ഷാ​ർ​ജ​യി​ൽ താ​ലി​പ്പ​രു​ന്തു​ക​ൾ​ക്കാ​യി കൃ​ത്രി​മക്കൂ​ട്

ഷാ​ർ​ജ: താ​ലി​പ്പ​രു​ന്തു​ക​ൾ​ക്ക്​ കൃ​ത്രി​മ കൂ​ടൊ​രു​ക്കു​ന്ന പ​ദ്ധ​തി​ക്ക്​ തു​ട​ക്ക​മി​ട്ട്​ ഷാ​ർ​ജ. എ​മി​റേ​റ്റി​ലെ പ​രി​സ്ഥി​തി, സം​ര​ക്ഷി​ത മേ​ഖ​ല അ​തോ​റി​റ്റി (ഇ.​പി.​എ.​എ) ആ​ണ്​ വ്യ​ത്യ​സ്ത​മാ​യ പ​ദ്ധ​തി പ്ര​ഖ്യാ​പി​ച്ച​ത്. വ​ന്യ ജീ​വി​ക​ളു​ടെ ആ​വാ​സ​വ്യ​വ​സ്ഥ​യും ജൈ​വ വൈ​വി​ധ്യ​വും സം​ര​ക്ഷി​ക്കു​ക​യാ​ണ്​ പ​ദ്ധ​തി​യു​ടെ ല​ക്ഷ്യം.

ആ​ദ്യ കൃ​ത്രി​മക്കൂ​ടി​ന്‍റെ നി​ർ​മാ​ണം സ​ർ ബു ​നാ​യ്​​ർ ഐ​ല​ൻ​ഡ്​ റി​സ​ർ​വി​ൽ പൂ​ർ​ത്തി​യാ​യി. എ​മി​റേ​റ്റി​ലെ പ്ര​കൃ​തി സം​ര​ക്ഷി​ത​യി​ട​ങ്ങ​ൾ ഉ​ൾ​പ്പെ​ടെ തീ​ര​മേ​ഖ​ല​ക​ളി​ൽ കൂ​ടി പ​ദ്ധ​തി വ്യാ​പി​പ്പി​ക്കാ​നാ​ണ്​ അ​തോ​റി​റ്റി​യു​ടെ തീ​രു​മാ​നം. ഡി​സം​ബ​ർ മു​ത​ൽ മാ​ർ​ച്ച്​ വ​രെ​യു​ള്ള ഇ​ണ​ചേ​ര​ൽ സീ​സ​ണി​ൽ താ​ലി​പ്പ​രു​ന്തു​ക​ൾ​ക്ക്​ ഏ​റ്റ​വും അ​നു​യോ​ജ്യ​വും സു​ര​ക്ഷി​ത​വു​മാ​യ കൂ​ടൊ​രു​ക്കാ​ൻ പ​റ്റി​യ സ്ഥ​ല​ങ്ങ​ളി​ലാ​ണ്​ പ​ദ്ധ​തി ന​ട​പ്പാ​ക്കു​ന്ന​ത്.

താ​ലി​പ്പ​രു​ന്തു​ക​ളു​ടെ എ​ണ്ണം, പ​റ​ക്ക​ൽ രീ​തി​ക​ൾ, നീ​ക്ക​ങ്ങ​ൾ, സ്വ​ഭാ​വം, ഭ​ക്ഷ​ണ​ക്ര​മം തു​ട​ങ്ങി​യ കാ​ര്യ​ങ്ങ​ൾ നി​രീ​ക്ഷി​ക്കു​ന്ന​തി​നും ട്രാ​ക്ക്​ ചെ​യ്യു​ന്ന​തി​നു​മാ​യി കൃ​ത്രി​മക്കൂ​ടി​നെ നി​രീ​ക്ഷ​ണ കാ​മ​റ​ക​ളു​മാ​യി ബ​ന്ധി​പ്പി​ക്കും. ആ​ഗോ​ള ത​ല​ത്തി​ൽ പ്ര​വ​ർ​ത്തി​ക്കു​ന്ന ‘താ​ലി​പ്പ​രു​ന്ത് നി​രീ​ക്ഷ​ണ സം​രം​ഭ’​ത്തി​ന്‍റെ പ്ലാ​റ്റ്​​ഫോ​മി​ൽ ര​ജി​സ്റ്റ​ർ ചെ​യ്തി​ട്ടു​ള്ള യു.​എ.​ഇ​യി​ലെ ആ​ദ്യ കൃ​​ത്രി​മക്കൂ​ടാ​യി​രി​ക്കു​മി​ത്.

