ദുബൈ: എ.സി യൂനിറ്റിൽ നിന്ന് തീ പടർന്നതിനെ തുടർന്ന് ദുബൈയിലെ സ്കൂളിൽ നിന്ന് 2200 വിദ്യാർഥികളെയും അധ്യാപകരെയും ഒഴിപ്പിച്ചു. ഗർഹൂദിലെ ഖലീജ് നാഷനൽ സ്കൂളിൽ വ്യാഴാഴ്ച 11.50നാണ് സംഭവം. അഞ്ചു മിനിറ്റിനകം രക്ഷാ പ്രവർത്തകരെത്തി ദൗത്യം ആരംഭിച്ചതായി ദുബൈ സിവിൽ ഡിഫൻസ് അധികൃതർ അറിയിച്ചു. ഒന്നാം നിലയിലെ ക്ലാസ് മുറിയിൽ നിന്ന് പുക ശക്തമായി ഉയർന്നിരുന്നു. പുകയും തീയും കണ്ടതോടെ കുട്ടികളും അധ്യാപകരും അങ്കലാപ്പിലായി. എന്നാൽ സിവിൽ ഡിഫൻസ് സംഘം ഏവരെയും അപകട രഹിതമായി പുറത്തെത്തിച്ചു. 12.40 ഒാടെ തീ പൂർണമായി നിയന്ത്രിക്കാനുമായി. റാശിദീയ, പോർട്ട് സഇൗദ്, കറാമ, അൽ റാസ് സ്റ്റേഷനുകളിൽ നിന്നാണ് അഗ്നി ശമന സേനാംഗങ്ങൾ എത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.