സൗദിയിൽ മൂന്നു പതിറ്റാണ്ട് പിന്നിട്ട പ്രവാസികളെ ആദരിക്കാൻ കെ.എം.സി.സി അൽഖർജ് ടൗൺ കമ്മിറ്റി സംഘടിപ്പിച്ച പരിപാടി
റിയാദ്: സൗദിയിൽ മൂന്നു പതിറ്റാണ്ട് പിന്നിട്ട പ്രവാസികളെ കെ.എം.സി.സി അൽഖർജ് ടൗൺ കമ്മിറ്റി ആദരിച്ചു. തൊയ്ബ റസ്റ്റാറന്റിന്റെ സഹകരണത്തോടെ ‘പ്രവാസി മൂപ്പന്മാർക്കൊപ്പം ഒരത്താഴം’എന്ന ശീർഷകത്തിൽ നടന്ന പരിപാടിയിൽ നൂറോളം പ്രവാസികൾക്കാണ് പ്രശസ്തിപത്രം നൽകിയത്.
സമൂഹത്തിന്റെ നാനാതുറകളിൽനിന്നുള്ളവർ പങ്കെടുത്തു. കേരളത്തിന്റെ സർവ പുരോഗതിയിലും ഗൾഫ്നാടുകൾ വഹിച്ച പങ്ക് ഏറെ വലുതാണെന്നും കുടുംബത്തിനുവേണ്ടി ഏറെ അധ്വാനിച്ച നമ്മൾ ആരോഗ്യം ക്ഷയിക്കുന്നതിനു മുമ്പായി ഒരു തുക തന്റെ വാർധക്യകാലത്തേക്ക് മാറ്റിവെക്കേണ്ടതുണ്ടെന്നും സൗദി കെ.എം.സി.സി നാഷനൽ കമ്മിറ്റി കൗൺസിലർ മുഹമ്മദലി പാങ് അഭിപ്രായപ്പെട്ടു.
തൊയ്ബ മാനേജിങ് ഡയറക്ടർ നൂറുദ്ദീൻ കൊളത്തൂർ, ഡോ. നാസർ, ഷബീബ് കൊണ്ടോട്ടി, ഹമീദ് കൊളത്തൂർ, ഇക്ബാൽ അരീക്കാടൻ, ഷാഫി, ബഷീർ ഫവാരിസ് എന്നിവർ സംസാരിച്ചു. ഹബീബ് കോട്ടോപ്പാടം, സലീം മാണിതൊടി, മൻസൂർ മഞ്ചേരി, ഫസ്‌ലു ബീമാപ്പള്ളി തുടങ്ങിയവർ ഗാനം ആലപിച്ചു. റൗഫൽ കുനിയിൽ, സിദ്ദീഖ് പാങ്, സക്കീർ തലക്കുളത്തൂർ, സമീർ പാറമ്മൽ, ഇക്ബാൽ ചേരനാണ്ടി, നൗഷാദ് സാറ്റെക്സ്, ടി.പി. ഫൈസൽ, ഹമീദ് പാടൂർ, വി.പി. അമീർ, സാബിത് കൊടക്കാട്, സിദ്ദീഖ് കണ്ണംവെട്ടിക്കാവ്, അബൂബക്കർ തൊയ്ബ, സകീർ കാട്ടാച്ചിറ, നൗഷാദ് തൊയ്ബ, സർജാസ് തുടങ്ങിയവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.