ദു​ബൈ​യി​ൽ മ​ല​യാ​ളി​യെ കാ​ണാ​നി​ല്ലെ​ന്ന്​ പ​രാ​തി

ദു​ബൈ: തി​രു​വ​ന​ന്ത​പു​രം സ്വ​ദേ​ശി​യാ​യ യു​വാ​വി​നെ 40 ദി​വ​സ​ത്തി​ലേ​റെ​യാ​യി ദു​ബൈ​യി​ൽ കാ​ണാ​നി​ല്ലെ​ന്ന് പ​രാ​തി. നെ​ല്ലി​മു​ക്ക് സ്വ​ദേ​ശി ജി​തി​നെ​യാ​ണ് ക​ഴി​ഞ്ഞ ഏ​പ്രി​ൽ എ​ട്ട് മു​ത​ൽ കാ​ണാ​താ​യ​ത്. മ​ക​നെ ക​ണ്ടെ​ത്താ​ൻ സ​ഹാ​യി​ക്ക​ണ​മെ​ന്നാ​വ​ശ്യ​പ്പെ​ട്ട് മാ​താ​വ് നാ​ട്ടി​ൽ​നി​ന്ന് അ​ധി​കൃ​ത​ർ​ക്ക്​ പ​രാ​തി ന​ൽ​കി.

2018 മു​ത​ൽ ദു​ബൈ​യി​ലെ ഒ​രു ആം​ബു​ല​ൻ​സ് സ​ർ​വി​സ് ക​മ്പ​നി​യി​ൽ ഇ.​എ​ൻ.​ടി വി​ഭാ​ഗം ജീ​വ​ന​ക്കാ​ര​നാ​യി​രു​ന്നു ജി​തി​ൻ. കോ​വി​ഡ് കാ​ല​ത്ത് ജോ​ലി ന​ഷ്ട​പ്പെ​ട്ട് തൊ​ഴി​ല​ന്വേ​ഷ​ണ​ത്തി​ലാ​യി​രു​ന്നു ഇ​ദ്ദേ​ഹ​മെ​ന്ന് കു​ടും​ബം പ​റ​യു​ന്നു. ജോ​ലി​യി​ല്ലാ​ത്ത​തി​നാ​ൽ ഈ​വ​ർ​ഷം മാ​ർ​ച്ചി​ൽ ഇ​ദ്ദേ​ഹ​ത്തി​ന്‍റെ വി​സാ കാ​ലാ​വ​ധി ക​ഴി​ഞ്ഞി​രു​ന്നു. അ​ടു​ത്ത​മാ​സം മു​ത​ലാ​ണ് ജി​തി​നെ​ക്കു​റി​ച്ച് വി​വ​ര​മി​ല്ലാ​താ​യ​തെ​ന്ന് മാ​താ​വ് ശോ​ഭ അ​ധി​കൃ​ത​ർ​ക്ക് ന​ൽ​കി​യ പ​രാ​തി​യി​ൽ പ​റ​യു​ന്നു.

മ​ക​നെ ക​ണ്ടെ​ത്താ​ൻ സ​ഹാ​യി​ക്ക​ണ​മെ​ന്നാ​വ​ശ്യ​പ്പെ​ട്ട് നാ​ട്ടി​ലു​ള്ള കു​ടും​ബം നോ​ർ​ക്ക​യി​ലും ശ​ശി ത​രൂ​ർ എം.​പി​ക്കും പ​രാ​തി ന​ൽ​കി​യി​ട്ടു​ണ്ട്. വി​സ കാ​ലാ​വ​ധി തീ​ർ​ന്ന് അ​ന​ധി​കൃ​ത താ​മ​സ​ക്കാ​ര​നാ​യ​തി​ന്‍റെ പേ​രി​ൽ ജി​തി​ൻ പി​ടി​യി​ലാ​യ​താ​ണോ എ​ന്ന ആ​ശ​ങ്ക​യും കു​ടും​ബ​ത്തി​നു​ണ്ട്.