എമിറേറ്റ്സ് മലയാളി നഴ്സസ് ഫാമിലിയുടെ വാർഷിക ദിനത്തോടനുബന്ധിച്ച് 14 മുതിർന്ന നഴ്സുമാരെ ആദരിക്കുന്നു
ദുബൈ: യു.എ.ഇയിലെ മലയാളി നഴ്സുമാരുടെ കൂട്ടായ്മയായ എമിറേറ്റ്സ് മലയാളി നഴ്സസ് ഫാമിലിയുടെ വാർഷിക ദിനത്തോടനുബന്ധിച്ച് നഴ്സസ് ഡേ ഔട്ട് നടത്തി. ഇ.എം.എൻ.എഫ് പ്രസിഡന്റ് കെ. സിയാദ് ജമാലുദ്ദീൻ അധ്യക്ഷത വഹിച്ച പരിപാടിയിൽ ട്രഷറർ അനീഷ് മാത്യു സ്വാഗതവും പ്രോഗ്രാം കൺവീനർ കണ്ണൻ നന്ദിയും പറഞ്ഞു. 3000ത്തോളം നഴ്സുമാർ പങ്കെടുത്ത പരിപാടി ദുബൈ കോൺസുലർ താഡു മാമു ഉദ്ഘാടനം ചെയ്തു. യു.എ.ഇയിൽ 30ലധികം വർഷം സേവനമനുഷ്ഠിച്ച 14 മുതിർന്ന നഴ്സുമാരെ വേദിയിൽ ആദരിച്ചു. ഷാർജ ഇന്ത്യൻ അസോസിയേഷൻ പ്രസിഡന്റ് നിസാർ തളൻകര, സലാം പാപ്പിനിശ്ശേരി, മാത്തുക്കുട്ടി കഡോൺ, ഐഷ അബ്ദുൽ റഹ്മാൻ അബ്ദുല്ല എന്നിവർ മുഖ്യാതിഥികളായിരുന്നു. ഡോ. ജീൻ, ബിലാൽ, നാഗരാജ് റാവു, ജുബി കുരുവിള, ആർ. ജെമാരാ മീര, സമീറ എന്നിവർ ആശംസ നേർന്നു. തുടർന്ന് ഇ.എം.എൻ.എഫ് നഴ്സുമാരുടെയും കുട്ടികളുടെയും കലാപരിപാടികളും ചടങ്ങിൽ അവതരിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.