സുഡാനിലേക്കുള്ള ദുരിതാശ്വാസ സാധനങ്ങളുമായി റിയാദിൽനിന്നും പുറപ്പെടാനൊരുങ്ങുന്ന വിമാനം
ജിദ്ദ: സുഡാനിലെ ആഭ്യന്തര പ്രശ്നങ്ങൾ കാരണം പ്രയാസങ്ങൾ അനുഭവിക്കുന്ന ജനതക്ക് സഹായം എത്തിച്ചുനൽകാനായി സൗദി അറേബ്യ ആരംഭിച്ച സഹായ പദ്ധതിയിൽ ഇതിനോടകം 1.3 കോടി റിയാൽ ലഭിച്ചു.
സൗദി ഭരണാധികാരി സൽമാൻ രാജാവിന്റെയും കിരീടാവകാശിയും പ്രധാനമന്ത്രിയുമായ അമീർ മുഹമ്മദ് ബിൻ സൽമാന്റെയും നിർദേശപ്രകാരം കിങ് സൽമാൻ സെന്റർ ഫോർ റിലീഫ് ആൻഡ് ഹ്യൂമാനിറ്റേറിയൻ ആക്ഷൻ നടത്തുന്ന സൗദി റിലീഫ് എയർ ബ്രിഡ്ജിന്റെ ഭാഗമായി നടക്കുന്ന ജനകീയ കാമ്പയിൻ വഴിയാണ് ഇത്രയും തുക സ്വരൂപിച്ചത്.
56,000ത്തിലധികം ആളുകളാണ്‌ ഇതുവരെ കാമ്പയിനിൽ പങ്കെടുത്തത്. സഹീം പ്ലാറ്റ്‌ഫോം വഴിയോ ഏകീകൃത ബാങ്ക് അക്കൗണ്ട് വഴിയോ ആണ് പദ്ധതിയിലേക്ക് സംഭാവന സ്വീകരിക്കുന്നത്. അതിനിടെ ഭക്ഷണ, പാർപ്പിട, മെഡിക്കൽ സാമഗ്രികളുമായി റിയാദിൽനിന്നുള്ള അഞ്ച് ദുരിതാശ്വാസ വിമാനങ്ങൾ സുഡാനിലെത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.