പ​രി​സ്ഥി​തി സം​ര​ക്ഷ​ണ​ത്തി​നാ​വ​ശ്യ​മാ​യ തീ​രു​മാ​ന​ങ്ങ​ൾ എ​ടു​ക്കു​ന്ന​തി​ന്​ വ​ലി​യ രീ​തി​യി​ൽ പി​ന്തു​ണ ന​ൽ​കാ​നാ​യി വി​ദ​ഗ്​​ധ​രും പ​രി​സ്ഥി​തി പ്ര​വ​ർ​ത്ത​ക​രും ചേ​ർ​ന്ന്​ രൂ​പം ന​ൽ​കി​യ ആ​ഗോ​ള സം​രം​ഭ​മാ​ണ്​ ‘താ​ലി​പ്പ​രു​ന്ത് നി​രീ​ക്ഷ​ണ സം​രം​ഭം’. 1.4 കി​ലോ വ​രെ​യാ​ണ്​ താ​ലി​പ്പ​രു​ന്തി​ന്‍റെ തൂ​ക്കം.

ഒ​രി​ക്ക​ൽ കൂ​ടൊ​രു​ക്കാ​നാ​യി ഒ​രു പ്ര​ത്യേ​ക ഇ​ടം ഇ​വ​റ്റ​ക​ൾ തി​ര​ഞ്ഞെ​ടു​ത്തു​ക​ഴി​ഞ്ഞാ​ൽ പി​ന്നീ​ട്​ വ​രു​ന്ന ഇ​ണ​ചേ​ര​ൽ സീ​സ​ണു​ക​ളി​ലും ഈ ​കൂ​ടു​ക​ൾ പു​ന​രു​പ​യോ​ഗി​ക്കാ​റു​ണ്ട്. രാ​ജ്യ​ത്ത്​ താ​ലി​പ്പ​രു​ന്തു​ക​ളെ നി​യ​മം മൂ​ലം സം​ര​ക്ഷി​ച്ചി​ട്ടു​ണ്ടെ​ന്ന്​ ഇ.​പി.​എ.​എ ചെ​യ​ർ​പേ​ഴ്​​സ​ൻ ഹ​ന സൈ​ഫ്​​ അ​ൽ സു​വൈ​ദി പ​റ​ഞ്ഞു.

2016ൽ ​പ്ര​ഖ്യാ​പി​ച്ച നി​യ​മ​പ്ര​കാ​രം വം​ശ​നാ​ശ ഭീ​ഷ​ണി നേ​രി​ടു​ന്ന പ​ക്ഷി​ക​ളെ വേ​ട്ട​യാ​ടു​ന്ന​തും വി​ൽ​പ​ന ന​ട​ത്തു​ന്ന​തും കു​റ്റ​ക​ര​മാ​ണ്. തീ​ര​മേ​ഖ​ല​യി​ൽ താ​ലി​പ്പ​രു​ന്തു​ക​ളു​ടെ പ്ര​ജ​ന​നം നി​രീ​ക്ഷി​ക്കു​ന്ന​തി​ന്​ തു​ട​ർ​ച്ച​യാ​യി സ​ർ​വേ​ക​ൾ ന​ട​ത്താ​റു​ണ്ടെ​ന്നും ഹ​ന സൈ​ഫ്​ അ​ൽ സു​വൈ​ദി പ​റ​ഞ്ഞു.