സംഗീത സാന്ദ്രമായി രാവുകൾ: മൂന്നാമത്​ ദമ്മാം മ്യൂസിക്​ ഫോറം​ സമാപിച്ചു

ദ​മ്മാം: സാ​ന്ദ്ര​സം​ഗീ​ത​ത്തി​ന്‍റെ മാ​സ്മ​രി​ക​ത​യി​ൽ അ​ലി​ഞ്ഞു ചേ​ർ​ന്ന ര​ണ്ടു​ ദി​വ​സം നീ​ണ്ട സം​ഗീ​ത​സം​ഗ​മ​ത്തി​ന്​ സ​മാ​പ​നം. ദ​മ്മാ​മി​ലെ അ​സോ​സി​യേ​ഷ​ൻ ഓ​ഫ് ക​ൾ​ച​ർ ആ​ൻ​ഡ് ആ​ർ​ട്‌​സ്​ സെ​ന്‍റ​റി​ന്‍റെ സം​ഗീ​ത​വി​ഭാ​ഗം ര​ണ്ടു ദി​വ​സ​ങ്ങ​ളി​ലാ​യി സം​ഘ​ടി​പ്പി​ച്ച മ്യൂ​സി​ക്​ ഫോ​റം ഞാ​യ​റാ​ഴ്ച രാ​ത്രി സ​മാ​പി​ച്ചു. മ്യൂ​സി​ക്​ ഫോ​റ​ത്തി​ന്‍റെ മൂ​ന്നാ​മ​ത്തെ എ​ഡി​ഷ​നാ​ണ്​ അ​ര​ങ്ങേ​റി​യ​ത്.

സൗ​ദി​യി​ലെ അ​തി​പ്ര​ശ​സ്ത സം​ഗീ​ത​ജ്ഞ​രു​ടെ പ്ര​ക​ട​ന​ങ്ങ​ളും സം​ഗീ​ത​സം​ബ​ന്ധ​മാ​യ പ​ഠ​ന​ങ്ങ​ളും ച​ർ​ച്ച​ക​ളും ഉ​ൾ​പ്പെ​ടെ അ​തീ​വ ഹൃ​ദ്യ​വും ഒ​പ്പം ഗൗ​ര​വ​വു​മാ​ർ​ന്ന ര​ണ്ടു​ രാ​വു​ക​ളാ​ണ്​ ക​ട​ന്നു​പോ​യ​ത്. സൗ​ദി​യു​ടെ സം​സ്കാ​ര​വും പാ​ര​മ്പ​ര്യ​വും പേ​റു​ന്ന സം​ഗീ​ത​ങ്ങ​ളെ പ്രോ​ത്സാ​ഹി​പ്പി​ക്കു​ക​യും നി​ല​നി​ർ​ത്തു​ക​യും ആ​സ്വ​ദി​ക്കു​ക​യു​മാ​ണ്​ ​ മ്യൂ​സി​ക്​ ഫോ​റം ല​ക്ഷ്യ​മി​ടു​ന്ന​ത്. ഫോ​റ​ത്തി​ൽ ഡോ. ​അ​ലി അ​ൽ റു​ബാ​യ് 'സ​മൂ​ഹ​ത്തി​ലെ സം​ഗീ​ത സം​സ്കാ​ര​ത്തി​ന്റെ പ്രാ​ധാ​ന്യം' വി​ഷ​യ​ത്തി​ൽ പ്ര​ബ​ന്ധം അ​വ​ത​രി​പ്പി​ച്ചു. കാ​ലം സാ​മൂ​ഹി​ക ജീ​വി​ത​ത്തി​ൽ വ​രു​ത്തി​യ വ്യ​ത്യാ​സ​ങ്ങ​ളെ​ക്കു​റി​ച്ചും സം​ഗീ​ത​ത്തെ​ക്കു​റി​ച്ചു​മു​ള്ള വീ​ക്ഷ​ണ വ്യ​ത്യാ​സ​ങ്ങ​ളും തി​ര​സ്ക​ര​ണ​ത്തി​നും സ്വീ​കാ​ര്യ​ത​ക്കും ഇ​ട​യി​ൽ സം​ഗീ​ത​ത്തി​ന്റെ പ്രാ​ധാ​ന്യ​വും വി​ശ​ദീ​ക​രി​ക്ക​പ്പെ​ട്ടു.

