. വയനാട്ടിലെ പ്രകൃതി ദുരന്തത്തിൽ അകപ്പെട്ടവർക്കും രക്ഷാപ്രവർത്തനങ്ങളിൽ ഏർപ്പെട്ടവർക്കും വേണ്ടിയുള്ള പ്രാർഥന സംഗമത്തിന് നേതൃത്വം കൊടുത്ത് സംസാരിക്കുകയായിരുന്നു അദ്ദേഹം.
അപകടകരമായ ഈ സമയത്ത് എല്ലാവരും നിതാന്ത ജാഗ്രത പാലിക്കണമെന്നും അദ്ദേഹം കൂട്ടിച്ചേർത്തു. ബത്ഹ അൽമാസ് ഓഡിറ്റോറിയത്തിൽ നടന്ന സംഗമത്തിൽ സെക്രട്ടറി അബ്ദുൽ മജിദ് താനാളൂർ, ഫിനാൻസ് സെക്രട്ടറി ഷമീർ രണ്ടത്താണി, ദഅവ പ്രസിഡൻറ് അബ്ദുറഹ്മാൻ സഖാഫി എന്നിവരും സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.