റി​യാ​ദ്​-​തി​രു​വ​ന​ന്ത​പു​രം വി​മാ​ന​ സ​ർ​വി​സ്​; ജി.​എം.​എ​ഫ്​ സ്വാ​ഗ​തം ചെ​യ്​​തു

റി​യാ​ദ്: നേ​രി​ട്ട് വി​മാ​ന സ​ർ​വി​സി​ല്ലാ​തെ പ്ര​യാ​സം നേ​രി​ടു​ന്ന തി​രു​വ​ന​ന്ത​പു​രം-​റി​യാ​ദ്​ സെ​ക്​​ട​റി​ലെ യാ​ത്ര​ക്കാ​രാ​യ പ്ര​വാ​സി​ക​ൾ​ക്ക് ആ​ശ്വാ​സ​മാ​യി എ​യ​ർ ഇ​ന്ത്യ എ​ക്​​സ്​​പ്ര​സ്​ സ​ർ​വി​സ്​ ആ​രം​ഭി​ക്കു​ന്ന​തി​നെ ​ഗ​ൾ​ഫ് മ​ല​യാ​ളി ഫെ​ഡ​റേ​ഷ​ൻ (ജി.​എം.​എ​ഫ്) സ്വാ​ഗ​തം ചെ​യ്​​തു.

ഏ​റെ​ക്കാ​ല​മാ​യി കാ​ത്തി​രു​ന്ന ഒ​രു തീ​രു​മാ​ന​മാ​ണി​തെ​ന്നും വ​ലി​യ ആ​ശ്വാ​സ​വും ആ​ഹ്ലാ​ദ​ക​ര​വു​മാ​ണ്. കു​ട്ടി​ക​ള​ട​ക്ക​മു​ള്ള കു​ടും​ബ​ങ്ങ​ൾ​ക്ക്​ മാ​ത്ര​മ​ല്ല കി​ട​പ്പു​രോ​ഗി​ക​ളാ​യ പ്ര​വാ​സി​ക​ൾ​ക്ക്​ പോ​ലും അ​ടി​യ​ന്ത​ര​മാ​യി നാ​ട്ടി​ലെ​ത്താ​ൻ ക​ഴി​യാ​ത്ത വി​ധം ബു​ദ്ധി​മു​ട്ട്​ നേ​രി​ടു​ന്ന അ​വ​സ്ഥ​യാ​ണ്​ നി​ല​വി​ലു​ള്ള​ത്.

റി​യാ​ദി​ൽ നി​ന്നു​ള്ള​വ​ർ നെ​ടു​മ്പാ​ശ്ശേ​രി​യെ​യാ​ണ്​ ആ​ശ്ര​യി​ച്ചി​രു​ന്ന​ത്. ഈ ​ദു​സ്ഥി​തി​ക്ക്​ പ​രി​ഹാ​രം തേ​ടി ഗ​ൾ​ഫ് മ​ല​യാ​ളി ഫെ​ഡ​റേ​ഷ​ൻ എ​യ​ർ ഇ​ന്ത്യ അ​തോ​റി​റ്റി​ക്കും ​വ്യോമ​യാ​ന വ​കു​പ്പ് മ​ന്ത്രി​ക്കും ഇ​ന്ത്യ​ൻ പ്ര​ധാ​ന​മ​ന്ത്രി​ക്കും വി​ദേ​ശ​കാ​ര്യ മ​ന്ത്രി​ക്കും കേ​ര​ളാ മു​ഖ്യ​മ​ന്ത്രി​ക്കും കേ​ര​ള​ത്തി​ൽ​നി​ന്നു​ള്ള 20 എം.​പി​മാ​ർ​ക്കും ഗ​വ​ർ​ണ​ർ​ക്കും ക​ത്തു​ക​ൾ അ​യ​ക്കു​ക​യും നി​വേ​ദ​നം നേ​രി​ട്ട് എ​ത്തി​ക്കു​ക​യും ചെ​യ്തി​രു​ന്ന​താ​യും വാ​ർ​ത്താ​ക്കു​റി​പ്പി​ൽ പ​റ​ഞ്ഞു.

