ദേ​ര ക്ലോ​ക്ക്​ ട​വ​ർ ന​വീ​ക​ര​ണം പു​രോ​ഗ​മി​ക്കു​ന്നു

ദു​ബൈ: ന​ഗ​ര​ത്തി​ന്‍റെ വ​ള​ർ​ച്ച​ക്ക്​ നി​ശ്ശ​ബ്​​ദ​സാ​ക്ഷി​യാ​യ ച​രി​ത്ര​പ്ര​സി​ദ്ധ​മാ​യ ദേ​ര ക്ലോ​ക്ക്​ ട​വ​റി​ന്‍റെ ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ പു​രോ​ഗ​മി​ക്കു​ന്നു. ദു​ബൈ​യു​ടെ ഭാ​വി സാ​മ്പ​ത്തി​ക, ന​ഗ​ര​വി​ക​സ​ന പ​ദ്ധ​തി​ക​ളു​ടെ ചു​വ​ടു​പി​ടി​ച്ചാ​ണ്​ ന​വീ​ക​ര​ണം ആ​രം​ഭി​ച്ച​ത്. മേ​യി​ലാ​ണ്​ നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്ക്​ തു​ട​ക്ക​മാ​യ​ത്. ​ക്ലോ​ക്ക്​ ട​വ​റി​ന്‍റെ ന​വീ​ക​ര​ണം പൂ​ർ​ത്തി​യാ​യി​ട്ടു​ണ്ട്. ​നി​ല​വി​ൽ ട​വ​റി​ന്​ ചു​റ്റു​മു​ള്ള റൗ​ണ്ട്​ എ​ബൗ​ട്ടി​ന്‍റെ പ്ര​വ​ർ​ത്ത​ന​ങ്ങ​ളാ​ണ്​ ന​ട​ക്കു​ന്ന​ത്. പൂ​ന്തോ​ട്ടം മ​നോ​ഹ​ര​മാ​ക്ക​ൽ, നി​ല​ത്ത്​ പു​തി​യ ക​ല്ലു​ക​ൾ പ​തി​ക്ക​ൽ, ബ​ഹു​വ​ർ​ണ വെ​ളി​ച്ച സം​വി​ധാ​നം ഒ​രു​ക്ക​ൽ, ഫൗ​ണ്ടേ​ഷ​ൻ പു​തു​ക്ക​ൽ എ​ന്നി​വ​യാ​ണ്​ ഇ​നി പൂ​ർ​ത്തി​യാ​ക്കാ​നു​ള്ള​ത്. ദു​ബൈ മു​നി​സി​പ്പാ​ലി​റ്റി​യു​ടെ മേ​ൽ​നോ​ട്ട​ത്തി​ലാ​ണ്​ നി​ർ​മാ​ണ പ്ര​വ​ർ​ത്ത​ന​ങ്ങ​ൾ ന​ട​ക്കു​ന്ന​ത്.1963ൽ ​നി​ർ​മി​ത​മാ​യ ക്ലോ​ക്ക്​ ട​വ​ർ ഉ​മ്മു ഹു​റൈ​ർ സ്​​ട്രീ​റ്റി​നും ആ​ൽ മ​ക്​​തൂം സ്​​ട്രീ​റ്റി​നും ഇ​ട​യി​ലെ ക​വ​ല​യി​ലാ​ണ്​ സ്ഥി​തി​ചെ​യ്യു​ന്ന​ത്. ന​ഗ​ര​ത്തി​ലെ പ്ര​ധാ​ന ലാ​ൻ​ഡ്​​മാ​ർ​ക്കു​ക​ളെ​ല്ലാം ന​വീ​ക​രി​ക്കു​ന്ന​തി​ന്‍റെ ഭാ​ഗ​മാ​യാ​ണ്​ ​ക്ലോ​ക്ക്​ ട​വ​റി​നും പു​തു​മോ​ടി വ​രു​ത്തു​ന്ന​തെ​ന്ന്​ ദു​ബൈ മു​നി​സി​പ്പാ​ലി​റ്റി ഡ​യ​റ​ക്ട​ർ ജ​ന​റ​ൽ ദാ​വൂ​ദ്​ അ​ൽ ഹ​ജ്​​രി പ​റ​ഞ്ഞു.

Tags:    
News Summary - Deira Clock Tower renovation in progress

വായനക്കാരുടെ അഭിപ്രായങ്ങള്‍ അവരുടേത്​ മാത്രമാണ്​, മാധ്യമത്തി​േൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്​പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്​. അത്തരം പ്രതികരണങ്ങൾ നിയമനടപടി നേരിടേണ്ടി വരും.

access_time 2024-10-20 07:01 GMT