അബൂദബി: റീം െഎലൻഡിൽ കെട്ടിടനിർമാണം നടക്കുന്ന സൈറ്റിൽ തീപിടിത്തം. കഴിഞ്ഞ ദിവസം ഉച്ചയോടെയാണ് തീപിടിത്തമുണ്ടായത്. ഉടൻ സിവിൽ ഡിഫൻസ്, പൊലീസ് ഉദ്യോഗസ്ഥർ സംഭവ സ്ഥലത്ത് കുതിച്ചെത്തി തീ നിയന്ത്രണവിധേയമാക്കി. കെട്ടിടത്തിെൻറ താഴെ നിലയിൽനിന്നാണ് തീ പടർന്നതെന്നും സംഭവത്തിൽ ആർക്കും പരിക്കില്ലെന്നും അബൂദബി സിവിൽ ഡിഫൻസ് ഡയറക്ടർ ജനറൽ ബ്രിഗേഡിയർ മുഹമ്മദ് ആൽ കെത്ബി വ്യക്തമാക്കി.
അഗ്നിശമന ഉദ്യേഗസ്ഥർ റെക്കോർഡ് സമയം കൊണ്ടാണ് തീ കെടുത്തിയത്. നിർമാണം നടക്കുന്ന കെട്ടിടങ്ങളിൽ തീപിടിക്കാതിരിക്കാൻ ആവശ്യമായ സുരക്ഷയും പ്രതിരോധ മാർഗങ്ങളും നിർമാണ കരാറുകാരും സൂപ്പർവൈസർമാരും കൈക്കൊള്ളണമെന്നും അദ്ദേഹം പറഞ്ഞു. തീപിടിത്തത്തിെൻറ കാരണം അന്വേഷിച്ച് വരികയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.