ശബാബ് അൽ അഹ്‌ലി ടീമംഗങ്ങൾ ശൈഖ് മുഹമ്മദ് ബിൻ റാശിദ് ആൽ മക്തൂമിനൊപ്പം
ദുബൈ: യു.എ.ഇ പ്രഫഷനൽ ഫുട്ബാൾ ലീഗ് ചാമ്പ്യന്മാരായ ശബാബ് അൽ അഹ്‌ലി ക്ലബിന് യു.എ.ഇ വൈസ് പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തൂമിന്‍റെ അഭിനന്ദനം. കളിക്കാരുമായി കൂടിക്കാഴ്ച നടത്തിയ അദ്ദേഹം ഒരോരുത്തരെയായി പരിചയപ്പെടുകയും സംവദിക്കുകയും ചെയ്തു.
കായികവിനോദങ്ങൾ രാജ്യത്തിന് ഉന്മേഷവും ഊർജവും പകരുന്നതാണെന്നും നമ്മുടെ ഐക്യത്തെയും ഒത്തൊരുമയെയും പ്രോത്സാഹിപ്പിക്കുന്നതാണെന്നും അദ്ദേഹം അഭിനന്ദനമറിയിച്ച് പിന്നീട് ട്വിറ്ററിൽ കുറിച്ചു.
ദുബൈ സ്പോർട്സ് കൗൺസിൽ ചെയർമാൻ ശൈഖ് മൻസൂർ ബിൻ മുഹമ്മദ് ആൽ മക്തൂം, ശൈഖ് മുഹമ്മദ് ബിൻ റാശിദ് ബിൻ മുഹമ്മദ് ആൽ മക്തൂം എന്നിവരടക്കം പ്രമുഖർ ചടങ്ങിൽ സന്നിഹിതരായിരുന്നു. യു.എ.ഇ പ്രഫഷനൽ ഫുട്ബാൾ ലീഗ് 2023 സീസണിലുടനീളം മികച്ച പ്രകടനം കാഴ്ചവെച്ച ശബാബ് അൽ അഹ്‌ലി ക്ലബ്‌ 57 പോയന്‍റുമായാണ് ലീഗ് ജേതാക്കളായത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.