ഷൗക്കത്തലി ദീവയുടെ നുജൂം ഇന്റേണൽ എക്സലൻസ്
അവാർഡ് സ്വീകരിക്കുന്നു
ദുബൈ: ഔദ്യോഗിക കൃത്യനിർവഹണത്തിലെ മികച്ച പ്രകടനത്തിന് ദുബൈ ഇലക്ട്രിസിറ്റി ആൻഡ് വാട്ടർ അതോറിറ്റി (ദീവ) യുടെ ഈ വർഷത്തെ നുജൂം ഇന്റേണൽ എക്സലൻസ് അവാർഡിന് മലയാളി അർഹനായി. മലപ്പുറം എ.ആർ നഗർ കുറ്റൂർ നോർത്ത് സ്വദേശി കുഴിയംതടത്തിൽ ഷൗക്കത്തലിക്കാണ് വിശിഷ്ട സേവനത്തിനുള്ള പുരസ്കാരം. 15 വർഷമായി ദീവയിൽ സേവനമനുഷ്ഠിക്കുന്ന ഷൗക്കത്തലി ബില്ലിങ് സർവിസ് ഡിവിഷനിൽ സീനിയർ അക്കൗണ്ടന്റാണ്.
ദുബൈ പ്ലാസോ വെർസേസ് ഹോട്ടലിൽ നടന്ന ചടങ്ങിൽ ദീവ എം.ഡിയും സി.ഇ.ഒയുമായ ശൈഖ് സഈദ് മുഹമ്മദ് അൽ തായർ അവാർഡ് സമ്മാനിച്ചു. എക്സിക്യൂട്ടിവ് വൈസ് പ്രസിഡന്റ്, സീനിയർ മാനേജർമാർ എന്നിവർ അദ്ദേഹത്തെ അനുമോദിച്ചു.
ആഭ്യന്തരതലത്തിൽ ലഭിച്ച അംഗീകാരം ദുബൈ ഗവൺമെന്റ് എക്സലൻസ് അവാർഡിലേക്കുള്ള മുതൽക്കൂട്ടാണെന്ന് ഷൗക്കത്തലി പറഞ്ഞു.
പരേതനായ കുഴിയംതടത്തിൽ സൈതലവിയുടെയും പള്ളിയാളി സൈനബയുടെയും മകനാണ്. ഭാര്യ: ഫർഷാന അവുഞ്ഞിക്കാട്. മക്കൾ: ഷിസാൻ മുഹമ്മദ്, ഷദ ഫാത്തിമ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.