ദുബൈ: മലയാളക്കരയുടെ ദേശീയോത്സവത്തിന് പ്രവാസലോകത്ത് ഉജ്ജ്വല ആഘോഷമൊരുക്കി 'ഗൾഫ് മാധ്യമം'. 'ഓണോത്സവം' സെപ്റ്റംബർ 17, 18 തീയതികളിൽ ഷാർജ സഫീർ മാളിലാണ് ഒരുക്കുന്നത്.
ഷാർജ ഇതുവരെ കണ്ടിട്ടില്ലാത്ത ഉത്സവാന്തരീക്ഷത്തിൽ നടക്കുന്ന 'ഓണോത്സവം' കൈനിറയെ സമ്മാനങ്ങൾ വാരിക്കൂട്ടാനും കുടുംബത്തോടൊപ്പം ആഘോഷിക്കാനും സന്തോഷം പങ്കിടാനുമുള്ള വേദിയാണ് ഒരുക്കുന്നത്. മത്സരങ്ങളിൽ പങ്കെടുക്കാൻ താൽപര്യമുള്ളവർ https://onam.madhyamam.com എന്ന ലിങ്ക് വഴി രജിസ്റ്റർ ചെയ്യണം.
വടംവലി, പൂക്കളം, പായസമത്സരം, കുടുംബപാചകം, കുട്ടികളുടെ ചിത്രരചന, ദമ്പതി മത്സരം തുടങ്ങി കുഞ്ഞുങ്ങൾ മുതൽ മുതിർന്നവർ വരെ എല്ലാ പ്രായത്തിലുമുള്ളവർക്ക് മത്സരിക്കാനും കൂടിച്ചേരാനും സന്തോഷിക്കാനുമുള്ള വേദിയാണ് സഫീർ മാളിലൊരുങ്ങുന്നത്. വിജയികളെ കാത്തിരിക്കുന്നത് സമ്മാനപ്പെരുമഴയാണ്.
രജിസ്റ്റർ ചെയ്യാൻ ക്യൂ.ആർ കോഡ് സ്കാൻ ചെയ്യുക
വടംവലി മത്സരത്തിന് എട്ടുപേർ അടങ്ങിയ സംഘത്തിന് രജിസ്റ്റർ ചെയ്യാം. സംഘടനകൾക്കും സ്ഥാപനങ്ങൾക്കും കുടുംബങ്ങൾക്കും വ്യക്തികൾക്കുമെല്ലാം ഗ്രൂപ്പായി ചേർന്ന് പങ്കെടുക്കാം. ആദ്യ മൂന്ന് സ്ഥാനക്കാർക്ക് സമ്മാനമുണ്ടാകും. തുമ്പയും തെച്ചിയും മുക്കുറ്റിയും ചെണ്ടുമല്ലിയും ബന്തിയും ജമന്തിയും നന്ത്യാർവട്ടവുമെല്ലാം നിറങ്ങളൊരുക്കുന്ന പൂക്കളമത്സരത്തിൽ രണ്ട് മുതൽ അഞ്ചുപേർ വരെയുള്ള സംഘത്തിന് മാറ്റുരക്കാം. മക്കളോടൊപ്പം പാചകംചെയ്ത് സമ്മാനം നേടാനുള്ള അവസരമാണ് 'കുക്ക് വിത്ത് കുടുംബം'.
കുടുംബപാചകത്തിന് പുറമെ പായസത്തിൽ പരീക്ഷണങ്ങൾക്കൊരുങ്ങുന്നവർക്കായി 'പായസപ്പോരും' അവതരിപ്പിക്കുന്നുണ്ട്. കുരുന്നുകൾക്ക് കൈനിറയെ സമ്മാനം നൽകാൻ 'ലിറ്റിൽ ആർട്ടിസ്റ്റ്' ചിത്രരചന മത്സരവും നടക്കും. മനപ്പൊരുത്തത്തിൽ മുന്നിൽനിൽക്കുന്ന ദമ്പതികളെ തിരഞ്ഞെടുക്കുന്നതായിരിക്കും 'പെർഫെക്ട് കപ്പിൾ' മത്സരം. നർമവും കളിയും ചിരിയും കാര്യവും കലർന്ന ഈ മത്സരത്തിൽ പങ്കെടുക്കാനും ഉടൻ രജിസ്റ്റർ ചെയ്യണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.