പ​ല​പ്പോ​ഴും എ​യ​ർ ഇ​ന്ത്യ ഉ​ൾ​പ്പെ​ടെ​യു​ള്ള വി​മാ​ന​ക​മ്പ​നി​ക​ൾ റി​യാ​ദ് എ​യ​ർ​പോ​ർ​ട്ടി​ലെ ടെ​ർ​മി​ന​ലു​ക​ളു​ടെ പ​ണി ന​ട​ക്കു​ന്ന​തു​കൊ​ണ്ട് ഷെ​ഡ്യൂ​ൾ കി​ട്ടാ​ത്ത​താ​ണ് നേ​രി​ട്ട്​ വി​മാ​ന​സ​ർ​വി​സ്​ ആ​രം​ഭി​ക്കാ​ൻ ത​ട​സ്സ​മെ​ന്ന്​ അ​റി​യി​ക്കു​ക​യു​ണ്ടാ​യി.

ആ​ഴ്ച​യി​ൽ ഏ​ഴു​ദി​വ​സ​വും റി​യാ​ദി​ൽ​നി​ന്ന്​ കോ​ഴി​ക്കോ​​ട്ടേ​ക്ക് എ​യ​ർ ഇ​ന്ത്യ എ​ക്​​സ്​​പ്ര​സ്​ സ​ർ​വി​സ്​ ന​ട​ത്തു​ന്നു​ണ്ട്. ആ​ഴ്​​ച​യി​ൽ ര​ണ്ടു ദി​വ​സ​മെ​ങ്കി​ലും തി​രു​വ​ന​ന്ത​പു​ര​ത്തേ​ക്ക് സ​ർ​വി​സ്​ ന​ട​ത്ത​ണ​മെ​ന്ന്​ ആ​വ​ശ്യ​പ്പെ​ട്ട്​ എ​യ​ർ ഇ​ന്ത്യ അ​തോ​റി​റ്റി​ക്ക് നേ​രി​ട്ട് നി​വേ​ദ​നം ന​ൽ​കു​ക​യാ​യി​രു​ന്നു. മ​റ്റു​ പ​ല സം​ഘ​ട​ന​ക​ളും ഇ​തേ ആ​വ​ശ്യ​മു​ന്ന​യി​ച്ച്​ അ​ധി​കാ​രി​ക​ളെ സ​മീ​പി​ച്ചി​രു​ന്നു.

എ​യ​ർ ഇ​ന്ത്യ പ്ര​തി​നി​ധി ഡോ. ​അ​ങ്കൂ​റി​നെ നേ​രി​ട്ടു​​ക​ണ്ട്​ ഗ​ൾ​ഫ് മ​ല​യാ​ളി ഫെ​ഡ​റേ​ഷ​ൻ ചെ​യ​ർ​മാ​ൻ റാ​ഫി പാ​ങ്ങോ​ട് നി​വേ​ദ​നം ന​ൽ​കി​യി​രു​ന്നു. മ​റ്റ്​ വി​മാ​ന​ക​മ്പ​നി​ക​ളും റി​യാ​ദ്​ എ​യ​ർ​പോ​ർ​ട്ടി​ലെ ടെ​ർ​മി​ന​ലു​ക​ളു​ടെ പ​ണി ക​ഴി​ഞ്ഞാ​ൽ തി​രു​വ​ന​ന്ത​പു​രം സെ​ക്​​ട​റി​ൽ സ​ർ​വി​സ്​ തു​ട​ങ്ങു​മെ​ന്ന്​ അ​റി​യി​ച്ചി​രു​ന്നു. അ​തി​നാ​യും കാ​ത്തി​രി​ക്കു​ക​യാ​ണെ​ന്നും പ്ര​സ്​​താ​വ​ന​യി​ൽ പ​റ​ഞ്ഞു.