ദുബൈ: ദുബൈയുടെ രണ്ടാമത് ഉപഭരണാധികാരി ശൈഖ് അഹ്മദ് ബിൻ മുഹമ്മദ് ബിൻ റാശിദ് ആൽ മക്തൂം 2024 വരെ ദേശീയ ഒളിമ്പിക് കമ്മിറ്റി പ്രസിഡന്റായി തെരഞ്ഞെടുക്കപ്പെട്ടതായി ദേശീയ ഒളിമ്പിക് കമ്മിറ്റി തെരഞ്ഞെടുപ്പ് കമീഷൻ പ്രഖ്യാപിച്ചു. ഒളിമ്പിക് കമ്മിറ്റി ഡയറക്ടർ ബോർഡ് അംഗങ്ങളുടെ തെരഞ്ഞെടുപ്പ് ഈ മാസം 22ന് നടക്കും. ദേശീയ ഒളിമ്പിക് കമ്മിറ്റി ദുബൈയിലെ ആസ്ഥാനത്ത് നടത്തിയ വാർത്തസമ്മേളനത്തിലാണ് ഇക്കാര്യം അറിയിച്ചത്. ചെയർമാൻ നാമനിർദേശം ചെയ്ത ഡയറക്ടർ ബോർഡ് സ്ഥാനാർഥികളെയും പ്രഖ്യാപിച്ചു. ശൈഖ് റാശിദ് ബിൻ ഹുമൈദ് അൽ നുഐമി, ഡോ. അഹ്മദ് ബൽഹൂൽ അൽ ഫലാസി, ഹനാൻ മുഹമ്മദ് അൽ മഹ്മൂദ്, നൗറ ഹസൻ അൽ ജാസ്മി എന്നിവരാണ് ചെയർമാനെ നാമനിർദേശം ചെയ്ത സ്ഥാനാർഥികൾ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.