ദുബൈ: ഹിജ്റ പുതുവത്സരാഘോഷത്തിന്റെ ഭാഗമായി അവധി പ്രഖ്യാപിച്ച വെള്ളിയാഴ്ച ദുബൈയിൽ പാർക്കിങ് സൗജന്യം. മൾട്ടി ലെവൽ ടെർമിനലുകൾ ഒഴികെയുള്ള സ്ഥലങ്ങളിൽ പാർക്കിങ് ഫീസില്ലാതെ വാഹനങ്ങൾക്ക് പാർക്ക് ചെയ്യാമെന്ന് റോഡ് ഗതാഗത അതോറിറ്റി (ആർ.ടി.എ) വാർത്താക്കുറിപ്പിൽ അറിയിച്ചു.
വെള്ളിയാഴ്ച അടക്കം പൊതു, സ്വകാര്യ മേഖലകളിലെ ജീവനക്കാർക്ക് മൂന്ന് ദിവസം തുടർച്ചയായാണ് അവധി ലഭിക്കുന്നത്. അവധിദിവസത്തെ സേവനങ്ങളുടെ സമയമാറ്റവും ആർ.ടി.എ പ്രഖ്യാപിച്ചിട്ടുണ്ട്. കസ്റ്റമർ ഹാപ്പിനസ് സെന്‍ററുകൾ, പെയ്ഡ് പാർക്കിങ് സോണുകൾ, ബസ്, മെട്രോ, ട്രാം, മറൈൻ ഗതാഗത സേവനങ്ങൾ എന്നിവയുടെ പ്രവർത്തനങ്ങളിൽ സമയമാറ്റമുണ്ട്. വാഹന സാങ്കേതിക പരിശോധന കേന്ദ്രങ്ങൾക്കും കസ്റ്റമർ ഹാപ്പിനസ് സെന്‍ററുകൾക്കും വെള്ളിയാഴ്ച അവധിയാണ്. ശനിയാഴ്ച മുതൽ ഇവ പ്രവർത്തിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.