റിയാദ്: സൗദിയിൽ പുതിയ കോവിഡ് കേസുകൾ വീണ്ടും ഉയരുന്നു. കഴിഞ്ഞ 24 മണിക്കൂറിനിടെ 630 പേർക്കാണ് രോഗം സ്ഥിരീകരിച്ചത്. നിലവിലെ രോഗബാധിതരിൽ 406 പേർ കൂടി സുഖം പ്രാപിച്ചു. രണ്ട് മരണവും റിപ്പോർട്ട് ചെയ്തു.
ഇതുവരെ രാജ്യത്ത് റിപ്പോർട്ട് ചെയ്യപ്പെട്ട ആകെ കോവിഡ് കേസുകളുടെ എണ്ണം 7,59,856 ഉം രോഗമുക്തരുടെ എണ്ണം 7,44,327 ഉം ആയി. രാജ്യത്തെ ആകെ മരണം 9,118 ആയി തുടരുന്നു. നിലവിൽ 6,411 പേർ രോഗം ബാധിച്ച് ചികിത്സയിലുണ്ട്. ഇവരിൽ 64 പേർ ഗുരുതരാവസ്ഥയിലാണ്. ഇവർ രാജ്യത്തെ വിവിധ ആശുപത്രി തീവ്രപരിചരണ വിഭാഗത്തിൽ ചികിത്സയിൽ തുടരുന്നു.
സൗദിയിൽ നിലവിലെ കോവിഡ് മുക്തിനിരക്ക് 97.98 ശതമാനവും മരണനിരക്ക് 1.20 ശതമാനവുമാണ്. രാജ്യത്തെ പ്രധാന നഗരങ്ങളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: ജിദ്ദ 153, റിയാദ് 130, മക്ക 78, മദീന 46, ദമ്മാം 28, ത്വാഇഫ് 24, ജീസാൻ 24, അബഹ 15, അൽബാഹ 12, ബുറൈദ 6, തബൂക് 5, അബൂ അരീഷ് 5, ബൽ ജുറൈഷി 5, ഖമീസ് മുശൈത്ത് 4, ഖോബാർ 4, ഹുഫൂഫ് 4, യാംബു 4, ഉനൈസ 4, മഖ്വ 4, ബീഷ 4, ഹാഇൽ 3, ജുബൈൽ 3, ഖർജ് 3, ഖുലൈസ് 2, അഹദ് റുഫൈദ 2, അറാർ 2, നജ്റാൻ 2, അഫീഫ് 2, അൽറസ് 2, ഖത്വീഫ് 2, ദഹ്റാൻ 2, മഹായിൽ 2, കാമിൽ 2, സാംത 2, സബ്യ 2, തുർബ 2, അൽഉല 2, വാദി ദവാസിർ 2.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.