തു​ട​ർ​ന്ന് സം​ഗീ​ത​സം​വി​ധാ​യ​ക​നും ക​ലാ​കാ​ര​നു​മാ​യ അ​ബ്ദു​റ​ഹ്മാ​ൻ അ​ൽ-​ഷു​മ​ർ ത​ന്‍റെ സം​ഗീ​ത​ജീ​വി​താ​നു​ഭ​വ​ങ്ങ​ൾ സ​ദ​സ്സു​മാ​യി പ​ങ്കു​വെ​ച്ചു. പു​തി​യ ഈ​ണ​ങ്ങ​ൾ പി​റ​ക്കു​ന്ന​തും അ​ത്​ മ​നു​ഷ്യ​നെ സ്വാ​ധീ​നി​ക്കു​ന്ന​തി​നെ​ക്കു​റി​ച്ചും അ​ദ്ദേ​ഹം വി​ശ​ദീ​ക​രി​ച്ചു. ഒ​പ്പം അ​ദ്ദേ​ഹം ത​യാ​റാ​ക്കി​യ മ​നോ​ഹ​ര​മാ​യ ഗാ​ന​ങ്ങ​ളും ആ​ല​പി​ക്ക​പ്പെ​ട്ടു. സൗ​ദി​യു​ടെ പാ​ര​മ്പ​ര്യ സം​ഗീ​ത​ത്തെ​ക്കു​റി​ച്ചും അ​വ ശേ​ഖ​രി​ക്കേ​ണ്ട പ്രാ​ധാ​ന്യ​ത്തെ​ക്കു​റി​ച്ചും ആ​ർ​ട്ടി​സ്റ്റ് ഹ​സ്സ​ൻ ഇ​സ്‌​ക​ന്ദ​റാ​ണി പ്ര​ബ​ന്ധം അ​വ​ത​രി​പ്പി​ച്ചു. തു​ട​ർ​ന്ന്​ ആ​ർ​ട്ടി​സ്റ്റ് ഖാ​ലി​ദ് ഇ​ബ്രാ​ഹിം​ ഗാ​ന​ങ്ങ​ളു​മാ​യി എ​ത്തി. തു​ട​ർ​ന്ന് ഇ​മാ​ദ് മു​ഹ​മ്മ​ദ് എ​ന്ന ക​വി അ​ദ്ദേ​ഹ​ത്തി​ന്റെ ഗാ​ന​ര​ച​ന​ക​ൾ അ​വ​ത​രി​പ്പി​ച്ചു. ശേ​ഷം വേ​വ് ഗ്രൂ​പ് ക​ലാ​കാ​ര​ന്മാ​രാ​യ യാ​സ​ൻ ഗി​ത്താ​റി​ൽ അ​തി​മ​നോ​ഹ​ര​മാ​യ ഗാ​ന​ങ്ങ​ൾ ആ​ല​പി​ച്ചു. ഇ​ബ്രാ​ഹി​മും അ​ബ്ദു​ല്ല അം​ജ​ദും ക​ലാ​കാ​ര​ന്മാ​രാ​യ അ​മി​ൻ ഷെ​ഹാ​ദേ​യു​ടെ പി​യാ​നോ​യു​ടെ അ​ക​മ്പ​ടി​യോ​ടെ പി​യാ​നോ​യി​ൽ സോ​ളോ അ​വ​ത​രി​പ്പി​ച്ചു. സാ​ക്‌​സോ​ഫോ​ണി​ൽ അ​ഹ​മ്മ​ദ് ഷേ​ക്ക​ർ, ഔ​ഡി​ൽ ഹി​ലാ​ൽ ഹു​സൈ​ൻ, വ​യ​ലി​നി​ൽ മു​ഹ​മ്മ​ദ് അ​ൽ-​ഷ​റ​ഫി, സാ​മി അ​ൽ ഒ​വൈ​സ്. കീ​ബോ​ർ​ഡ്, കൂ​ടാ​തെ ആ​ർ​ട്ടി​സ്റ്റ് അ​ലി അ​ൽ-​ഈ​ദ് ഔ​ഡി​ലും ഗാ​ന​ങ്ങ​ൾ അ​വ​ത​രി​പ്പി​ച്ചു.

സം​ഗീ​ത​ത്തി​ന്‍റെ മാ​സ്മ​രി​ക നാ​ദ​വീ​ചി​ക​ൾ നി​റ​ഞ്ഞ​തോ​ടെ സ​ദ​സ്സ്​ ആ​ടി​യും പാ​ടി​യും ഒ​പ്പം കൂ​ടി. തു​ട​ർ​ന്ന് മ്യൂ​സി​ക്​​ഫോ​റ​ത്തി​ന്​ സ​മാ​പ​നം​കു​റി​ച്ച് സ്​​സ്ക ഡ​യ​റ​ക്ട​ർ യൂ​സു​ഫ്​ അ​ലി ഹ​ർ​ബി സം​സാ​രി​ച്ചു.